أضف سؤال أو موضوع جديد          

موضوع للنقاش بخصوص الاستكرات

up 6 down 5
amear 1347
قبل 6 سنه و 7 شهر



السلام عليكم ...

كيف حالكم يالغالين ان شاء الله انكم بخير ..

ابدخل بصلب الموضوع ...

انا لي فتره كل مااقضي مشوار اول اروح للعمل اشوف بعض السيارات عليها استكرات 

زي ماشاء الله او الله ياقاك 

احس مالها داعي ان بعضهم يحطها على سيارته الواحد يتوكل على الله ويمشي عادي 

ماهو لازم هل الشغلات 

هذا نموذج لصور من النت لبعض السيارات اللي اقصدها واكيد انكم لاحظتوه بالشوارع باانفسكم ببعض السيارات

طبعا هذا نظريتي ولاحظت اكثر اللي يضعها شباب او صغار بالسن انتو وش رايكم 

الموضوع للنقاش وبدون حساسيه عبر عن وجهة نظرك خلال السياره اللي تراها امامك بهل الشكل ؟؟











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح 
بصراحه شي ماله داعي حتى كلمه ما شاء الله 

اقراء الاذكار افضل من الملصقات 


up 2 down 2
tttt35035 1061
قبل 6 سنه و 7 شهر



انا متوكل على بالاول وبالاخير بس الناس ما تعطي خير يحسدوك على اي شي 

وبالنسبه لي انا حاطه خل الي يمر من عندها اقل شي يذكر الله ومنها الاجر ..


up 12 down 2
yazeed793 7883
قبل 6 سنه و 7 شهر



فعلا كلامك صحيح خصوصا انها تتعرض للغبار والاوساخ اكرمكم الله.
بس البعض يحطها المقصد منها لما يقراها احد مايعطي السيارة عين هذا مقصده.


up 2 down 1
iadnuyh 842
قبل 6 سنه و 7 شهر



انا اتذكر مره سؤال للمفتي آل الشيخ عنها وذكر انها محرمة لانها عرضة للاوساخ واشياء قالها عن نفسي ما اطلع من البيت الا اتوكل علی الله


up 1 down 0
ابوخلوودي1 5070
قبل 6 سنه و 7 شهر



مره شيخ قالها بخطبة الجمعه
يقول اللي يهطها على السياره وبعضهم ينحتها على العماير
تعتبر من التمايم
والله انا موجوده عندي على هايلوكس 86 من يوم شريتها هههههههههه



up 1 down 2
ابو العنوود 421
قبل 6 سنه و 7 شهر



ياخوي ياليت تفرق بين استكرات اللحجنه و كلمة ماشاء الله او الله ياقاك او الله يحفظك
وانا جارنا حاط بالقزاز وبخط كبير جمله ( صلوا على من ينادي يوم القيامة امتي امتي صلى الله عليه وسلم ) يالله كم من حسنه بياخذها وهالسبب الجمله هذي
ياخي ياليت يكون موضوعك عن اللحوج والي يلصقون استكرات و كلام وحب ووصاخه وكل من هب ودب قراها و اخذ فكره سيئه عنا


up 8 down 2
فيـfaisalـصل 23
قبل 6 سنه و 7 شهر



انا شاب و في مجتمع الشباب يمكن بالموقع هنا الاغلب
كبار في السن او من عمر 25 وفوق او اقل ومو مختلطين 
بالفئه هذي من الشباب حقين الاستكرات...

شوفو كلامي وبتعرفوا..

اولا اولا حقين (الله ياقاك) (الله يحفظك)
اغلبهم اغلبهم مو الكل يكونون حقين هايلوكسات 
ودداسن وربوع وجموس... 

واخذوها هياط لان انتشرت صور في البيبي زمان 
وصارت حركه عند الفئه هذي..

فئة (ماشاءالله) هذولا حقين الازيرا والسوناتا
والكيا الكوبيه والماليبو والسيارت المتوسطه هذي الشعبيه 
يجيك ولد شباب غلبان فرحه ابوه بسياره من ذولا فل كامل
واخوياه كلهم النترات واكسنتات وكوريلات وشاف نفسه 
وماله الا الله ثم هي وخايف عليها..

الشعب هنا عندك مدري كيف تفكيره..
شعب الامارات جنان في جنان وقطر وسيارات ودنيا
ولاهي منتشره عندهم الضواهر هذي عايشين حياتهم


up 9 down 15
so.71 -171
قبل 6 سنه و 7 شهر



المشكله المواتر قرنبع هههههههههههههههههههههههههههههههههههههههههههههههههههه"
اقسم بالله عمري ماشفت رنج ولا بي ام ولا بنتلي عليها ملصق ماشاء الله تبارك الله..
ذكر الله سبحانه بكل وقت وكل زمن وكل حين" بس على السياره ما احس مكانها"وبعد موتر قرنبع !!


up 6 down 8
thlolb 1
قبل 6 سنه و 7 شهر



للاسف الاذكار والكلمات الدينيه حاطينها عشان تحميهم من العين والحسد
يعني صارت مثل التمائم

طيب ليه تخسر نفسك وتلصق !!

ياخي حصن نفسك وانتهى الامر
هذا يعتبر ابتداع في الدين انك تحط ايه عشان تحميك من غرض معين 
الايه اذا ماعملت بها وحصنت نفسك فما فيه نتيجه

خصوصا اذا جاك واحد حاط ماشاءالله تبارك الله اذكر الله
وتلقاه راعي هياط ومشغل اغاني ويبغى ربي  يحميه  وهو يعصيه

مثل اللي يحط القران فالسياره عشان يحميه من العين وهو له شهور ماقد فتح القران ولا قراه
ماخذين اليدن على كيفهم

اما الفئه الثانيه فهم فئة الورعنه
انواع الاستكرات 


up 5 down 0
شويخ من أرض مكناس 2823
قبل 6 سنه و 7 شهر



ههههههههههه

اشكركم على ردودكم وكلامكم عين الصواب 

عندي تعقيب عن رد الاخ فيصل 

الفئه الثانيه هذولي لهم جو ثاني يسمونهم حقين قطب تعديل حدث ولاحرج 

وذكرتوني بسالفة واحد من الربع معه ريو 2009 وحاط ورى استكر ماشاء الله ويقول يستحي يروح فيها للشمال وشارع التحليه

يطقطون عليه حقين الشمال قلت له فكه وريح راسك يقول لامريحني استغفر الله 

قلت له يعني بدون استكر ماتعرف تسوق يقول لامرتاح ومريحني ويخوف الناس مني 

قلت يارجال والله لو ان موترك كابرس قديم ولابهبهاني كلها ريو لو صمخك يارس طير صدامك 

قعد اسبوع زعلان علي الين عزمته على الافندي ورضى هههههههههههههههههه

وتستاهلون +1

ونتطلع 


up 3 down 0
amear 1347
قبل 6 سنه و 7 شهر



انا حاط استكر شنب على سيارة على الشنطة الوالد تعبيرا لرمز الرجولة القوة والتحمل ^^ بحكم ان السيارة قديمة <<قولو ماشاءالله :] امزح امزح


up 4 down 2
ryyan555 703
قبل 6 سنه و 7 شهر



والله بعضهم كاتب صل على النبي 

يبي الاجر له ولغيره 

اما اللي كاتب ماشاءالله بعضهم يقول خله يذكر الله لاشاف الكلمة في الموتر 

وبعضهم يقول دفع شر او حسد وزي كذا 

لكن انا شفت واحد وجلست اضحك عليه

هايلوكس جديد كاتب ورا فوق الصدام ( يعني أطير )

ههههههههههههههههههههههههههه


up 0 down 0
coco13 893
قبل 6 سنه و 7 شهر



صح كلامك اخو (يابو العنوود ) وانا سمعت المطلق او المنيع في الراديو
يقول انها كلمة ماشاء الله او الله يحفطك الي تنحط على السيارات انها 
من التمائم


up 0 down 0
ابو عطيه 409
قبل 6 سنه و 7 شهر



هي زينة للسياره تنتقل من بلد الى بلد 
مثل اخواننا الباكستانيين  تحصل كاتب كراتشي  خان  وماشاء الله وكنا نضحك على تظبيطهم
والان نكتب مثلهم  
ويحطوا نيكل على السياره الان الجكسار البريمي كأنك موديه لباكستناني مظبطه 

هذا الضحك بخلق الله عشانهم فقراء 
الان دور الاماراتيين والقطريين يضحكون علينا 
عمرك شفت اماراتي ولا قطري مغـــــــبر وكاتب ماشاء الله  والله يحفظك
هههههههههههههههههههههههههههههههههههههههههههه




up 1 down 1
المنطق يقول 728
قبل 6 سنه و 7 شهر



ايوة صح معرضة للاوساخ

وانتو بكرامة دايما انزل سيارتي الاقي خرا حمام ع القزاز

اتخيلو اذا كان مكتوب اسم الله ع القزاز والخرية جات فوقه !!

((((معليش ع الاكلام)))) ^


up 3 down 7
feroo li 1816
قبل 6 سنه و 7 شهر



^ مع انك ردك ضحكني لكن عطيتك ديسلايك .. ههههههههههههههههههه


up 1 down 8
fx2y -207
قبل 6 سنه و 7 شهر



زي مقطع نزل على اليوتيوب هايلكس كاتب ورا رضا الوالدين اهم من رضا امك وابوك بالله اي صنف ياخذ هذا ؟؟؟ 

ولا السمايلي حق اللحوج اللي بكل مكان ولا انتبه خال ! بيطقني يعني ؟؟ 




up 1 down 1
benz lover -75
قبل 6 سنه و 7 شهر



^^^^

هههههههههه 

الله يعطيكم العافيه على مشاركتكم وتفاعلكم 

اللي نبي نوصله اللي يتوكل على الله ماهو محتاج يحط استكر 

لاكن لي فتره وانا اشوف هل الشيء وحبيت اطرح موضوعه 

ولكم جزيل الشكر على تفاعلكم

ولايمنع من استقبال مشاركات بقية الشباب 


up 1 down 1
amear 1347
قبل 6 سنه و 7 شهر