افضل سياره اكورد كادينزا ازيرا

كلهم ممتازات لكن الاكورد قاسية

كادينزا افضلهم من ناحية المكينه


الاكورد اقرب ماتكون عمليه بعيد عن الفخامه


الازيرا خلاص شبع الناس من شكلها

الاكورد قارنها مع السوناتا والاوبتيما الا اذا 6 سلندر 

بالنسبه لي ارشح لك الكادينزا اولا والسبب انها مكينه اقووى وضمان 5 سنوات عداد مفتوح وارخص من الازيرا والاكورد 

من ناحية الجوده فهي رح تكون من استخدامك لها حتى لو ( مرسيدس ) وانت كارفها رح تتفكك وتندمر 

وش الفئات لكل سياره 
اذا كلها استاندر انا اشوف ان الكادينزا افضل لان راح تكون المواصفات كلها وحده 

اذا نص فل اتوقع الكادينزا والازيرا افضل 


اذا فل كامل الكادينزا 

انا اشوف شي اذا تبي موتر فخم من الكوري مثلا ا الياباني
شوف اقل فئه في السياره 

مثل الكامري مثل مثل قاعد اقول مثل 

تلقا الاستاندر طيس مسجل الظاهر كاست ويمكن هندل ومافيها الى شي واحد 
ناشبين لنا في المواصفات ستاره خلفيه 
الله ي ذا الستاره 

السوناتا نفس الوضع 
شوف اقل فئه في السياره وحكم فيها جنوط اي بي اس موفر وقود 
ارباقات انظمه رفاهيه تخشيبه شاشه 

واسف ع الاطاله

ميزه الاكورد جوده وتمسك سعرها وعيبها قاسيه مرا وقطعها غاليه 
الازيرا والكادينزا سوا اشوفهم بس انا افضل هونداي عن كيا 
جربت الازيرا روعه بس الكادينزا ما سقتها 

كانديزا وانت مغمض

كــــــــادينزا

والله دايم اشوف تنصحون كادينزا وما اشوفها بالمدينة غير مره بالاسبوع او مرتين 

كل شكر لكل من رد علي
وبنتظار مزيد 

بالانتظار
من يعطينا الاسعار

ترتيبهم كالتالي :

1- الكادينزا
2- الازيرا
3- الاكورد


اولاً ان الكادينزا لايمكن اني اقارنها بالاكورد والازيرا من ناحية فخامة البدي ومتانته وقوته ، ايضا الرساوة واللي جرب ذا المواتر يأكد كلامي

العزل ، العزم 290 حصان 3.5 ايضا ضمان خمس سنوات مفتوح الكيلوات ومتأكد انا 100% لو تجرب الثلاث سيارات كلها وكلها ستة سلندر بتختار الكادينزا لانها الافضل في كل شي


الازيرا حلوة لكن مهيب مثل رساوة الكادينزا في المنعطفات وثقلها ايضا المكينة تلعب دور 3.0 250 حصان قومتها غير وتسارعها غير وهذي تفرق معي لما بمسك خط ولا بجي اسقط

الاكورد ماضنتي انها بتقايش معهم مع احترامي لها في العزل والرساوة انا جربت 6 سلندر سبورت رساوتها عايدية عزلها عايدي يعني مهب من فئتهم ولا هي حلوة بس غالية



الاسعار الكادينزا سعرها 120 الف تقريبا فل الفل في الوكالة وفي الموزعين تلقى ارخص بواجد من 109 كأقل شي الى 111 الف وفيه اذكر اعلان معرض في جده 111500 مع اللوحات وكل شي اظاهر


الازيرا تقريبا من 115 الى 117


الهوندا على حسب تبي اربعة تبي ستة لكن اللي اعرفه قبل 4 شهور او اقل يمكن رحت لعبدالله هاشم انا وخويي كان بيطلع اكورد فل اربعة وقالوا لنا ب124500 فل اربعة سلندر يعني اغلى منهم


وراح خوينا طلع افلون فل بدون شاشة ب 127 الف


بالتوفيق

مشكورينرعل الردود