سيارات الكروس اوفر

اكثرها بالأساس دفع أمامي - رباعي دائم بشكل الكتروني
و أكثرها انتشارا" من فئة الست سلندر
مازدا CX9 و هونداي سانتا في
و من الاربع سلندر هونداي توسان و تويوتا راف فور

أنا يعجبني دودج دورانجو يعتبر فئة لوحده
يجمع بين الدفع الخلفي و الرباعي الدائم

لكن مثل ما تفضلت هي ما تصلح للطرق الوعره بشكل كامل
لكنها اريح و ارسى من الدفع الرباعي  المؤقت دبل خفيف و ثقيل

هي سيارات عائلية بشكل عام وحلوة لرحلات البر 
والمدينة والسفرات الصغيره للأقارب 

وتنفع لشخص متزوج وعنده اكثر من طفلين او لسواق 

عن نفسي افضل سيارات السيدان الواطية بعد..

(لايكات جعل يدينكم ووالدينكم يارب ماتمسها نار نقاطي قليلة وماني قادر اشارك براحتي)

هي حلوه للبر الخفيف مثلا الردميات اي الطرق شبه المعبدة
اما تطعيس وتدخل بها نفود لا لا لا..............
وهي شبيه بسيارات سيدان لك هي عائلية بحته

هذي الفئه ماشي سوقها الان عائليه شبابيه تنفع لشوارعنا مرتفعه نسبياً خصوصا اللي تجي بمحركات ٦ سلندر

طيب ياشباب وش افضلها الكوري والا الياباني والا الامريكي طبعا اذا استثنينا الالماني انا اشوف ان ا
الي ابدعو فيها الكوريين بعدين الامريكي بعدين الياباني

فئة مدمجه بين السيدان والـ SUV's
استخدامها للسفر والطرق الممهده الغير معبدة وليست الرملية 
وان كانت تستخدم في الرمل بشكل بسيط لكن جمهورها المستهدف هي العائلات الصغيرة 

مزاياها :
ركوب ناعم
دفع رباعي مستمر وظيفته الاساسية انسيابية ومرونة في الحركة على الطرق الطويلة وثبات أفضل
مساحة داخلية كبيرة مقارنة بالسيدان (حسب نوع السيارة)

والناس تسمي أي كروس أوفر أو SUV جيب وتخلط بينها مع ان الفئتين مختلفه اختلاف كلي فني وشكلي 

الفرق بين الكروس أوفر والـ SUV هي الدفرنس والتحكم بالدفع الرباعي (منخفض أو عالي)
ونظام التعليق في الـ SUV قاسي نسبياً وأصلب وهي أقرب لفئة الشاحنات 

يعني
كروس اوفر = سيدان وستيشن مع ميزة الدفع الرباعي
SUV = شاحنات البيك أب

الـ SUV ثلاث أحجام وفئة رياضية
SUV Small-Size (فورتشنر - باجيرو سبورت - بليزر الخ...)
Mid-Size SUVs (دورانجو - برادو - باجيرو - جراند شيروكي الخ...)
Full-Size SUVs (لاند كروزر - باترول - يوكن وتاهو - اكسبدشن الخ...)
فئة رياضية (FJ - اكستييرا - رانجلر الخ...)

الافضلية تحددها انت حسب ميولك وتجربتك 

افضل ما في هالفئة حسب مشاهداتي بالترتيب 
1. مازدا CX9
2. فورد ايدج
3. جي ام سي اكاديا أو ترافيرس

هذي أكثر الي اشوفه مع الناس 
طبعا الهونداي كويس وسعره منافس 
والرافور ممتاز بس حجمه صغير 
والالماني عندهم في هالفئة خيارات كثيرة بس اسعارها غالية

الخيار لك

شوف يا صاحبي مبدئيا وعلى الورق سيارات الكروس اوفر خيار مثالي
بس الواقع مختلف تماما ..!!
المفترض انك تاخذ سيارة بشكل السيدان وسعر السيدان وفيها من مواصفات سيارات الدفع الرباعي
بس الواقع أنك قاعد تاخذ مواصفات سيدان وشكل سيارة دفع رباعي بسعر سيارة دفع رباعي

معليش راف فور فل كامل ب 102 ولا اكستيرا فل كامل خليجي ولاباجيرو فل كامل بنفس السعر ؟؟
مازدا cx9 ب 129 ولا دودج دورانجو أو جراند شيروكي أو رانجلر صحارى 
هونداي سانتافيه دبل 124 ولا باجيرو سبورت فل كامل ب 90 ولا فورتشنر سته سلندر ب 124
اللي ما بلعته نهائيا الايدج السبورت 145 واللاندكروزر الجي الهدد 146 صحيح سوح السوح وقير عادي بس "لاندكروزر!!"

الوحيد اللي سعره مقبول التوسان الدبل 71 الف   بس مكينه 2000cc !!!

الكروس اوفر أحسها ضحكه على حساب العميل لا أكثر

الكروس اوفر سيارات مصممه للدول الغربيه يعني هناك عندهم اكثر شي ريف وشوية ازفلت فائدتها مرتفعه شوي تصلح لحفرياتنا بس مستغرب ليش الناس يسموها جيب

انا امتلك سياره كروس اوفر
سيارتي جيب كيا سورينتو 2010 مشابهه للسنتافي
تؤدي الغرض اكثر من مره نكبتني ولكن هالشي بسبب اني ماكنت اعرف كيف اتعامل معها بالبدايه ولكن حاليا ولله الحمد صرت اعرف كيف اسوقها في الرمال واعرف الرمال اللي اقدر ادخلها واللي ما ادخلها