بخاخ ضد ساهر

ينفع عالفلاش بالليل 
والنهار ما ينفع

تبي الصدق  ماودك الواحد يجرب وتجيه الرساله اللي تضيق الخلق من ساهر خصوصا ان ساهر ما يمزح بالفلوس  ههههههههه

انا كنت ابيع البخاخ وارقام ساهر العاكسه كانت تفيدك قبل سنه واكثر ولكن من رمضان العام الماضي وجاي

يصيدك سواء بخاخ او ارقام وبطلت ابيعها

اخر واحد بعت له بتبوك المشكله اقوله الكاميرات تغيرت وتطورت صارت تصيدك والاعلان قديم لكن 

ماهو راضي ينحذف قال ابيها وماعليك حنا بتبوك باقي ما تطور شيء وخويي بساهر يقول

بجرب على نفس الكاميرا اللي يستلم عليها خويه ويشوف تجربه اول

قلت طيب بكيفك واعطيه حق سيارتين

وبعد ما وصلت له بيومين يقول جاتني 5 مخالفات 

طيب وش دخلني قلت لك ترى الكاميرات تغيرت وتقول خويك بساهر راح تجرب معاه لكن العبيط عبيط

فااااااااااااااااااااااااااااااااااااااشل
لاتوهق وليه تطيرترى بين اللي يمشي 200 واللي يمشي 120 في 450 كيلو ربع ساعه
واللي يوصل الاول شفه مشدوده اعصابه ومرهق
وبعدين اعتبر من الحودث اللي اكثرت بالاونه الاخيرة

أنا سمعت أنه الآن عن طريق رقم الشاسي الي بالطبلون تحت القزاز الأمامي تقرأ الكاميرا بيانات السيارة 
هل صحيح ؟

ياليت يجي ساهر في ديرتنا
راحو الشباب والسبب كله من السرعة
كل يوم يومين متوفين شباب بعمر الزهور

ادري الموت حق بس ساهر سبب يقلل هاالحوادث

يارب انه مايجي بالطاااايف الحمدلله مبسوطيييين بالطايف لا ساهر ولا شيء 

واكثثر شيء يسويه المرور يلغم الدايري مرور سري وخلاص اصلا الطايف صغير والله مايحتاج 

حاير إيه صحيح يصيد برقم الشاصي أخوي فاك اللوحة الأمامية والخلفية ونزلت عليه مخالفتين لأنه ماغطی رقم الشاصي اللي ب القزاز. .

كنت ادرس في خارج المملكة ويوم رجعت هنا مع شوارعنا الواسعة ما امشي اقل من 140 رجلي حارة على الدعسة ,, 
اول شهر اخذت مخالفتين 800 ريال , ثاني شهر اخذت 3 مخالفات 1100 , وثالث شهر 5 مخالفات دفعت 2100 ريال 
, قفلت معاي قلت كل شهر وطاير من الراتب 1000 وزود لو طقيتلي ايفون 6 اطلقلي قسم بالله تحرق فلوسك حرق 
المهم الحين امشي وعيوني 10/10 على الرصيف ههههههه احسن اني حرامي ومهدي السرعة لكن الحمدلله صارلي 
شهرين بدون اي مخالفة 

اقسم بالله انا مجربه ممتاز في الليل

احد جربه ولا لا

السلام عليكم اخوي انا جربته على سيارتي وبعت السياره ومشي معايا أكثر من سنه تصوير الليل ما يبين تطلع لوحه بيضا ام النهار تنزل المخالفات
ياليت لو تعرف حد يبيعه تدلني عليه الوو ممنونك اكون لك من الشاكرين اخوي