أضف سؤال أو موضوع جديد          

ليش المراقبة ضعيفه على الطرقات

up 7 down 6
bandar_qassim 641
قبل 10 سنه



السلام عليكم ورحمة الله وبركاته 

الانظمه والقوانين السعوديه كويسه ولكن  المراقبه والتطبيق ضعيف جدا ! 

يعني اعطيكم مثال  وانا سبق اني عملت مداخله في الراديو عن هذا الشي وذكرت هالمثال 

يعني الان المرور يحاول ينظم السير  ونلاحظ ان بعض الدوارات وبعض الاشارات وبعض الاماكن 

المرور حاطين دوريه 

لكن نلاحظ ان رجل الامن داخل الدوريه احيانا يكون داخل السياره وعلى الجوال !! وتارك السيارات والفوضى 
ولا درى عنهم 

انا اقترحت انه لازم يتم مراقبتهم  يعني مو معقوله تروح يالضابط ترسل دوريات وتتركهم بدون مراقبه 

والمصيبه انه الدوريه بالشارع قدام كل الناس يعني مايحتاج انك ترسل احد  يالضابط  تقدر تشوف بعينك وين العسكري 

اقترحت من خلال المداخله انه يتم ارسال العسكر للمواقع المهمه عن طريق الباص 

يتم توزيعهم عن طريق الباص  ولازم كل وقت يجي مراقب ويشوف الوضع 


اذكر في دبي سواقين التاكسي كانوا خايفين ومايقدرون يمشون بدون عداد ولما اسالهم يقولون بسبب المراقبه الشديده 

نتمنى من الاخوان رجال الامن ان يساعدون الشعب ويحافظون على الارواح من خلال تنظيم السير 

يعني نلاحظ كثرة الحوادث والوفيات في السعوديه نسبه عاليه جدا على مستوى العالم  تعادل قتلى الحروب 

نتمى من حبايبنا العسكر اداء الواجب المطلوب منهم 

اسال الله التوفيق للجميع 







إبلاغ إبلاغ



الردود


احد الاسباب اللي خلت العسكر يبزوطون
نصهم داخلين بواسطه هذا اذا ماكان اغلبهم
مافي دورات ودراسه للانظمه شامله كل شي ولا دورات عن احترام السائقين واحترام النظام




انا مع فكره وضع الاشارات التي بها ساهر بالدورات 
وتقليل التي على ااطرق 
فقط على الاشارات 


up 4 down 0
i6rb_ 160
قبل 10 سنه



ههههههه اول من يضبط الضباط عشان ينضبطون الجنود و غيرهم
مثل الوضع بالتدريس لازم يضبطون دوام المشرفين و المدراء اول
بعدين المدرسين و الطلاب اهلهم يضبطون تربيتهم و دراستهم قبل ما يدخلون المدرسة
الموضوع كله من رأس الهرم و مهو معناته اللي مسؤليته بسيطة له حق يبزوط
الشخص الواحد يؤدي اللي عليه خوف من الله و يحاول باللي حوله
الله يصلح مجتمعنا و يديم النعم علينا و لا يعاقبنا


up 3 down 1
أبو نجوى 2442
قبل 10 سنه



لا ودايم الاحظ امن الطرق يكلم جوال ومو رابط الحزام 
ياعزيزي هذا نتاج سنين من ثقافتنا  ونحتاج فترة عشان الاجيال تتاقلم 


up 2 down 1
مصرفي سابق 38
قبل 10 سنه




هذي مشكلة عامة فينا بصراحة 

الالتزام صفر بكل شيء 


up 2 down 1
almuhands 242
قبل 10 سنه



يا رجال نشوف واحد يساقط نكلم امن الطرق يقولون تعال المركز بدال ما يحركون دورية ويصيدونة


up 1 down 1



ثم نتسائل عن قل البركة في المال !

هل نؤدي عملنا بالشكل المطلوب والذي نستحق عليه الراتب ؟ 


up 4 down 1
هيثم احمد 130
قبل 10 سنه



دور المرور ضعيف جدا 
دور أمن الطرق متوسط 

يعني اذا شفتهم في الطريق بكثرة اعرف انهم يبغو يخلصو دفاتر القسائم 
الله يهديهم 


up 0 down 0
alharbi turki 13
قبل 10 سنه



موضوعك ماله داعي

ناقصين مخالفات حنا !


up 0 down 0
feroo li 1816
قبل 10 سنه