أضف سؤال أو موضوع جديد          

السيارات الجديده

up 8 down 4
t-m-d 443
قبل 6 سنه و 7 شهر



السلام عليكم ورحمة الله وبركاتة .

مساكم الله بالخير والمسرات موضوعي اليوم عن تخزين السيارات الجديدة في الوكالات الي عندنا طبعا 

رامينها في ارضيات تراب وانتم بكراما تصقعها الشمس والرطوبة والامطار والاملاح والتاجر مافكرفي المشتري . 

ولا فكر يصلح مستودع مغطى عشان السيارات مايجيها شي همهم الربح وبس معا ان عندهم ملايين .

طيب نشوف ميزة التخزين في الاراضي المكشوفه .

وهي ميزة واحدة .. أنه غير مكلف بالنسبة للوكيل . من ناحية قيمة الهناقر وادوات الكهرباء وقيمة فواتيرالكهرباء .

يعني يبون يستغلون الريال بأي طريقة !! الله المستعان .

عيوب التخزين المكشوف .
1 - تحبيل الكفرات مع الوقفة في الشمس لذلك أغلب السيارات الجديدة تجد فيها رجة خفيفة وسببها الكفرات .

2 - الغبار يغطي السيارة كاملة يعني لازم غسيل بستم .

3 - اذا السيارة طولت في الوقوف ممكن يسبب صدا في بعض الحديد بسبب بخار الماء أو الرطوبة .

4 - بعض السيارات فيها حذفة بسبب السطحات يحملون السيارة بطريقة غلط مثل رفع السيارة على السطحة
لنقلها من المستودع الى الوكيل من ( الذراع ) غشامة نقل طبعا راح يخلف الوزنية وتسير الحذفة .

5 - ظهور قربعة في الديكور الداخلي بسبب الشمس والحرارة .

يعني الله يكون في عون المستهلكين وأنا أولهم .. أشوف تعليقكم الله يعطيكم العافية وتحياتي لكم .











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مره طلبت كامري نص فل وكاله
وحال استلام السيارة لقيت فيها حكه بالبويا بالركن للصدام الخلفي 
ومرشوش مكان الحكه رش اي كلام 
طيب ياخي خليها مثل ماهي ليش ترشها وتغش خلق الله 

وسحبت عليهم ولا وقعت العقد والله المستعان


up 5 down 0
عاشق مكة بجنون 198
قبل 6 سنه و 7 شهر



لذلك الشرا من المعارض افضل على الاقل واققة تحت مظلة 


up 1 down 2
benz lover -78
قبل 6 سنه و 7 شهر



المشكله الغبار يغطي على العيوب

كذا مره شريت سياره وكاله مغبره على قولتهم تغبيره الوكاله وتشوف السياره كامله والكامل الله

بعد الغسيل تبان العيون


up 1 down 0
ألو مرحبا 1895
قبل 6 سنه و 7 شهر



اذا الكفرات محبله الوكاله تتكلف بتغيرها لك اذا الموتر توه جديد

وصراحه انحدينا على الجديد لان المستعمل يا غالي والفرق بينه وبين الجديد فرق بسيط , يمكن ما تتعدا 20 الف واخذ موتر كرت جديد باسمي وكاله وانا اللي افك بابه و اشم ريحته واشيل الباغات واللزقات بنفسي

احسن من اني اشتري موتر مستعمل ولا ادري كيف كان استخدامه , هل كان يحمي كم ركب فيه مطب او رصيف او حفره كم زر عليه كم دعس له كم فرمل عليه بقوه كم وكم وكم

او تلقا مستعل بسعر رخيص لكن مكروف ويحتاج كل فتره مبلغ مالي للصيانه 

فانحدينا على الجديد واللي فيه عيوب , الوكاله الله لا يهينها تصلحها لي 

ومافيه مشكله تنضرب من الشمس كم من شهر لكن اخذ شيء جديد

لان المستعمل وانت تشوف مواتر جديده توقف عند بيوت بدون ضل او حتى شماسه على القزاز وتضربها الشمس ضرب الويل

والشمس فيك فيك وش تسوي 

حكمه الله 

تحياتي لك +1


up 5 down 2
ابوخالد1397 2892
قبل 6 سنه و 7 شهر



هههههههههههههههههههههههههه 
والمصيبه الاكبر بعضهم يبغى السياره مغبره 


up 0 down 0
sehly11 648
قبل 6 سنه و 7 شهر



السلام عليكم 

انا أفضل تخزين شفته لشركتين. 

شركة أبوظبي موتورز وكيل BMW و رولزرايس و ميني 

عندهم مستودع مغطى في ميناء أبوظبي 

ما أعرف إذا عندهم مستودع آخر مكشوف. طبعا هذا المستودع مغطى بالكامل من جميع الجهات 



و الشركة الاخرى 

شركة بهوان في البريمي عمان

وكيل تويوتا و لكزس و كيا و فورد و دايهاتسو و اعتقد هيونداي بعد


عندهم مستودع كبير جدًا و فيه مضلات و حراس امن و موظفين رايحين جايين 

الصراحة مستودع ضخم جدا و دخلته بنفسي اشوف سيارة قبل استلامها 


اما باقي الشركات ما شفت مستودعاتها

شفت مستودع واحد صغير للفطيم في مدينة العين وكيل تويوتا و لكزس الصراحة يفشل


تحياتي 


up 4 down 0
khaled al baloushi 240
قبل 6 سنه و 7 شهر



وأقل شيء ينعدم في السيارات المكشوفة المساحات تتلف بسرعة من الشمس 


up 0 down 0
رعد 4 3254
قبل 6 سنه و 7 شهر



قايلكم تقطعون الوكاله تاخذون مستعمل بس لا حياه لمن تنادي 


up 0 down 0
سلطان 2009 315
قبل 6 سنه و 7 شهر



يارجال عيوب الوكاله بسيطه

ازين من المستعمل اللي مفصول عداده او مصدوم ومرقع بتجاري وشاصات ملحمه والخ ...




up 0 down 3
amear 1347
قبل 6 سنه و 7 شهر



ياخي يا حبكم تدققون في كل شي وسوسه ذي ما بقى الا تحنطون السيارات يبوي شيك عليها قبل الاستلام و خلاص و مصيرها للشمس


up 1 down 3
rraammooss 965
قبل 6 سنه و 7 شهر