نقاش بخصوص الاعلانات المثبتة المنتهية

هذا سوق اللي تبيه خذه واللي ما تبيه خله ،، ريح وارتاح اما النصاب واللي ماله ذمه شهر فيه وحذر الناس منه

^^^ انت مافهمت الموضوع يالغلا انا اقصد شخص باع سيارته خلاص ليه يحدث الاعلان كل شوي انه باعها ....

طيب زعلان من ردي ليه تسوي ديسلايك لمواضيع وردود صارلها شهور ،،,,
لو ادري ردي بيخليك كذا عطيتك على جوك

المهم ما علينا برد على استفسارد بالرد الثاني: ترا الرجال غلطان روح له وتفاهم معاه واشتكيه للشرطه :)

انت مدري شاك بنفسك ولا كيف ؟ انا قلت من الشخص ؟ جبت اسم او شي ؟؟ انا اتكلم عن حالة معينة بمنتدى كبير 

فعلا الحركه ذي منتشره
سواء حدثه او لا
المصيبه انه يكتب السياره مباعه ولها شهر
طيب ياحمار احذف الاعلان

لا لا يخلي الاعلان موجود
بعد ماتجيك العالم ترد وتسئل 

يقولهم الموتر انباع

طيب ليييييه تارك اعلانك !!!
احذفه واذا على العموله اعتقد تقدر تسددها فخلال يومين اما شهر تنتظر تسدد عموله وتارك اعلانك مفتوح مسوي زحمه

فعلا الاداره داجه ويبيلها احد يسنفر اذاني المشرفين وعلا راسهم روت 

^^^ ليته يسدد يصرفها يقولك تم البيع خارج الموقع .... شكرا على مرورك ياشويخ لايك +1

والله انك صدقت
طيب اذا مايقدر تسدد العموله في الوقت الحالي
يقدر يكتب في اعلى الاعلان تم البيع وانتهى الموضوع
اما انك كل شوي يحدث اعلان وهو بالاساس بايع السياره احس انه هياط وبس

 رغم اني اذم ذي الحركة لكن اقول يمكن لانه يبي يفيدك بسعر السيارة عشان لو جيت تبيع سيارتك او تبي تشتري مثلها  تعرف كم المبلغ  اللي تستحقها والله اعلم *_^

^^^^ لا لا الاسعار مبالغ فيها جدا زي مثلا بانوراما ٢٠٠٧ يقولك بيعت ب ١٨٠ في عاقل يصدق ؟؟؟ 

كابرس 1993
من معاهدات الموقع انك اذا بعت وسددت لازم تحذف الاعلان

فالان هل يعقل انك توافق على هذي المعاهده وفي الاخير تسحب عليه وانت مقسم عليها انك موافق عالشروط

اذا كانت نفوس الناس كذا فبصراحه بايعين للذمه

معك حق اخوي في كلامك فيه بعض الاعلانات لها اكثر من سنه
لاكن فيه عضوو ماشاءالله عليه يجيب مواتر مخزنه واستخدام 
فلان بن فلان التويجري وبعضها امراء 
اسمه السهل الممتنع اهنيه على المواتر الي يجيبها
عنده اعلان مرسيدس 2003 S600
صلاتي على النبي ماعمري شفت مثل هالمووتر
الاعلان له 8 شهور ومبيووع الموتر بس ماودي ينحذف كل يومين اتفرج على هالاعلان تحفففغه ماشاءالله
خذوا لفة على اعلانه حظ الي راحت من نصيبه

^^^ اي شفته بس وش الفايدة يالغلا انباع خلاص يقدر اللي شراه يشتكيه لان الموتر مايملكه خلاص

يالرفاعي قسم بالله ان السهل الممتنع رجال ينحط على الجرح يبرى
شرواكم
تخيل لقيت عنه فورد وهو حده 68 وقلت والله انا معي 60 وقال يارجال مااخليها بخاطرك جيب 60
والباقي متى ماقدرت عليه جيب الفلوس
بس انا اعتذرت منه قلت ماابي شئ بذمتي وماابي اخسرك
والله الى اليوم كل ماامر على اسمه ادعيله بالخير

شكلهم مايعرفون يحذفون الاعلان 

مثل اللي ينزل اعلان ويقول(( راجع الاعلان السابق))!!
طيب حدث الاعلان وخلصنا  والادارة والمشرفين ماحولك احد

^^^ عاد لو منزل الموضوع ١٠٠ مرة كله راجع اعلاني السابق مصيبة !

كلام اخوي الرفاعي صحيح فيه العضو السهل الممتنع  ( خالد العنزي ) ما شاء الله ما ودك يحذف اعلاناته يجيب سيارات من انظف السيارات ويشيك عليها بالوكالة ويغير فيها حاجات اللي تحتاجها ويركبلها افضل كفرات والصراحة الرجل صادق بالبيع ويبين كل شي وهو يخلي اعلاناته للمصداقية وتشوف بقية عروضه 

هههههههههههههههههه

حلوه هذي
السهل اللمتنع عنده اعلانات وددك انها ماتنحذف عشان تتفرج عليها كل شوي !!!1

اذا الواحد يدور على موتر ويخش اعلان لسياره مبيوعه وش الفايده 

الاداره نايمه المفروض تفلتر هذي الاعلانات لانه تطفش الواحد