اذا سمت السياره ب أقل من سعر السوق فهل هذا يعتبر بخس للسلعة؟

وماهو البخس بالضبط ؟؟؟؟؟؟؟؟؟

بخس عن بخس يفرق
ونت وضميرك 
ونما الاعمال بالنيات
فيه بخس مثل الشريطي يشتريها برخص ويبي مكسب
وفيه مستخدم على قد الحال ويتمنى سومته مايطفحها السوق 
سوئلك دل انك انسان تقي ويخاف الله
الله يكثر من امثالك ياخوي

البخس يااخوك للي سيارته تسوى 40 الف وتسوم ب20 الف 
انت سوم حسب ماتسوي السياره في نظرك ومثل اذ جاء شخص 
يقول السياره مسيوم بكذا اصدقه ولا ممكن الي سامه غير جاد اسوم حسب ماتسوي السياره في السوق

صاحب سياره عن صاحب سياره يفرق. 
يعني تلقى شريطي وهذي صارتلي لقيت هايلكس٢٠١٠
قلتله كم على المبروكه؟؟؟
قال مسيومه ب٧٠ وحادها٧٢٠٠٠ المهم وتركه
ومن بكره انزل المعارض والقى السياره نفسها مع اخو الشريطي
قلتله كم نهاية الموتر للجازم قالان ا بعطيكيها من الاخر اخوي
حادها بـ٧٠٠٠٠. الف تبغاها اخذها. لوتبيني اكلمه يطش عنك١٠٠٠ ريال بحاول معه.

وروح وتركه هو سيارته
(( عاد انت احكم  ياصاحب الموضوع!!!!!!!!!))

مافهمت !!!!!!!!!
يعني لو واحد يبي يترزق الله ويبي يشتري ويبيع بالسيارات بدون مايكذب او يغش. 
ويبي يشتري سياره تسوى بالسوق 50 الف ريال وقال لراعيها ابشتريها ب 30 الف
ريال و وافق البائع وبعدين راح باعها بال 50 الف وربح 20 الف ريال. 
هل هذا جائز
ام ان المشتري لازم يشتريها ب 49 الف ويبيعها ب 50 الف علشان يربح مبلغ قليل

البخس اذا سياره قيمتها مثلا ٣٠ وتسومها ١٥ او اكثر شوي هذا يعتبر بخس

لاكن سومها بالمعقول يعني  ٢٦  او ٢٧ 
وفيه ناس مستعجله تبيعك باقل من سعر السياره
واذا انت تبي تترزق الله في بيع وشراء السيارات اعتقد مربح ٣٠٠٠ او ٢٠٠٠ الحمدالله نعمه من الله
يعني لو تبيع ٣ او ٤ سيارات بشهر جاك حول ١٠ الاف

أهلا بك ..^__^
أول حاجة هنا مش منتدى شيوخ > يعني لو تسأل شيخ فاهم في عروض التجارة أحسن لك 
ثانياً ..
أشوفها حركة مستفزة جداً لما -مثلاً - تكون عربية مسيومة ب40000 وصاحب السومة جاد ويجي واحد يقول ب35000 ..!
يعني بالله عليك مابعهاش ب40 هيبيعها ب35...؟!! >> ايش اللي 
أما عن سومة أقل من سعر السوق 
ما أفتيك > اسأل شيخ ..
وهتلاقي ناس بتبيع اقل من سعر السوق لسبب أو آخر 

المشكلة مو في بخس السيارة والمشكلة في أسعااار السوق لبعض السيارات 
السوق غير عاادل في تحديد قيمه السياره تحصل سيارات سعرهاا طاير وهي ماتستاهل ويخدعون الزبون فيها 
في سيارات تستاهل قيمة معينه يقومون يكسرون في سعرها ويقولون هذا سعر السوق صحيح لكن مو حقها 
وأفضل طريقة لتسوم سيارة معين (علشان لا تبخسها ) أولا شوف سعرها وكالة وبعدين قارنه بقيمة سيارات منافسة لها وسومها بما يناسبك أنت يامستخدم 

أما البخس يكون مثلا في سياره موديلها ١٠١٢ وقيمتها حول ١٠٠ آلف وتكون مستخدمة أستخدام بسيط وتقون تسومها ب ٣٠ ألف هذا البخس بعينه يعني تطيح ٧٠ آلف من قيمه السياره!!

مافهمت !!!!!!!

الاخ محمد سعيد يقول ماتسوم بأقل من السومة اللي موجودة بالاعلان ... طيب يمكن السومة الاولى تكون غير جادة ويكون البائع يبغى يبيع بسعر اقل علشان يخلص

أخي الفاضل

حب لأخيك ما تحب لنفسك

بأعطيك طريقه طيبه تسوم بها بدون ظلم

اسأل 5 أو 6 معارض عن سعر مثل السيارة المعروضه في الموقع
وخذ المتوسط لها
وخلينا نقول هذا السعر العادل
و إذا حبيت تسوم فسوم أقل منه بشوي 

يعني مثلاً ماركيز 2011 سمني هلويز نظيفه تسوى في السوق 80 ألف لا تسومها ب 70
هنا أحسه ظلم و بخس للسلعه

و بصراحه
تفرق السلعه عن شبيهتها
لأنه اللي نشوفه في المعارض ( يُهيَّأ ) لنا إنه نظيف فإذا جاك واحد عرض سيارة فعلاً نظيفة فما يصير نساوي سيارته بسيارة السوق

بأعطيك طريقتي في السوم و التقدير
أنا أقدر السيارة بسعر السوق و أسومها بأقل شوي بكم ألف و إذا ثبت إن السيارة غاية النظافة و بالإثباتات كالتقارير و غيرها فلو أعطيتها سعر السوق أشوف إن هذا هو حقها

لأنه اللي أرضاه على نفسي أرضاه للناس
و اللي ما أرضاه على نفسي  ما أرضاه على الناس

انت تعامل مع التاجر بهذه الطريقه ومافي مشكله انك تكاسر 


و إذا كان في الإعلان سومات و انت تشوف انها ما تستحق وعندك اللي يؤكد لك هذا الشي فسوم حسب ما تشوف
لكن حط ملاحظة وهي اكتب وجهة نظرك عن السومه وليه انت حطيته أقل من آخر سومه
كذا انت تفهم صاحب السلعه وجهة نظرك ويمكن هو يرد عليك بشي انت ما حسبت حسابه

مثلا انت تقول له بأسوم سيارتك الماركيز 2011 ب 77 ألف لأن السوق مليان مثلها ب 80 ألف و .. و ...
فهو ممكن يرد عليك و يقول..كلامك صحيح لكن شف سيارات السوق حتلقاها تأجير وليس استخدام شخصي


عارف طولت عليك

لكن 
عامل الناس بما تحب
و سوم عن دراية و معرفة و بصدق

بالتوفيق

محمد سعيد المنتدى مو حق شيوخ مو عجبك المنتدى فيه 1000 غيرك

بآلله كل هاذا الشرح ولا فهمت شيء .. ~  


موفقين جميعاً وأتمنى الردود ماتوقف عقبال المليون مشآركة .. 

السؤالذهبت إلى أحد التجار لكي أبيعه سيارة كانت عندي، وعندما رأى السيارة قال إنه يريد أن يشتريها مني بقيمة 6000 دولار مع أن سعرها في السوق 15000 دولار، مع العلم أن التجار عندنا يأخذون السيارة بثمن بخس ويبيعونها بسعر السوق، فما حكم الرجل، أو التاجر الذي يقلل، أو يبخس من قيمة أي شيء كان سواء أكان سيارة، أو عقارا؟ وما عقابه في الدنيا والآخرة؟.

الإجابــةالحمد لله والصلاة والسلام على رسول الله وعلى آله وصحبه، أما بعـد: فبخس أثمان السلع إذا كان عن طريق الغش، أو الخداع، أو الكذب، أو التغرير ونحو ذلك فهو من الغبن المحرم. جاء في الموسوعة الفقهية: الغبن محرم، لما فيه من التغرير للمشتري والغش المنهي عنه، ويحرم تعاطي أسبابه، لقوله صلى الله عليه وسلم: من غشنا فليس منا ـ قال ابن العربي: إن الغبن في الدنيا ممنوع بإجماع في حكم الدنيا، إذ هو من باب الخداع المحرم شرعا في كل ملة، لكن اليسير منه لا يمكن الاحتراز منه لأحد فمضى في البيوع، إذ لو حكمنا برده ما نفذ بيع أبدا، لأنه لا يخلو منه، حتى إذا كان كثيرا أمكن الاحتراز منه وجب الرد به، والفرق بين القليل والكثير أصل في الشريعة معلوم. اهـ.
ثم لا يخفى أن مثل هذا التاجر المذكور في السؤال قد ضيع حقا من حقوق إخوانه المسلمين، وهو حق النصيحة، وقد سبق لنا بيان ذلك مع التحذير من البخس في الفتوى رقم: 57806.
ثم إننا ننبه السائل على أن التاجر الذي يشتري بثمن بخس، ولكن دون تغرير ولا إكراه، حيث يعلم صاحبها القيمة وسعر المثل ولكنه يرضى، فلا حرج في ذلك فإنه بمقدور صاحب السلعة أن يمتنع من بيعها، أو يبيعها لغيره بالثمن الذي يراه، وراجع الفتوى رقم: 93735.

هذه الفتوى من موقع مركز الفتوى
واضح الرد في آخر الاجابه بان المشتري يقدر يسوم باي ثمن بخس ولكن بدون تغرير ولا اكراه

يعني زي ماقلت لكم في ردي الاول
من انه المشتري ممكن يسوم بأي سعر وبعدين يسكت
يعني لايقعد يذم بسيارة البائع او يحط منها او يعيبها

اللي اعرفه وفهمته ان البخس في باب الشراء والبيع لايوجد الا اذا كان مجبورة على بيعها لك وهذا نادر جدا متوفيه حسابات ...والبخس انواع ومنها ذكر السيئات لشخص ما او مكتب ما ونسيان الحسنات لهذا ..والله اعلم
بالنسبه للسياره فلوسك معاك وسيارتك معاه ..لماذا تطلق عليه صفه البخس وانت لست مجبورة