أضف سؤال أو موضوع جديد          

موضوع الشريطية والمزايدات ؟

up 9 down 3
الفدرالي2008 78
قبل 6 سنه و 7 شهر



بقول شيء بس تقرقع في قلبي
الناس بكل دول العالم يحطون السعر المطلوب ويكتب جنبها قابل للتفاهم 
بكذا راح يوفر البائع على نفسه الازعاج وفي نفس الوقت يريح المشتري
أما حركة (مالي حد) و (من حد لد) هذي كلها استحدثوها الشريطية الله لا يعطيهم عافية 
وصاروا الناس يستعملونها على هالأساس والهدف منه هو الطمع ويحسب أنها بتجيب له أكثر.

والله أني أبي اشتري سيارة ومو قادر بسبب هالحركة الوصخه
أنا عندي ميزانيه ما اقدر اتعداها واذا جيت أفرق السوم قعد يقولي سومة طيبة من وجهن طيب وأطلب من الله الزود

سلامات !!

حسبي الله ونعم الوكيل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي هذا السوق سوم وبس يا اما تكون من نصيبك او من نصيب غيرك
اما الشريطيه تجنبهم و ترتاح


up 1 down 1
sehly11 648
قبل 6 سنه و 7 شهر



إلى متى وأنا اسوم وأفرق السوم ؟؟؟ 
ماني فاضي له كل شوي أدخل على أعلانه وأحدث الصفحه

يعطيني كم طالب فيه اذا كان قريب من ميزانيتي شريت 
واذا كان بعيد سحبت عليه.

أما نظام المماطلة مع نفسه هو وسيارته 



up 3 down 0
الفدرالي2008 78
قبل 6 سنه و 7 شهر



اخوي مثل ماقلت هذا السوق سوم وانتظر اذا بتزود

طيب يمكن  صاحبها مايدري  كم تجيب فالحل انه تنسام
فاضي ولا مانت فاضي محد فكر فيك،،،،، يمكن يزعل كلامي لكن هذا الواقع... تحياتي 



up 0 down 11
sehly11 648
قبل 6 سنه و 7 شهر



أتفق معك , و موضوعك مفيد


up 2 down 3
mafalshuhail -1
قبل 6 سنه و 7 شهر



والله الشريطيه يقهرون يفعوا أسعار السيارات المستعمله ويقول لك بعد هذي نظيف البدي سلامات لو ابي نظافة بدي كان اخذت اصفار اهم شيء عند الزبون هو سياره بسعر معقول وبدون تلاعب انا مدري وين حماية المستهلك من الشريطيه


up 0 down 1
شليويح الرشيدي 59
قبل 6 سنه و 7 شهر



اغلبه نصب
خصوصا يوم يجيك واحد يقولك سيمت برا او علا للجوال

انا وش يضمن لي انها سيمت برا
ممكن تكذب علينا عشام ترفع السوم


لذلك كل الاعلانات ولاحظها انت
اذا السياره ماجابت السعر الي فبال راعيها
يجيك مدرعم ويقولك سيمت برا وسيمت علا الجوال 


up 2 down 3
شويخ من أرض مكناس 2823
قبل 6 سنه و 7 شهر



يارييت موقع حراج يكون مثل موقع ايباي عندهم المزايدات لها وقت محدد بعد ماتنتهي المدة تنباع للي اعطى اعلى سومة


up 1 down 2
كابرس1993 524
قبل 6 سنه و 7 شهر



يا كاتب الموضوع وسع صدرك تراك لو بتبيع موتر يمكن تقول مالي حد ..... خلك مكان الرجال
أما الشريطية فهذول قصة ثانية ربنا يهديهم


up 4 down 1
احمد 206 441
قبل 6 سنه و 7 شهر



حسبنا الله و نعم الوكيل أنا اتفق مع أخوي كابرس لو تكون السومات الها وقت معين 


up 1 down 0
ayham73 659
قبل 6 سنه و 7 شهر



والله أني أبي اشتري سيارة ومو قادر بسبب هالحركة الوصخه
أنا عندي ميزانيه ما اقدر اتعداها واذا جيت أفرق السوم قعد يقولي سومة طيبة من وجهن طيب وأطلب من الله الزود

سلامات !!



^^^
واضح أنك مغبون وواصله معك هههههههه الله يرزقك بأطيب من ماتتمنى


up 1 down 1
بـندر 99 77
قبل 6 سنه و 7 شهر



الله يجزاك خير يابندر 


up 0 down 0
الفدرالي2008 78
قبل 6 سنه و 7 شهر



ي خوي حدث العاقل بما يعقل 
يعني أنا لو عندي سياره وقيمتها مثلا في السوق فوق الثمانين 
وتجي انت وتسوم ب ٦٥ تبيني أبيعك سلامات بقولك سومه طيبه من وجوه طيب
أما بالنسبه الشريطي فيهم الصالح وفيهم الطالح 
ولاحد جابرك تشتري من الشريطي يعني الحين لوتشتري 
اي سياره منت مجبور تصدقه سواء شريطي او شخص عادي الفحص بينك وبينه 


up 1 down 1
بحرواحد 20
قبل 6 سنه و 7 شهر



والله صادق لي اكثر من اسبوع ابحث عن موتر لشخص موصيني وميزانيته ماتتعدى 22الف
واذا حصلت موتر سمت 18 الف قال سومة طيب وماني بعيد سمت 19 قال سومة طيبه من وجهن طيب ماني بعيد
سمت 25000 قال سومة طيبه والله يجزاك خير ماني بعيد !!! طيب الى متى منت بعييييييد 
قلتله عطني حدك
((قال مالي حد وماااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااني بعيد!!!!))
وللعلم قيمة الموتر ماتتعدى 20 الف  لكن حراميه ومتركووووووين على راحتهم

والخطأ من الادراة لو كل شخص ينزل اعلان يجبر انه يضع حد بقيمة السوق مو من رأسه 
لكن ماحولك احد


up 3 down 1
المنطق يقول 728
قبل 6 سنه و 7 شهر



لازم  اقتراح على وزارة التجارة تحط مكاتب تقدير    اخصائيين  في اسعار السيارات   
تبي تبيع   تروح  مكتب تقدير  سعر السيارة  ويقدرونها  لك  بيع  او شراء   وتاخز ورقة او ستيكر  من عندهم  وتحطها على الزجاج  وتنزل السوق
وكده يلي بيسأل  عن سعر السيارة او سوم  يشوف الورقة على الزجاج   وكده  بترتاح من وجع  راس    شريطي رايح وشريطي جاي    كم سيم  في احد سام   كم حدك  وخرابيط  ومدري وشو     


up 0 down 1
abd_alrhmn 2352
قبل 6 سنه و 7 شهر



اخوي عندك دوبيزل افضل من موقع حراج اكتب بقوقل دوبزيل السعوديه
 ﻻفيه اكثر من دوله فيه الامارات والكويت ....الخ المهم موقع حلو ومرتب ومافيه 
سياره معروضه الا قيمتها مكتوبه بالاعلان 


up 0 down 1
d7ooom777 391
قبل 6 سنه و 7 شهر



طيب مدام انك تعرف موترك سعره ثمانين طيب ليه ماتكتب ابي فيه ثمانين وانتهينا يعني لازم اطردك كل دقيقه وكل ساعه وكل يوم وكل اسبوع وكل شهر وكل سنه الى مالانهايه حتى اصل للسعر اللي براسك هذا موبيع هذا يسمونه قلت حيا


لانك تجبرني اسوم وازاود انا وغيري حتى تقول سيمت كذا وتمسك عليها وحنا اصلا نسوم صوره فقط يعني عطيناك سوم المفروض ماينعطى الا بوجود السياره والكشف عليها هنا يكون السوم صحيح اما مجرد صوره لاشفتها قلنا جديده ولاشفناها على الطبيعه تقول طالعه من التشليح انا اعتبر البيع اللي كذا غش في غش اطالب ادارة الموقع باجبارالمعلنين بوضح حد للسياره يبي حياه الله مايبي ينقلع هو وموتره برا وسلامتكم


up 0 down 0
qqq11r 108
قبل 6 سنه و 7 شهر



مادامك تعرف ان السياره تسوئ  ليه ماتسومه مثل الرجاجيل وتخلص 
لاتطردني ولا اطردك سبحان الله مافيه الا سيارتي الا بتنشب لي فيها من أسبوع الى سنه 
السيارات واجد وكل شارب وله مقص  
وكلن يراء الناس بعين طبعه يعني لازم أراعي شعورك انت والثاني  وابيع او احد برخص او ببخس 
عشان ماكون قليل حيّا والله ناس مقفله الا حد علي السياره او انك قليل حيئ 
محد يقدر يجبر اي احد انه يسوم او يشتري سلعته 

بين البايع والشاري يفتح الله لاهو جابرك تشتري منه ولاانت جابره يبيعك 
والسيارات واجد والواحد مايدري وش المكتوب له 
وغلطان أصلا الي يشتري بالصور انت تسوم بسعر بناء على المذكور اذا شفته فيه اختلاف بينك وبين الرجال ينزل لك 
من السعر  او  تهون من الشراء وأي واحد بيشتري سواء من موقع او معرض او شخص او معرفه بينك وبينه الفحص  ترتاح نفسيا

ومن ناحيه الموقع فيها ناس تضرب فوق وتحصل لها ناس مطفيه النور وتدرعم  على عماهه 



up 0 down 1
بحرواحد 20
قبل 6 سنه و 7 شهر