أضف سؤال أو موضوع جديد          

تحبيل الكفر من الجنب والضمان

up 2 down 1
mohammed.62 506
قبل 4 سنه



السلام عليكم 
كيف الحال جميعا

ياخواني انا ابستشيركم 
انا شريت كفرين قبل ٢٠ يوم من ميشلان من موزع معتمد
ويوم الجمعه الماضي انتبهت انه واحد منهم حبل وتوني مامشيت الا ٢٢٠٠ كيلو عليهم
!!!  المهم ركبت الاستبنه ورحت للمحل اللي شريت منه بشارع الضباب بالرياض يوم السبت وقالي ان تحبيل من الجنب يعتبر سؤء استخدام !!! 
انا انقهرت وقلتله كيف ومن ذا كلام قالي والله تبي روح الوكيل بمخرج ١٦
امه حنا عشانك توك شاري كفرات قبل ١٨ يوم عطنا ٣٥٠ ونركبلك واحد جديد 
طبعا انا شاريه ب٦٠٠ الواحد
المهم رحت الوكيل ماحصلت لا موظفين بس عمال
وقالولي موظفين توهم ماجو 
وقفلو وقالو تعال يوم الاربعاء هو اليوم مخصص للمشاكل على ضمان

طيب الحين فرضا رحت يوم الاربعاء 
ورفضو وقالو سؤء استخدام !!!
وشلون اتفاهم معهم
يعني كفر ماصارله ١٨ يوم وماشي عليه ب٢٢٠٠ كيلو
يحبل ! 
وش دخلني حبل من جنب
حبل من دعسه  وش فرق كلهم واحد 

انا واحد قالي اذا خذت حفره قويه مايحبل الا بعد اقل شي ٤ شهور

ولكن بعد ١٨ يوم حبل وبدون حفره وكذا اكيد عيب مصنعي













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت متاكد ان الكفرماكلت فيه حفره اذا ماكليت حفره ومن نفسه كذا خرب بدون حفر حقك مايضيع ان شاء الله لو رفضو وزارةالتجاره وان شاء الله مايضيع حق وراه مطالب 


up 3 down 0
amear 1339
قبل 4 سنه



والله يابوي كل شوارعنا حفر 

ثانيا انا كفرات اللي قبلها صارلها معي سنتين وشهرين وماحبلت وسواقه نفسها


up 1 down 0
mohammed.62 506
قبل 4 سنه



ارجع لهم وتفاهم معهم .. وهم اكيد لهم خيرة بالامور ذي ..
ممكن يعرفوا اذا من حفرة او لحاله .. 
يمكن انت اكلت حفرة بدون ما تنتبه ..
بكل الاحوال مالك الا ترجع معهم ولا تشيل هم ..امورك سهالات 


up 3 down 1
dam3a-89 19
قبل 4 سنه



حقين الكفرات والبطاريات اكذب ناس لذلك يمدحون الكفرات الصينية والله تصبر اكثر من الماركات المعروفة وان حبل لا اسف عليه


up 4 down 0
benz lover 345
قبل 4 سنه



انا حصل معاية نفس الموضوع بس كفرات كومهو كوري بعد استخدام سنة تحبيل الكفر من الجنب ورحت المركز الرئيسي
وقال شوف اذا التحبيل من الجنب سوء استخدام قلت له علمني كيف سوء استخدام قال شوراع جدة كلها حفر واكيد دخلت في حفرة بدون ما تنتبه
المهم قال الآن نفك الكفر اذا كان في شق من الداخل جهة التحبيل فهذا سوء استخدام لان الشق ينتج عنه تحبيل واذا كان مافي شق 
والتحبيل ظهر بدونه فابشر بتغيير الكفر بعد خصم مدة الاستخدام لكن للاسف طلع فيه شق من الداخل وقال هذا خارج الضمان
وغيرت كفر على حسابي 


up 2 down 0
نواف1420 255
قبل 4 سنه



ويلوموني فيك يا الصيني 

انا عن نفسي اشتري ارخص شركه طبعاً تكون مطابه لبعض المواصفات و حسن كتبي شرح كيف تختار الكفر بالمواصفات
الي تناسبك




كيف ما تأخذ عليه حفرة قوية ؟

يا اخي شوارعنا كلها حفر ولازم تأخذ حفر بالسيارة مهما حاولت تتجنبها 

غصب عنهم يبدلونه لك ، اشتكي لوزارة التجارة على الشركة وعلى راعي المحل 

لكن شوف الكفر انتاج اي عام واي شهر ؟


up 2 down 0
هيثم احمد 130
قبل 4 سنه



يعطيكم العافيه على ردودكم جميعا 
وان شاء الله اقولكم وش يصير يوم الاربعاء 

وبخصوص رد اخوي ابراهيم التركي
مافهمت وشلون يعني جنط سوء استخدام
و وش تنصحني برد كويس اذا قالولي سوء استخدام


up 1 down 0
mohammed.62 506
قبل 4 سنه



اذا قالك سوء استخدام قل هذي مشكلتكم مب مشكلتي ؟ 

دامكم معترفين ان شوارعنا كلها حفر ؟ اجل جايبين كفرات مخصصه لشوارع اوروبا والا وش ؟ ليش ماتستوردون كفرات مناسبه لشوارعنا ؟

بعدين قله ترا ميشلان شركه عالميه ومعروفه مب شركه صينيه ماطلعت الا من يومين ، ولاتنسى تقوله ترا السوق فيه اكثر من 20 ماركه للكفرات وانا مااخترت الا ميشلان لاني مقتنع انها الافضل 


up 3 down 0
ابو هيثم 7 2165
قبل 4 سنه



اخوي اول شي قول لهم اني ما اكلت اي حفره قويه والدليل انه مافي اي اضرار على الجنط لا خدوش ولا شي والسياره
واضحه قدام عينكم ...
ثاني شي قول لهم اذا من حفره بسيطه بيتضرر الكفر اجل ايش الفايده من سعر ميشلان المرتفع والجوده نفس غيرها وقول 
لهم اني لو اشتريت كفر عايدي يمكن ما كان صار الي صار بكفركم وان كفراتي السابقه مشيت فيها في نفس الشوارع ولا 
عمرها اشتكت شي وقول اني جيت ميشلان بناءً على السمعه الطيبه ودافع مبلغ وقدره ومو سهل المبلغ ...
ارفع شكوى من اليوم عشان تستغل الوقت وقول لهم اذا رفضو انك راح تشتكيهم واذا قالو لك نفك الكفر ونفحص 
اذا انت السبب ولا احنا ارفض وقول لهم بيني وبينكم وزارة التجاره اذا تساهلت معاهم في هذا الموضوع بيكذبو عليك 
كذبه يقولو لك شوفه من هنا مضروب ولا مشقوق وهذا دليل على انك مشيت في حفره قويه ويعطوك من ذا الكلام 
ويدبسوك في كفر جديد ولا بنص القيمه 






ابراهيم التركي يقصد انه اذا كان سوء استخدام 
فأكيد راح يكون عندك الجنط مكسور اأو مطعوج 

يعني اذا اكلت حفرة قوية راح يتاثر عندك حتى الجنط مو بس الكفر .

لكن بما ان  الجنط عندك سليم فهذا يعني انك ما اكلت حفرة قوية 
وبالتالي السبب مو سوء استخدام

وانت قبل لا تروحلهم تأكد من تاريخ الكفر ولا تضيع الفاتورة 
وتاكد من الاذرعة . واذا كله تمام وما رضو يغيروه اتصل على وزارة التجارة ولا تخاف شادين حيلهم الايام هذي
وان شاء الله ما يضيع حقك .


up 3 down 0
w1w1 2203
قبل 4 سنه



والله معاي كفرات صينيه استخدام سنه واكلت حفر الين الجنط انطعج وانكسر صدامي 
والكفر سليم وكارفه وﻻ يقول شيء دحين بغيره لنكسن وبنزل موضوه استفسر عن نكسن 
ﻷن جنطي مقاس17 ودعسه رياضيه ﻻزم شيء لين ما يحبل معايا 


up 2 down 0



يعطيكم العافيه وماقصرتو كفيتو ووفيتو 
وان شاء الله بروح يوم الاربعاء 
وانزل لكم وش حصل


up 0 down 0
mohammed.62 506
قبل 4 سنه



وين مكانهم في مخرج 16؟


up 2 down 0
فايز 2012 464
قبل 4 سنه



طريق عمر بن خطاب مقابل وزارة التجارة 


up 0 down 0
mohammed.62 506
قبل 3 سنه و 12 شهر



خله يثبت اول انه سوء استخدام 

ويتصور مع الكفر حقه 


up 0 down 0
ابو راكان تبوك 954
قبل 3 سنه و 11 شهر