أضف سؤال أو موضوع جديد          

الحمد لله استخرجت رخصه قياده في 4 ساعات تقريبا

up 18 down 7
tttt35035 1061
قبل 6 سنه و 8 شهر



السلام عليكم 

تجربتي في استخراج رخصه من دله مخرج 24 

الخطوات وبعض النصائح 

اول شي كانت علي مخالفات اكثر من 12 الف ومافي اي حل الى اني سددتها وجلست سنه واكثر ادور وساطه 
لاكن الانظمه الجديده مستحيل ولا احد يفكر الى بالتسديد ..

ثاني شي كنت متخاوف اني ارسب ويخلوني ادرس اسبوع وكنت ادور وساطه من اكثر من سنه احد يطلعها لي
واعطيه عمولته لاكن الحمد لله اني مشيت وماتوقعت هالسهالات 

رحت ساعه 8 الصبح اخذت النموذج من دله ورحت مكتب صغير تحليل ونظر يبعد 100 متر عن دله وجنبه

مكتب خدمات تصور البطاقه ووملف اخضر ب 5 ريال وكشفت ب120 ريال بمكتب الكشف الي جنبه

لانه مو حكومي لو حكومي كان بلاش لاكن كان عندي اهم شي الوقت 

واقرب صرافه تروح خدمات حكوميه ونختار 10 سنوات ب 400 ريال

رجعت دله بنصف ساعه واقل ومعي 4 صور وصوره البطاقه والنوذج والملف وختمها العسكري

ورحت الشباك الثاني بنفس الصاله ودفعت 100 ريال حق ساعه محاظره ويقول لك روح صاله رقم كذا

ويعلمك وش يجيك اختبار بالحاسب ويعلمك كيف طريقه السواقه من ربط حزام الخ وجاوبت كل الاسئله بنجاح ..

واخذونا لصاله الاختبار حق الحاسب قبل السواقه غريبه المهم اختبرنا والكل نجح معدا تقريبا 2 

وقالو انتظرو بالصاله اختبار سواقه وبدينا نركب كل شوي 4 اشخاص مع العسكري 

ركبت عدلت المرتبه + الحزام + تتاكد انها شغاله السياره + تتاكد من الفلشر وتوزن المرايه وتعشق وتمشي 

انا بديت اقومها ومشيت 5 متر قال انزل وكلنا سقنا الاربعه في دقيقتين

ورجعنا الصاله وعطونا الملف الكل طبعا نااااااااااااجح وتوجهنا لصاله طبع الرخصه ساعه 12 

واعطيتهم وصليت الظهر عندهم وجيت صارت مطبوعه جاهزه 

___________________________________________

نصائح لبعض الاخوه السعودين 

1  البس ثوب وشماغ لسعودين لانه نادرا احد بدون شماغ وخلك بالزيي الرسمي

2 الي يبحثو عن واسطه انا والله مثلكم كنت خائف وكنت مستعد ادفع 2000 
لاكن والله الي يقول لكم بيطلعها هاذا نصاب ما احد يقدر يستخرجها لك الى بواسطه قويه وماتستاهل اساسا وساطه

3احذرو من النصب من الي يقول ارفع مخالفاتك ةاو اشيلها عنك تعبت وانا ادور وكلمت ضباط وقالو الله يهديك 
لاتتعب نفسك 


كل الشغله ماتتعدا 4 ساعات وفي يوم واحد ورحت وقت زحمه يوم الاحد والكل اخذها حتى بعض الاجانب مايعرفو 
عربي ووقت المحاظره مع الاسف بدون شرح بالانجليزي لانه الكل نجح معدا 2 كانو يغشون بالحاسب


وبالتوفيق للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وايش سبب حوادث السيارات في السعوديه؟

استهتار بمدارس تعليم القياده 




up 0 down 2
aym0on 4
قبل 6 سنه و 8 شهر



اخوي الغالي وشلون اخذت رسوم التعليم ب100 ريال ؟ كل الناس يقولون انها ب 450 ريال تقريباً وتجلس اسبوع كامل إلين تطلع الرخصه
اتمنى تفيدني


up 0 down 0