أضف سؤال أو موضوع جديد          

فكينا طرمبة البنزين ولكن....

up 25 down 4
mohammed aloksh 175
قبل 4 سنه



السلام عليكم ورحمة الله

بدات لي المشكلة بصوت وننة في التانكي مرة تروح مرة يعلى الصوت 
المهم ما اهتميت للصوت وكنت عارف المشكلة من الطرمبة
وجلست على هذا الحال شهر تقريبا لين ما طفت وماعاد تشتغل ابدا لا بضرب التانكي ولا شي
وديتها الورشة وفكوا التانكي 
وكانت الفاجعة ...
الافياش كلها ذايبة والاسلاك مكشوفة والطرمبة قالب لونها اسود من الحرارة
ولولا لطف الله علينا كان ولعت السيارة بس الحمد لله
المهم اشتريت لها طرمبة لاند كروزر 8 سلندر والسيارة تمام التمام
بالنهاية يا اخوان لا تستهينوا باقل الخرابات لانها ممكن توصل لشي اكبر

والحمد لله رب العالمين













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع حلو وشكرا للافادة لك مني لايك +1


up 2 down 0



مصيبه لو خربت عليك وانت برا السعوديه واهلك معك 


منظر الاسلاك لو صاير التماس مع السلامه السيارة كلها وكل هذا بسبب طرمبه ما تتعدا 500 ريال بعض الاهمال مننا يسبب مصايب



up 6 down 3



الله يعطيك العافيه موضوع خفيف مفيد
وتستاهل لايكات هاذي المواضيع الي يستفاد منها
وفعلا فيه اشياء يشوفها الواحد بسيطه ولاكن توديك في متاهات
الله يوفقك ويسعدك


up 2 down 1
الرفاعي33 13843
قبل 4 سنه



طيب ليش ماعت الاسلاك اكيد فيه مشكله تسبب ذلك 

الواحد موفاضي يقعد كل شويه يفك التانكي يشيك على الطرمبه  الا اذا خربت فك التانكي 



up 3 down 1
شفرls 201
قبل 4 سنه



وعليكم السلام

هذا دليل على ان الاصلي ما يعمل حركات نص كوم ربنا ستر عليك ما تدري دعوات الوالدة لك او بأعمالك الخيرية من صلوات وصدقات ربنا انقذك


up 9 down 0
ryyan555 691
قبل 4 سنه



وعليكم السلام

هذا دليل على ان الاصلي ما يعمل حركات نص كوم ربنا ستر عليك ما تدري دعوات الوالدة لك او بأعمالك الخيرية من صلوات وصدقات ربنا انقذك


up 3 down 1
ryyan555 691
قبل 4 سنه



المفروض الاسلاك ما تميع...
المفروض الكتاوت او الفيوز يحترق بدل احتراق الاسلاك...

شيك ع كتاوت الطرمبه ممكن تجاريه والتجاري ما يقطع اذا في ماس او كهرباء زايده


up 2 down 0
asalami 2110
قبل 4 سنه



.
.
.
سبق ونزلت انا موضوع بصفحتي نفس قصتك صوت مزعج فقط
....
وغيرتها بطرمبة النترا القلب بس
وتمام التمام


up 1 down 1
صبي بني بشر 474
قبل 4 سنه



شكلك مولف طرمبة من اول والشغل كان مشي حالك


up 0 down 1
feroo li 1817
قبل 4 سنه



الحمد لله على السلامة
اخوي انت فيه عندك مشكلة من الأول ماني عارف بس كأن على الطرمبة سلكون او غراء حسب الصورة الثانية


up 0 down 0
hussain4 828
قبل 4 سنه



أتوقع عندك الطرمبة مغيرة من قبل بطرمبة اقوى من طرمبة بلادها وهذا سبب ذوبان الأسلاك مثل انوار السيارة البعض يركب انوار اقوى في الواط عشان تزيد الإضاءة بدون مايركب كتاوت تقوية وبعدها تذوب الاسلاك


up 1 down 0
hussain4 828
قبل 4 سنه



الله يعطيكم العافية
والله اظن من صاحبها الاول مغيرها بتجاري مضروب



up 0 down 0
mohammed aloksh 175
قبل 4 سنه



طيب انا بسالكم سؤال الطرمبة حق سيارة دودج كارفان موديل 1999
وش هي كهربائي ولا ميكانيكي واذا احد عنده صورة للطرمبة حق نفس سيارتي يجيبها من النت او من اي مكان رجاء يرسل رابطه او اي شي يعني لازم اشوف كيف شكلها ضرووووري وشكراً.



up 0 down 0
d7o0om_.afg -40
قبل 2 سنه و 8 شهر