أضف سؤال أو موضوع جديد          

استفسار و سؤال بسيط اتمنى من الجميع الدخول

up 4 down 3
nawaf-2014 -4
قبل 4 سنه و 5 شهر



السلام عليكم و مسيتم بالخير
استفسار بسيط و مستعجل ..

قبل خمس ايام الجيران حكني فالباب حكه قويه شوي
ونا ما عرفته صراحه ..

دورت دورت دورت بين السيارات المتواجده فالمنطقه الي ساكن فيها ..
حصلت السياره هي جمس 99 ماصار له شي ابدااا
لكن بطريقتي انا عرفت انه هو
لان مسكه الباب محكوك و عنده الرفرف الخلفي محكوك بنفس بويه سيارتي
الزبده انه هو مافيها كلااام ..
طلعت له البيت قلت له انت صادمني طال عمرك؟
قال اي والله اني صدمتك و كنت بحط رقمي عالقزاز لكني مع الزعل
و الضيقه .. نسيت مره ..

قلت طيب شف طال عمرك قبل اسبوع صدمني واحد فالصدام الامامي
و يشهد الله خذيت منه قيمه الصدام جديد و الرش ..
و منك باخذ قيمه تصليح الحكه ..

بس قال جبلي ورقه مختومه من الورشه ب السعر
قلت ابشر ..
ونا والله ما رحت الوكاله ولا رحت ورشه دنيئه ..
رحت ورشه متوسطه عماله فلبينيين. .
قيمه التصليح 600 ريال ..
و جبت له ورقه مختومه و مصدقه من الغرفه التجاريه هههههههه

يوم اطلع له البيت و اقوله خذ الورقه شافها قال هذي ورقه وحده ..
قلت ايه وحده ..
قال لا ابي تسعيره من ثلاث ورش. . قلت ابشر ..

قلت امشي من الكذاب ل ثمه الباب ..

و اجيب له تسعيره ثلاث ورشه كلها بنفس السعر ونا متعمد ..
و يوم ارجع له اعطيه الاوراق
قال انت صلحتها. .
قلت لا ما صلحتها
قال صلحها و تعال اعطيك المبلغ ..
قلت لا انا ما معي كااش ..
قال حتى انا مامعي ..
و دخل بيته و صك الباب بوجهي ونا واقف ..



قولولي وش الحل ..
وش السوااه .. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعينك وانا اخوك مشكلة هالجار مامعك الا الحكومه تجيبلك حقك
بس المشكلة انه جارك 


up 0 down 0
الرفاعي33 13907
قبل 4 سنه و 5 شهر



ان جت عالحكومه والله لجيبها ومافكرت فيه ..
لكن الي انغبنت منه وناخوك ..
تقفيله الباب بوجهي ونا واقف اتفاهم معه ..



up 1 down 1
nawaf-2014 -4
قبل 4 سنه و 5 شهر



حاول وانا اخوك معه بالطيب المشكلة انه جارك وان جبتها بالقوة
بيصير بينكم حقد وكراهية ارسلة اي احد او كلم احد قرايبه يجيبها بالطيب


up 1 down 0
الرفاعي33 13907
قبل 4 سنه و 5 شهر



مثل هالاشكال من البداية لا تروح تتفاهم معه لحالك
لازم احد معك و الافضل يكون شكله اقشر (شاهد+تخويف)


up 2 down 0
أبو نجوى 2446
قبل 4 سنه و 5 شهر



انت كم تبي منه 600 
انا بعطيك الحل عندك وحده من 3 

الاولى تروح لعجيزك وشايبك ويستلمونه تالي الليل 


الثانيه تاخذها وتاخذ معها معدالها 
تروح لشخص قريب مثل ابوه عمه او شيخهم اين كان 
وان كنت تعرف اسمه رباعي او قدرت تجيب اسمه 
انا اجيب لك رقم شخص من اهله 
اقلط عليهم وخذ حقك وزود 


الثالثه تاخذ حقك بيدك اسحب مشعابك وحده في مكان وانزل عليه 
ان كان رجال وبيرد عليك بيده فلا تكلمه ولا تسلم عليه ولين له راسه من اولها 

وان كان يبي يتكلم نزل مشعابه وخذ علمه 
وان كان انه رخمه خذ حقك وعطه ضهرك 

الرابعه العين بالعين والسن بالسن والبادي اضلم 
دور لك دينا ولا سطحه وسير على جمب موتره كامل 
وحط رقمك وخله يجيك لحده ومثل ما سار معه بيسير معه 




وانا اشوف رقم 1ورقم 3 
وودي ب 3 

وان احتجتني الله يلعني ان ما فزعت معك 


up 4 down 2
سعدي عبوش 258
قبل 4 سنه و 5 شهر



يابو عبوش انفداك القوة بتسبب كراهية وعواقب لايحمد عقباها
الكلام الطيب والتفكير السليم بيجيب حقه من غير قوة ومشاكل
اذا انها خلاص وصلت للحلق يتجه للحكومه شكوى وخطاب رسمي يجيبونه


up 0 down 0
الرفاعي33 13907
قبل 4 سنه و 5 شهر



يارجال العوض ماهو زين ادعي عليه والله يعوضك 


up 1 down 1
يارب توفيقك 2014 1663
قبل 4 سنه و 5 شهر



والله لو انها 50 ريال
والله ماخليه .. و عالحرام لاخذها منه .. بالطيب ولا بالمشاكل 
بس عشان تقفيله الباب بوجهي .. 



up 1 down 0
nawaf-2014 -4
قبل 4 سنه و 5 شهر



والله انه مايستحي لاتسكت عنه اذا ماجاب بالطيب يجيبه بالغصب


up 0 down 0
ابوعبدالرحمن121 166
قبل 4 سنه و 5 شهر



بعض الجيران تتمنى انه موب جارك تحس شي يقهرك ودك تصكه بوجهه ولكن تتذكر توصية الرسول عليه الصلاة والسلام بالجار لذلك تسكت اخوي باختصار دام جارك كذا ربنا يعوضك لا تكلمه ولا شي 


up 1 down 0
benz lover -26
قبل 4 سنه و 5 شهر



اخ نواف والله لا اشتكيه ؟ خل عنك جار وماجار هو احترم الجيره اصلا ؟

اول شي وين احترام الجار يوم يصدم موترك وينحاش ولاحط رقم ولاشي ؟

وين احترام الجار يوم يمرمطك ويقولك رح سعر الورش ؟ المفروض يعطيك مثلا الف ريال 600 حقك و الباقي كـ اعتذار للجار 

وين احترام الجار يوم انه يرجع ويمرمطك مره ثانيه ويقولك رح لثلاث ورش ، وين احترام الجار يوم انه يصك بوجهك الباب ؟؟؟ انصحك تشتكيه باسرع وقت قبل مايصلح موتره ومايصير عندك اي اثبات انه هو اللي صادمك ؟ خصوصا لا وصلت المرور وحاولو يطابقون مكان الصدمه بالسيارتين    


up 2 down 0
ابو هيثم 7 2248
قبل 4 سنه و 5 شهر



الحـــــــلول الغـــــــــير سـلميه هي الاكثر والاسرع والاريح
لكن تريد شخص راعي مشاكل 
وماتصلح لأنسان مو فاضي للمشاكل 

فيه حل غير سلمي لكن مو ضرب او تهديد لا الامر بسيط تحاول تأخذ سياره قديمه وتحك سيارته مثل حكة سيارتك
وراح يجي لباب بيتك قل له هالحين لاتدفع شيء وصفق الباب بوجهه مثل ماسوى 
لكن ممكن تتورط معه ويروح يصدم سيارتك مره ثانيه 

الحل السلمي تجيب معك احد له يعني كبير بالسن امام المسجد او تكلم  احد  اخوانه ابوه جده مو مشكله 
 وممكن يكونوا اطيب منه  لان اصابعك مو سواء بس ياخوفي تصير عائلته كلها جحلط مثله 
الله يعينك على هالجار يصدم سيارة جاره ولايعلم يوم صدته يمرمرطك مع الورش واخرتها يقفل الباب 
والله مايستحي  صدقوا يوم قالوا ((الجار قبل الدار))

المهم لاتترك حقك الاشكال ذي متماديه عشان بعض الناس  تسكت عنهم مو فاضيه للمشاكل 
الله يعينك 


up 1 down 0
المنطق يقول 724
قبل 4 سنه و 5 شهر



الحل يالغالى انك تتوجه للمرور لقسم الحوادث البسيطه وتقول للعسكرى الى صار معك 
وتسمع رد العسكرى عليك إِيش وعلا ضوء ذلك تقرر إِيش تعمل 


up 1 down 0
عميق الشمال 295
قبل 4 سنه و 5 شهر



حبيبى والله العافيه وقلة الادب مافى اسهل منها
بس اقوللك قابله وقولله كلمة واحده ( حسبي الله ونعم الوكيل فيك وراح اقتص حقى من رقبتك يوم الدين وما اسمحك واعطينى فلوسي امام الله يوم لا ينفع مال ولا بنون )


up 0 down 0
spiderman66 288
قبل 4 سنه و 5 شهر



أنا مع عميق الشمال ــ أقرب مرور لقسم الحوادث وأشرح له، صدقني ماراح يقصرون معك ..  

قهرني! يسكر الباب بالنهاية، طيب ليش تطالب بهالأمور وآخرتها تسكر؟ .. ايش البجاحه هذه ..  

وشوف، حاول تصوّر الحكات بسيارته، دامه سكر الباب بالوجه توقع ينكر إعترافه ...

لأن خوفي تطلع من المولد بلا حمّص بالأخير، الله يفرجها عليك يانواف والقلب داعيلك ... 




up 0 down 0
محمد عبدالله عمر 610
قبل 4 سنه و 5 شهر



الحل رح له وقل الورشة رفضو كود ورقة اصلاح
وقل انا مابي شي منك بس
بتصل باالمرور ويخططون موقع الصدمة عشان اخذ ورقة
واذا خلصو وخططو وطلع الخطا عليه
خله يدفع والا تنازل عنه

وسلامتكم


up 0 down 0
باترول 2020 2620
قبل 4 سنه و 5 شهر



انا كنت بقول بالبدايه انك تسامحه 

لاكن يوم قفل الباب والله بحق 

ابد دق على المرور وقلهم السالفه 

وحبذا تكلمه مره ثانيه ومعك اثنين من ربعك 

علشان لو صار ماصار يكون معك شهود 

وينقها وهو مايشوف الدرب زي هذولي ماينفع معهم طيبه 

زي ماعاملك عامله سلامات يقفل الباب ويتعبك وتروح تسعر له مرتين تشتغل عند ابوه 

والله الرجال مستفز 

ابد روح له وجب معك اثنين تضمنهم وتعلمهم بالسالفه وتكلمه للمره الاخيره ماعطاك حقك المرور دق عليه 

ومعك ربعك يشهدون ومايضيع حق وراه مطالب 




up 1 down 0
amear 1339
قبل 4 سنه و 5 شهر



الله يعطيكم العافيه و بيض الله وجيهكم ياخواني
و بشوف الاوضاع السليمه و اتبعها
و باذن الله اعلمك الي يصير اول باول ..
و شكرا لكم جميعاا .. 


up 0 down 0
nawaf-2014 -4
قبل 4 سنه و 5 شهر