عندي دباب بدون لوحات

أهنيك كـ فكرة وتريح راسك من الزحام وتخلص امورك بسلاســّـه بس وش اللي يمنعك بإنك تكون نظامي ..؟ 

ما أظنها تكلف إستخراج رخصة ولوحة، وعشان بياناتك تكون عندهم في حال لا صار شي لاسمح الله عليك أو لك يجيبونك أو يدورونه .. 


موفق 

اخوي محمد الدباب ب 250 لو ينسرق سامحت السارق الرخصه يبي له شغله وفلوس ادفع 800 غير اللوحه ؟!!!

والله انك ذييب ولا عليك من احد 
اهم شي تمشي امورك يارجال 
لا تسويله اصلا لو شفت تفتيش اركب الرصيف وامش محد جايك 
الله يوفقك ياشيخ 

يارجال دامه رخيص على قولتك ولاحرصت عليه

عادي يارجال لاتطلع له رخصه ولاشيء واستخدامك فيه قريب مامن خوف

يارجال سهالات استخدمه بدون رخصه ولاعليك من احد

يا رجال توكل علي الله بس جمبنا بقاله وعندهم دباب ويوصل عليه ويروح ويجي الهندي ولا عليه لوح زيه زي السيكل تقريبا ههههههه

بيض الله وجيهكم شباب انا قصدي الدوريات اللي تدور تقدر تصادره تقدر تكشفني ؟ التفاتيش مانيب حولها

ركب سله خلفيه مثل البقالات وحط فيها اكياس وعلبة لبن كبيره فاضيه وقراطيس فاضيه  والبس كبوس وقت ماتطلع وكأنك حق توصيل ولا حد درى عنك :)

ولا حتي الدوريات 

الله يبيض وجيهكم وفرتوا علي فلوسي ووقتي

اخوي 

اذا اكيد اكيد الدباب استخدام منزلي 
ومقاضي من البقاله جنبكم وبنده وضعك في السليم 
لان نيتك طيبه والله بيعطيك ع قد نيتك 

بس انا للفرفرة برضه والحاره اللي جنبكم والحي اللي جنبكم ودجه 
ما اظمن لك..

وبرضه ع حسب المدينة و الحي والمنطقه 

انت لو في منطقه مافيها دبابات اكيد الشرطي بيدقق عليك 
اما منطقه زي مكه ملياااااااااااااانه دبابات خلاص يخلون مين ويدققون على مين؟

لكن لاتسوي نظامي على شي مايسوى الا هو دباب منزلي حق مقاضي الاهل خله كذا..
ماهو لازم لا لوحه ولا تامين ولا شي يارجال..

اذا وقفتك الشرطة او المرور اسوء شي ممكن يصير انهم يصادرون الدباب 
يعني حتى مهوب ماسكينك كسارق لأن الدباب ملك لك 
و هذا طبعا اذا مسكوك 

اخوي نصيحه ركب لوح انا خالي صادرو منه 3 دبابات بالقوه طلعهم بس مستغرب الي صادروه البلديه مو الدوريات

والله ياصاحب الموضوع، مدري كيف الوضع مع الدباب، الشباب ماقصروا،   كلن أدلى بدلوه ..  

من ناحيتي أحب النظام، تخيل في بلاغات عن دبابات، فإن شافوك بدون لوح ولا رخصة على طول هذا مشبوه

والشي اللي ماعليه شي واضح يكون مشبوه دايم،، 

صح إني أحب أكون نظامي، وبعض الأحيان النظام مايضبط معك، فماتعرف وش تسوي، تخاف تكون نظامي يبلشونك أحياناً .. 


بسألك لو مسكوك وعطيتهم ورقة المبايعة وش مسجل فيها؟ دام الدباب ماعليه لوحة؟ رقم معين للدباب ولا وش بالضبط .. 

ليت تقول وش مكتوب بورقة المبايعة ،، لا تاخذ كلامي بمحمل معين أو مكبر الموضوع، إعتبرها مناقشة ..  

ويوم تقول إنك مسامح السارق، وش يدريك إن السارق ماراح يسوي بالدباب شي، كيف تبلغ عليه وتمنعه يسوي فيه شي .. أكيد بالبلاغ  

وإن لحقوا عليه كويس وإن مالحقوا عليه ــ أكيد إن السارق ضبط الأمور هههههههه ... وشال اللوحة ولا سوى شي بالدباب .. 

آخر كلامي نزرع بصل يطلع لنا كوسة ،، هي حال الدنيا حوسه معكوسه XD 

ياصاحب الدباب،،

إذا الدباب للمقاضي البيت
بطه
لاتخاف من شي
لان البطه اساسا شبه مسموح بدون لوحة
في داخل الأحياء،، اهم شيء لاتطلع خط سريع،،
العجيب والبطه والجحش والصحراوي الصغير يغضون عنها الطرف داخل الأحياء،،

لكن المصيبه
الصحراوي الكبير والبانشي والميه،،،، هاذي إذا بدون لوحات وبدون ⛑ خوذة هاذي هي المصيبه،، حجز ومصادرة،، إذا وقفت واذا هربت،، صدم،،