موقف حصل لي ـ وأنصحكم بالطريقة ـ صورة مرفقة ـ ـ ـ ـ
26
5
إضغط هنا للإخفاء
سلام الله عليكم ورحمته ُ وبركاتــــــــه ،،، الموقـــــف حصل لي أمس 15/7/2015م
يا أخوان الفهاوة والنسيان تصير دائماً أيام التعب والمشقة إذا كان يومك كله مكروف ــ الموقف
طول يومي كنت بزحمة الرياض وسواقة ويوم وصلت البيت الساعة 12:45 الليل ..
نزلت من السيارة وطاح المفتاح لأني كنت أشيل الأغراض ونسيته ــ ومن حسن الحظ نسيت غرض بالسيارة
ويوم رجعت للسيارة حصلت المفتاح طايح، قلت حمد لله خيرة إني نسيت هالغرض، وأدخل السيارة
وأجيب الغرض وأرجع البيت
والمشكلة ما أخذت المفتاح معاي هههههههههه يعني نسبة الفهاوة مدري كم كانت ... ومن حسن حظي إتصل علي سوداني
الساعة 2:30 الليل تقريباً، شفت الرقم غريب ورديت وقال مفتاح سيارة وين بيتكم وقلت طااالع الحين تعرف بيتي طالعلك
وقلت من هالتجربه ممكن تفيد غيري ـــ لأني حاط رقمي بالمفتاح وهذه الصورة للمفتاح آخر الموضوع
وللعلم (المفتاح طاح وهذه الثانية للسوداني والأولى طاح وكان جيزاني ماقصر وإتصل علي وأنا بزواج وإنتظرني)
بصراحه ودي أعزمهم على شي أو أعطيهم مقابل ـــ وش بتسون لو إنكم مكاني ؟
وشكراً لوقتكم ...
إبلاغ
الردود
2
0
بإذن الله باطبقها
قبل 9 سنه و 7 شهر