كيف اعرف العداد صحيح او ملعوب فيه

مافيه طريقه تتاكد فيها ان العداد مفصول, لكن طالع الدركسون والازرار والمراتب متشققه باين عليها الاستعمال ولا نضيفه 

مفصول او مرجع او مغيير 
انتبه 
نظافة السيارة والفحص الدقيق يبين 
بالذات بالداخلية 

العداد مالك الا ذمت الشخص...

والله العداد مشكله هالايام ولاكن الممشى مرتبط مع نضافة السيارة الداخليه
يعني مو معقول يقولك مخزن ماشي 80 الف وتجي تحصل اطراف المقعدة متقطعه
ولا الطارة متقطعه تقدر تكتشف باشياء كثيرة

موب شرط ياشباب اذا الداخلية نظيفة يكون الممشى صحيح كان معاي بانوراما ماشي ٢٠٠٠٠٠ ومن داخل وخارج تقول ماشي ٥٠٠٠٠ اللي يوقفون السيارة تحت مظلة دايم واستخدام داخل الرياض تجلس وكالة معاه ولو لعب بعدادها ما احد بيشك 

وانا معي كامري وكاله ماشيه ١١٠الاف كيلو بس اذا تشوفها من جوا تقول ماشيه ٥٠٠الف ههههه كامري ٢٠٠٩

الممشى مو مقياس سيارتي 400 الف والحمدالله بدي صبغ وكالة وداخلية ممتازة بس في بداية تبهيت خفيفة بالبدي .. اذافحصتها وكانت نظيفة جدا قير ومكينه وبدي وداخلية خذها ما يضر الممشى

فيه جهاز يفحص ممشى السيارة عن طريق القير وموثوق وصعب التلاعب فيه 

في بعض السيارات مثل شركة لكزس يطلعون الممشى الحقيقي 




لكن تعرف من  داخلية السيارة ومن اسفل السيارة لكن مركز الفحص مايقدر 




يعرف العداد ملعوب فيه او لا  

يا غالي اذا الموتر امريكي

افحصه كارفكس وشوف كم عداده بالتقرير

وشوف متى ورد للسعوديه قبل كم سنه 

لانه يمكن ماشي 150 الف بالتقرير وله ثلاث سنين بالسعوديه وممشاه 160 الف

ماهي معقوله مشا بس 10 الاف بثلاث سنين

وان كانه سعودي

فسمعت في مراكز الفحص إنه في فحص للمكينه

ويطلع نسبة نظافتها وممشاها التقريبي 

يعني يقولك ممشاه التقريبي 200 ألف والعداد 180 او 220 الف فما فيه فرق كبير

لكن يقول ممشاه 200 ألف تقريبا وعدادها 120 ألف هنا فيه فرق

شف الفحص الدوري قد شريت موتر طلع ملعوب بالعداد واطالع بالفحص إلا زايد حول 100

شف دواسات البريك والبنزين
واذا جنزير المكينة مغير معناتوه السيارة متعدية ١٥٠ الف
وطالع للااديتر اذا جاية عج والااشيا اللي حولة

وباالتوفيق

اجهزة  الفحص حقة الوكالة  هي  يلي تطلع   الخمير والفطير  في الموتر    كمبيوتر السيارة يسجل  كل شي  يصير  في السيارة 
تاريخ كامل  عنها   
حوادث  يعلمك  في اي تاريخ و ساعة فتح الايرباق  و اي  ايرباق  فتح يمين يسار  سقف   مقعد  وحتى لو تصلح الايرباق  كمبيوتر الموتر يضل مسجل  تاريخ الحادث 
يعلمك تغييرحدث في عداد  الكيلو متر   من كمبيوتر القير  او كمبيوتر المكينة  او من كمبيوتر الكنترول بدي  او اي دبليو اس
انا عندي جهاز الكمبيوتر  حق بي ام دبليو   وكنت وقت اشتري موتر انا افحصه بنفسي  وياما حصلت  بلاوي   

السلام عليكم ورحمة الله وبركاته

انا كشفت المعرض بورقة الفحص الدوري تاركها صاحبها فالسياره فالشنطة 

و المعرض ما انتبه بس حليناها بالرضا ...

و أتوقع و الله أعلم أن المعرض دايم يسويها ﻷني لقيت له إعﻻنات هنا و سياراته

كلها ممشاها قليل و هو معرض الوسطى بمعارض النسيم .

ارجع للوكالة لان الوكالة يفحصون كمبيوتر ويعرفون ان كان اي فيوز مفصول او شي ملعوب فيه