مواقف ذكية بالسعودية في مدينة جدة خلال خمسة ايام الموقف

عدل الرابط لكذا 

https://www.youtube.com/watch?v=Py6oTbPu2vc&feature=youtu.be

بالنسبه للتقنية ما تنفع بالسعودية ابدا 

الشعب المتخلف عندنا يجيك يقفل على سيارة واقفه ويروح يخلص شغله 

اللحين لو وقف قدام المواقف هذي يعني بيعطل 16 سياره ماهي سياره وحده مثل اول يعني المصيبه مضاعفه

اليوم وكم مره تحصل معي قبل كذا اجي اوقف انزل بقالة او مطعم اطلع احصل واحد مقفل علي

شوي يجي خير وش فيك مقفل ليته عاد الشارع مافيه مواقف المصيبه تحصل موقف بجنبك 

لكن ما يبي يدق ريوس بعدين عشان كذا ما وقف بالموقف يجي يوقف على الشارع عادي عنده

واحيانا تحصل اصلا فيه مواقف والدلخ جاي موقف بالعرض بالشارع ونازل البقاله يعني لا وقف بالموقف

ولا فك الناس من شرة على الشارع نفسه مزاحم الشارع 

قبل يومين بالصناعية سياره تحسب فيه حادث موقف بوسط الشارع ونازل محل قطع غيار

والله ان السيارات تروح يمينه ويساره وهو واقف بالوسط قمة المهزلة

مثل هذا المفروض لو المرور شافه ما يعطيه مخالفة وقوف خاطيء لانه ماهو معبر الشعب كله

المفروض على الحجز اسبوع عشان يحترم النظام

كلامك صحيح يا ابراهيم ولك لايك 

اليوم كنت بالبيك والله اكثر السيارات ماخذين موقفين ورحت بنده نفس الشي اكثر السيارات ماخذه موقفين كنت بدبي بشهر 2 ورحت السوق الصيني والله ولا واحد موقف علي الخط كل سياره موقف بموقف وبين الخطين ياليت نظامهم يجي عندنا راضين ان المرور يخلون مخالفات الوقوف الخاطئ 1000 ريال عادي اهم شي الناس يتعلمون صح بالبدايه بيزعلون وبيحاولون يتحايلون نفس نظام ساهر بس بعد كم سنه بيصير شي طبيعي 

اللحين خلي الحمير اللي عندنا يحترمون شيء اسمه مواقف ذوي الاحتياجات الخاصه

تحصل المواقف فاضية خصوصا عند بندة وكل اللي عندنا فيهم اعاقة عقلية موقفين بمواقف الاحتياجات الخاصة

ما تحمد ربك على العافيه وتوقف 10 متر بعيد عن البوابه وتمشي بدل ما توقف بمواقف مخصصه لغيرك 

ويكون بحاجتها لقربها وفيها مسار للعربية 

والله لو اني مستلم بالمرور يوميا بدل ما اوقف خلق الله بالشارع عشان شيء تافه تظليل و رخصة وخرابيط

اروح لمواقف المولات اللي ماخذ موقفين اصكه بمخالفة واللي موقف بمواقف الاحتياجات الخاصه اصكه مخالفة

شرط اسبوع ما عاد تحصل احد موقف غلط اللي ما اخذ مخالفة بيشوف اوراق المخالفات على السيارات المخالفة

ويخاف ويكون حذر

انا مره رايح الدانوب وبوقف في المواقف واحصل اخر موقف وبجنبه رصيف

والله قلت ما ابي اخليها موقفين علشان ما انحشر او يحكني احد 

المهم واوقف بنص الموقفين واتكي في السيارة شوي الا امريكان ٢ على كروز شفرولية

يمين جا ويرجع ريوس ويقدم ويرجع وحالته حاله وشوي ويصدم الرصيف وانا اقول هذا وش يسوي 

بالاخير طلع موقف بيني وبينه انا انصدمت واستحيت على وجههي وعدلت موقفي 

ومن يومها وانا اوقف مضبوط حتى لو اقدم وارجع ماعندي مشكله اهم شي تخلي مجال لغيرك 

والاجانب ماهم احسن منا ليش مانطور من انفسنا ب اشياء بسيطه مثل هذي 

الشعب السعودي ماتنفع معه الا ثقافة المخالفات التوعية مامشت معهم

لو يحطون المخالفات بقيمة اكبر كان الناس استأدبت

مني عارف ليش ردودكم سلبيه
بالعكس هذي المواقف بتفك ازمه وبقوه
اما اللي يقول ان الشعب متخلف وراح يوقف قدام هالموقف
انا اختلف معاك تماما ممكن نشوف واحد يوقف على سياره لكن محد بيوقف على 16 سياره !!
عمرك شفت احد وقف على دخلة اللمواقف ؟ اقسم بالله لا يشلحوها له !