يأخي التمس لأخيك عذر وكذالك افسح المجال للأسعاف

انا ملاحظ اي واحد تطيح نقاطه وكان يسب خلق الله بالمنتدى وصار كريه

يجيك ينزل موضوع مسوي فيها قمة الاخلاق والانسانية عشان ياخذ لايكات ويرفع نقاطه مره ثانيه هههههههههه

قديمة اللعب غيرها

التركي (( قل خيراً او أصمت ))

جزاك الله خيرا  

احسنت
جزاك الله خير يا ليت الناس يتعضون

هذا ابراهيم التركي طفل خرب المنتدى بتعليقاته وهوشاته 

وعنده اكثر من نك نيم بنفس الأسم مثل :

١- ابرااهيم التركي ٢- ابراهيم التركي  وغيرها الكثير 

الموضوع الاول...طيب اذا غلط ما يعتذر ويحترم نفسه...لا يجيك معصب ويأشر بيده ليه اش فيه.  في ناس مالهم عذر الا قلة التربية والعقل، والعدد للاسف مو بسيط.

ابراهيم لاصرت تعرف اللي بقلوب تكلم عن اللي بقلوب 
وبما انك ماتعرف اللي بالقلوب اترك القلوب لربها

عبد الشاكر انا اشك ان عندك عضوية ثانية بالمنتدى ماهو غلط لو علمتنا 

احسنت اخي عبد الشاكر

واكر دائما هي ثقافة يتربى عليها الانسان من محيطه ( الاسرة الاقارب الزملاء الجيران ... )

فلننتبه الى ذلك

هههههههههههههههههههههههههههههههههههههههههههههههههه

اخوي المحربية:
اللي يمشى مع الاسعاف الاغلب انهم اقراباء المريض
لاتقول همج وانا اخوك .. الله يشفي جميع المسلمين ويمتعنا بثوب الصحه والعافيه

طيب اغلب التقفيله ع الاسعاف في الاشارات

سواء ساهر او لا

خلهم يحطون حساسات للاسعافات اذا جت تقفل كل الاشارات وتبقى اشارة الاسعاف خضراء ويمشون اللي فيها

بكذا يبعدون عن الاسعاف وصلى الله وبارك على محمد

وساهر ايضا نفس الشي يحطون حساسات واذا اشتغلت اشارة بسبب الاسعاف 
يقفلون الكاميرات والفلاشات ماتشتغل عشان الشعب يفكون للاسعاف

انا سايق اسعاف في مستشفى حكومي كبير

والله لو اشكي من اليوم الى بكره من المعاناه ماحد معطينا وجه

يكفي ان تكلفة الاسعاف تقارب ٥٠٠ الف 
حتى التأمين ماعليها تأمين

السايق هو يتحمل اي حادث عليها 
السايق يتحمل حتى مخالفاتها
السايق احيانا كثيره يعبيها من جيبه 
السايق يتحمل اضرار السيارة الثانيه

ويجيك همجي مايفهم يا يطرد ورانا ولا مايفتح لنا 
ياخي حتى الدوريات والمرور يفكون الطريق 

ليش ماتفتح طريق او ماتطرد
والله اني اعتبره انجاز اذا مشيت بالخط ماحد وراي 
او واقف عند اشاره ومعي حاله ويفتح لي

اما اذا ماعندي حالة الوضع عادي 
اوقف بالاشاره وامشي بالزحمه بدون اي ونان 
مثلي مثل اي سيارة

xpoldx
تدري ليه تعانون
لان نظام الدوله غير واضح ومبهم وعشان تخاذ حقك ولو انت مو مخطي يبيلك سنه معاهم

يعني لو واحد قطع اشاره وصورته الكميرا عشان الاسعاف يمر
بتجيه مخالفه قطع اشاره

المفروض المرور يوم يشوف صورة قطع الاشاره ويشوف وراه اسعاف ماينزلون المخالفه
لانهم عارفين انه قطعها لان وراه اسعاف
هذي امور بديهيه مايحتاج لها تفكير

لكن لمن الواحد يقطع اشاره عشان اسعاف وتجيه مخالفه
ويراجع المرورض ويقدم اعتراض
ولازم يسدد المخالفه عشان يقبل اعتراضه وينتظر لحد مايشيلونه عنه

^^^
كل هذي القصه والافلام يتعرض لها المواطن لانه ساعد في انقاذ روح 
طيب يا ادارة المرور اذا تبون الشعب يتساعد معاكم تساعدو معاه انتم 

ليه لمن تشوفون قطع الاشاره بسبب الاسعاف والصوره ظاهره عندكم تروحون تلزقون المخالفه فظهر المواطن
وتطالبون انه يسدد ويجلس يراجع ويقدم اعتراض عشان تسقط عنه المخالفه

هذا بحد ذاته المرور هو السبب الرئيسي وهو الي اعطى دافع للمواطن انه يتقاعس في عدم التعاون مع الحالات الحرجه

ياخي صار الواحد يقول طزززززز
ليه اقطع اشاره عشان اسعاف واخرتها اجلس اراجع واضيع وقتي وفلوسي 
لا ادارة مرور تقدر ولاتفهم 
والمواطن ضحيه الغباء المستفحل في المرور  !!!!

لو وضعوا نظام بمنع مخالفة قطع الاشارة بسبب الاسعاف
صدقني كل واحد راح يفسح المجال للاسعاف وبتلقون افضل تعاون وتقدير

بس دام انه  مافي تعاون ولا فيه انظمه تحمي المواطن فمثل هذي الامور
لاتستغربون الناس تطنش الاسعاف   !!!!

ياخي الواحد يمكن ماعنده فلوس وماعنده وقت يجلس يراجع ووراه التزامات ومسؤليه ومراجعات فالمستشفيات وعليه ضغط مب طبيعي

فتلقاه عند الاشاره يقول اكل مخالفه قطع اشاره بسبب اسعاف وانلطع فالمرور بسببها
لا والله خلهم 
لكن لو المخالفه ماتنزل صقني الكل بيفتح المجال 

شويخ من ارض مكناس 

انا حاليا في المانيا والله الإسعاف يشغل الونان الناس يفكون له طريق وعند الإشارة الناس الماشين يوقفون  

يامشعل
المانيا عندهم نظام واضح وحماية مواطنين فثمل هذي الامور

هنا تقطع اشاره عشان تفسح المجال للاسعاف يمشي
تجيك مخالفه وتعال شوف المرمطه الي بتجيك عشان تسقط المخالفه عنك   !!!!

تتوقع الشعب بينضبط مع الحالات الطارئه
والمرور نظامه عقيم ويدورون على المخالفه بشمعه

اكيد محد بيضرب حساب للاسعاف
وانا منهم
والل ماعندي وقت اكل مخالفه واجلس اطارد وراهم عشان اسقطها وانا مظلوم
يعني خل الاسعاف ينرزع لين تفتح الاشاره
والذنب في المرور و فيني

لانه بامكانهم يمنعون صدرو المخالفه لانها جات بسبب حالة طارئه
فهم اجبرو المواطن على عدم التعاون 

النظام اللي في المانيا هو نفسه موجود عندنا

لكن الاشكاليه في عدم تطبيقه والحزم في تطبيق مخالفاته 

ياخي المفترض اصلا ان الاسعاف يؤمن مجانا او برسوم رمزيه 
كونه يقدم خدمة انسانيه
ان حصل علي حادث والله العظيم مالي فيه ذنب ولا خطيه حطو الخطا علي 
وتحملت قيمة الاسعاف باكثر من 10 الاف ريال 

والله لو احلف ان النظام يطبق 2% والباقي ع الهامش