أفصل البطاريه ربع ساعه .. اضرار فصل البطاريه
5
3
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
طبعاً انا حاب اتكلم عن موضوع فصل البطاريه ، او كل ما تظهر مشكله عند احد الاعضاء يجيه شخص مدرعم
ويقول أفصل البطاريه ربع ساعه !!
طبعاً معي سياره كامري 2009
جات أمطار عندنا قبل فتره .. والشوارع صارت مليانه مويه ..
واخوي دخل بالسياره في مكان ممتلي مويه شوي
ولعت لمبة المكينه وانا عارف أنه حساس الشكمان
وديتها لـ مبرمج يمدحوه وقال لي أنه حساس الشكمان فعلا .. كنت أخذ وأعطي معاه كان اسلوبه جداً رائع
قلت له ، انا كان يمديني اطفي لمبة المكينه بفصل البطاريه .. قال أولاً انا أحذرك من فصل البطاريه
كثيرين يقولون افصل البطاريه ولكن فصلة البطاريه هذي راح تسبب لك مشاكل أنت في غنى عنها
راح تلاحظ ان السياره فيها تفتفه .. وان عزمها يثقل وبعض الاحيان تحس ان المكينه تهتز
راح تسبب لك مشاكل وراح تضطر أنك تدفع مبالغ أكثر عشان تعيد البرمجه
وفعلاً تذكرت عمي عنده سيارات ومعاه برادو .. طبعاً تعطلت بطارية البرادو .. اخذ بطارية سياره ثانيه وجا يشغل عيت تشتغل نهائياً
اضطر أنه يشيلها سطحه للوكاله وسوو لها برمجه من جديد .. وغيروا البطاريه
نهاية موضوعي وزبدة الكلام .. ممكن أن سيارتك .. تكون قديمه وعادي مجرد ماتركب البطاريه تشتغل
وممكن سيارتك تكون حديثه وراح تتسبب لك في تفتفه ومشاكل أخرى أو انها ما تشتغل بكشل نهائي
فراح تدفع مبلغ وقدره عشان تعالج المشكله الاخرى
ازالة لمبة المكينه بمية ريال
ملاحظه أخرى ،
يوم دخلت عن المبرمج كان فيه شخص قبلي ..معاه ازيرا 2014 قالي هالشخص سوا اشتراك لـ شخص
وانحرق عليه مادري وش اسمه بالضبط .. ولكن تكلفة مشكلته 2000 ريال
ع العموم موضوعي أقصد منه الفائده فقط .. واذا كان شخص عنده معلومات مفيده أتمنى يفيدنا في رده .. أو انه يتحفنا بموضوع منفصل ومفيد
بالتوفيق للجميع
دعواتكم لي ياخوان
سبحانك لا إله إلا أنت سبحانك إني كنت من الظالمين
إبلاغ
الردود
الموظف كان نشيط ويفرجني على السياره وقال ابي اشغلك السياره
فتح الكبوت وشبك البطاريه وشغل
زبدة الكلام اني ماني مكذبك بس لو فصل البطاريه تضر السياره مافصلوها الوكاله
2
0
وشكرا
0
0
يعطيكم العافيه
1
2
من موديل 2010
وباالنسبة فصل البطارية لااعادة البرمجة مافيها اي مشكلة
يعني اذا كل ماولعت لمبة مثل حساس الشكمان بتروح
تبرمج تخسر فلوس بس
0
1
لايكات جعل يدينكم ماتمسهااا نااار ماقدر اشارك تكفووون
9
2
حسب نظري مافيه ضرر من فصل البطارية
احيانا تكتشف اشياء بالصدفه وتعرف ان الصناعية حرامية
قبل سنتين بالكامري كنت بغير البطارية و راعي البطاريات قالي خلي السياره شغاله
عشان ما تخرب البرمجه طنشته وطفيتها وش تخرب البرمجه كلام فاضي
غير البطارية وشغلت السياره الا صوتها متغير و كأنها تبي تطفي
ادعس لها بنزين يكون صوتها عادي لكن ارفع رجلي عن البنزين يرجع الضغط تحت النصف وتبي تطفي
مالها صوت ابدا قلت ليتني ترتكتها شغاله
قالي لازم الصناعية ويسوون لك برمجة
وكان عندي مشوار ضروري وطلعت من جده لمكه واذا وقفت عند اشارة على طول ادعس بنزين
عشان ما تطفي واجلس داعس بنزين على خفيف حتى امشي
رجعت جده ووقفت عند البيت وتركتها شغاله قلت اللحين تطفي بكيفها نزلت الاغراض من السياره
وعلى ما خلصت ممكن 5 دقايق الا السياره رجع صوتها طبيعي برمجة نفسها
المشكله الصناعية مريت عليهم وانا ماشي قالوا برمجه 300 ريال
طلع كل السالفة كذب ونصب
رجعت اتاكد فصلت البطارية وارجع اشكبها رجعت التفتفه وتبي تطفي
وطريقة البرمجه تتركها واقفه وشغاله بدون مكيف ولا تدعس بنزين ابدا 5 دقايق تقريبا تبرمج نفسها
وترجع طبيعي
لكن حتى لو تمشي فيها ساعتين ثلاثه ما تبرمج لازم وهي واقفه وبدون دعس بنزين
وهالطريقة كشفتها بالصدفه وعرفت ان سالفة البرمجه كذب
وفيه سيارات تفصل البطارية وتركب غيرها ما يجي تفتفه ولا شيء مجرد الساعه والراديو تروح البرمجه
4
2
لايؤدي الى اية اعطال او توقف بأي برمجة في داراتها الألكترونية * لان اي شيئ مخزن على الدارات المتكاملة (IC) في السيارات يكون هناك لها تغذية من بطاريات
صغيرة تغذي هذي الدوائر وتحتفظ بالذواكر وما فيها من تخزين * والصانع للسيارات أخذ بعين الاعتبار كل هذه الأمور * مثال الجوال لماذا لايفقد التخزين من صور وفيديوهات عند فصل البطاريات
وكذالك الكمبيوتر *
3
1
البطاريه
تويوتا هايس
تويوتا هايلكس
تويوتا كامري
والحل انك تسيبها شغاله الين يكتشف الكمبيوتر الزاويه الصحيحه للثروتل (البوابه)
لكن بعض الاوقات تسيبها اكثر من ساعه وتلاقيها لسه ترج ..حلها بسيط مجرد تنضف
البوابه وبعدها تسيبها شغاله الين تصفى
0
0
زي مثلا كمبيوتر الهوندا موجود داخله بطاريه بحجم الربع ريال
لكن تويوتا للاسف لسه ماتعرف هذي الاشياء
1
1
لكن بالعكس البرمجة ترجع اذا مسكت خط ، مب وانت واقف
ممكن تتبرمج وانت واقف صحيح لكن مب كل السيارات تمشي معها كذا
اغلب السيارات تفتف وتطفي
فافضل شي بعد فصل البطاريه مسك خط طويل بدون اي توقف مدة ربع ساعه كافيه
0
0
والإشتراك بالطريقه الصحيحه لنفس كهرباء السياره ما يأثر
يعني لا تشترك بسياره صغيره لسياره كبيره
ويعطيك العافيه على الموضوع
0
0
وتعطل الفوورر وشاله بسطحه وكمبيوتر انعطب وغيره ب4000 تقريبا ،،،
0
0
في بعض السيارات يسوي زي الفرمات
يعني ترجع تضبط الساعه والتاريخ والشاشة وتروح الاعدادات الي ضبطها واذا سيارتك امريكي يرجع العداد بالميل وقياس الحرارة بالفهرنهايت وغيرها
0
0
اتمنى ان تفيدوني بالمعلومات
انا اليوم الصباح فتحت البطاريه حق هايلكس موديل 2007
صارت مشكله في السيارة اشغل تطفى من نفسها
رحت عند المهندس يقول الكمبيوتر وهذي ماتحتاج شي طبيعي
امشي عليها سبوع بالقليل او بالكثير شهر ويتفعل الكمبيوتر
من نفسه
لذا من لديه خبرة لايبخل علينا هل كلام المهندس صح او غلط
او لها مشكله ثانيه غير كلام اسف الكهربائي
0
0
الجنه
0
0
0
0
وانا قد فصلتها على سياره موديل 2012 ماﻻحضت شيء امكن كثرتها تسبب مشاكل الله اعلم
قبل 9 سنه و 7 شهر