أضف سؤال أو موضوع جديد          

نقاش بخصوص الاعلانات المثبتة المنتهية

up 13 down 23
benz lover -38
قبل 4 سنه و 6 شهر



السلام عليكم اخواني مساءكم الله باجواء الرياض الغبارية الممطرة كيفكم عساكم طيبين .. الحقيقة قاهرتني شغلة بمنتدى حراج بعض الناس اعلاناتهم مثبتة واللي قاهرني اكثر انها مبيوعة ليه تحدث الاعلان ؟! كل شوي ينزل صور جديدة ويزعج اهلنا تم بيع السيارة وش استفدت انا ؟ وكثير من الناس الملتزمين بالعمولة مايقدرون يثبتون شي !! مدري وش وجهة نظركم بذا الموضوع ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هذا سوق اللي تبيه خذه واللي ما تبيه خله ،، ريح وارتاح اما النصاب واللي ماله ذمه شهر فيه وحذر الناس منه


up 4 down 11
مطلوب سياره 391
قبل 4 سنه و 6 شهر



^^^ انت مافهمت الموضوع يالغلا انا اقصد شخص باع سيارته خلاص ليه يحدث الاعلان كل شوي انه باعها ....


up 3 down 7
benz lover -38
قبل 4 سنه و 6 شهر



طيب زعلان من ردي ليه تسوي ديسلايك لمواضيع وردود صارلها شهور ،،,,
لو ادري ردي بيخليك كذا عطيتك على جوك

المهم ما علينا برد على استفسارد بالرد الثاني: ترا الرجال غلطان روح له وتفاهم معاه واشتكيه للشرطه :)


up 6 down 11
مطلوب سياره 391
قبل 4 سنه و 6 شهر



انت مدري شاك بنفسك ولا كيف ؟ انا قلت من الشخص ؟ جبت اسم او شي ؟؟ انا اتكلم عن حالة معينة بمنتدى كبير 


up 3 down 6
benz lover -38
قبل 4 سنه و 6 شهر



فعلا الحركه ذي منتشره
سواء حدثه او لا
المصيبه انه يكتب السياره مباعه ولها شهر
طيب ياحمار احذف الاعلان

لا لا يخلي الاعلان موجود
بعد ماتجيك العالم ترد وتسئل 

يقولهم الموتر انباع

طيب ليييييه تارك اعلانك !!!
احذفه واذا على العموله اعتقد تقدر تسددها فخلال يومين اما شهر تنتظر تسدد عموله وتارك اعلانك مفتوح مسوي زحمه

فعلا الاداره داجه ويبيلها احد يسنفر اذاني المشرفين وعلا راسهم روت 



up 6 down 6
شويخ من أرض مكناس 2818
قبل 4 سنه و 6 شهر



^^^ ليته يسدد يصرفها يقولك تم البيع خارج الموقع .... شكرا على مرورك ياشويخ لايك +1


up 1 down 5
benz lover -38
قبل 4 سنه و 6 شهر



والله انك صدقت
طيب اذا مايقدر تسدد العموله في الوقت الحالي
يقدر يكتب في اعلى الاعلان تم البيع وانتهى الموضوع
اما انك كل شوي يحدث اعلان وهو بالاساس بايع السياره احس انه هياط وبس


up 3 down 3
ابو العنوود 421
قبل 4 سنه و 6 شهر



 رغم اني اذم ذي الحركة لكن اقول يمكن لانه يبي يفيدك بسعر السيارة عشان لو جيت تبيع سيارتك او تبي تشتري مثلها  تعرف كم المبلغ  اللي تستحقها والله اعلم *_^


up 1 down 2
كابرس1993 524
قبل 4 سنه و 6 شهر



^^^^ لا لا الاسعار مبالغ فيها جدا زي مثلا بانوراما ٢٠٠٧ يقولك بيعت ب ١٨٠ في عاقل يصدق ؟؟؟ 


up 0 down 1
benz lover -38
قبل 4 سنه و 6 شهر



كابرس 1993
من معاهدات الموقع انك اذا بعت وسددت لازم تحذف الاعلان

فالان هل يعقل انك توافق على هذي المعاهده وفي الاخير تسحب عليه وانت مقسم عليها انك موافق عالشروط

اذا كانت نفوس الناس كذا فبصراحه بايعين للذمه


up 3 down 1
شويخ من أرض مكناس 2818
قبل 4 سنه و 6 شهر



معك حق اخوي في كلامك فيه بعض الاعلانات لها اكثر من سنه
لاكن فيه عضوو ماشاءالله عليه يجيب مواتر مخزنه واستخدام 
فلان بن فلان التويجري وبعضها امراء 
اسمه السهل الممتنع اهنيه على المواتر الي يجيبها
عنده اعلان مرسيدس 2003 S600
صلاتي على النبي ماعمري شفت مثل هالمووتر
الاعلان له 8 شهور ومبيووع الموتر بس ماودي ينحذف كل يومين اتفرج على هالاعلان تحفففغه ماشاءالله
خذوا لفة على اعلانه حظ الي راحت من نصيبه


up 5 down 2
الرفاعي33 13907
قبل 4 سنه و 6 شهر



^^^ اي شفته بس وش الفايدة يالغلا انباع خلاص يقدر اللي شراه يشتكيه لان الموتر مايملكه خلاص


up 1 down 1
benz lover -38
قبل 4 سنه و 6 شهر



يالرفاعي قسم بالله ان السهل الممتنع رجال ينحط على الجرح يبرى
شرواكم
تخيل لقيت عنه فورد وهو حده 68 وقلت والله انا معي 60 وقال يارجال مااخليها بخاطرك جيب 60
والباقي متى ماقدرت عليه جيب الفلوس
بس انا اعتذرت منه قلت ماابي شئ بذمتي وماابي اخسرك
والله الى اليوم كل ماامر على اسمه ادعيله بالخير


up 4 down 2
الجهني2013 357
قبل 4 سنه و 6 شهر



شكلهم مايعرفون يحذفون الاعلان 


up 1 down 1
توسان 2011 1932
قبل 4 سنه و 6 شهر



مثل اللي ينزل اعلان ويقول(( راجع الاعلان السابق))!!
طيب حدث الاعلان وخلصنا  والادارة والمشرفين ماحولك احد



up 2 down 1
المنطق يقول 724
قبل 4 سنه و 6 شهر



^^^ عاد لو منزل الموضوع ١٠٠ مرة كله راجع اعلاني السابق مصيبة !


up 0 down 2
benz lover -38
قبل 4 سنه و 6 شهر



كلام اخوي الرفاعي صحيح فيه العضو السهل الممتنع  ( خالد العنزي ) ما شاء الله ما ودك يحذف اعلاناته يجيب سيارات من انظف السيارات ويشيك عليها بالوكالة ويغير فيها حاجات اللي تحتاجها ويركبلها افضل كفرات والصراحة الرجل صادق بالبيع ويبين كل شي وهو يخلي اعلاناته للمصداقية وتشوف بقية عروضه 


up 3 down 3
ابوخلوودي1 5064
قبل 4 سنه و 6 شهر



هههههههههههههههههه

حلوه هذي
السهل اللمتنع عنده اعلانات وددك انها ماتنحذف عشان تتفرج عليها كل شوي !!!1

اذا الواحد يدور على موتر ويخش اعلان لسياره مبيوعه وش الفايده 

الاداره نايمه المفروض تفلتر هذي الاعلانات لانه تطفش الواحد 


up 2 down 1
شويخ من أرض مكناس 2818
قبل 4 سنه و 6 شهر