مميزاااااااااااااااااااااااااااااات الفورد والماركيز

راح اتكلم فعيوب الفورد اول شي


1- المكيف مشاكله كثيره وفيه مشكله دائما تحصل ( توزيع الهواء يصير فوق وتحت ) وهذي المشكله بتمر على كل واحد معاه فورد سواء قريب او بعيد والحل كله ب4ريال


2- انوار الفيكتوريا جميع المديلات ضعيفه :: انوار الماركيز ضعيفه الى مديل 2005 ومن 2006 تحسنت وصارت اقوى


3- الدفرنس يخرب مع سوء الاستخدام يعني الفورد سياره صنعت للراحه والمكده والسفر فقط واللي يستخدمها بشكل رياضي ( قومات + تفحيط + درفتات ) بيخرب عليه الدفرنس والحمدلله على استخدامي ماعمرها خربت معي


4- مايتحمل التعديل والتزويد واصحاب فك الفصله الله يكون فعونهم على خرابات القير والدفرنس لان الفورد حده 180 والقير 4 نمر شلون تبي تجيب عليه 240 !!!


5- نسبه كبيره من المشاكل اللي تصير فيه سببها حساست وقيمتها رخيصه والبعض يجهلها ويروح يوضب مكينه او قير والسبب هو الحساس


6-الكهرباء حساسه مره وبعض اللي لعبو فيها ضربة عليهم الكهرب وماقدرو يحلون مشكلتها


7- السياره شكلها كلاسيكي يعني غير انسيابي عشان كذه ممكن تسمع صوت خبط الهواء وليس تنسيم لان الشكل مايساعد على اختراق الهواء


8- نظام التعليق الخلفي ( محور ) وهذه مايساعدها على الثبات والرساوه عكس نظام التعليق الخلفي ( مستقل ) مثل المرسدس والكابريس وغيره من السيارات اللي نظام تعليقها ( مستقل يعطيها رساوه وثبات وتلقاه فاشخه فالطريق


9- رديتر القير حجمه صغير ولايعتبر عيب لكن بيكون عيب في حاله واحده اذا فكيت الفصله لان مبرد القير حاطين حجمه صغير وفاتحين اعلى سرعه 180 وهذي السرعه يتحملها المبرد ويقدر يبرد على راحته


اما اذا فكيت الفصله فتاكد ان مبرد القير ماراح يبرد بعد 180 والبعض يركب مبرد اضافي


((( الاعطال المذكوره فوق ماقد تعرضة لها ولله الحمد وان جات مشكله انا احلها بنفسي السياره ماهي معقده ولافيها تقنيه عشان الواحد يخاف منها )))


الايجابيات من وجهت نظري


1- السياره الوحيده اللي اقدر اصلح اغلب اعطاالها بنفسي ونادرا احتاج للورش بس اشتري قطع اصليه وكاله واركبها بنفسي


2- السياره اصبحت معروفه عند الناس وعند الورش ولو جيت تبيع بتلقى الشراي ولو جيت تصلح بتلقى من يفهم فيه لانه مو معقد والقير بس 4 نمر يعني سل مب صعب


3- قطعها متوفره واسعارها معقوله


4- وقت الخطوط تاكد انك مابتحس بالطريق خصوصا اذا كان عليه هيدروليك عزالله انك بتحس انك فغرفة نوم

عيوبها كثيره وهذاااا غلط كبير !! >>ه هههههههههههههه المفروض انت تعلمنا وتوضح لنا > اذا غلط كبير

انا ما اقصد ان الفورد له عيوب كثيره اقصد صيغة كلامك فقط .

مميزات الفورد :

1- مريح 2- بعض القطع رخيصه نوعا ما 3- صرفيته حلوه 4- صيانته سهله 5- خدوم 6- مكينه قويه

عيوبه : 1- غير راسي 2- ضيق جدا من الخلف 3- الشكل الجانبي من 98 الى يومك هذا ما اختلف ! 4- فخامته الداخليه جدا عاديه 5- سعره يطيح بسرعه

وكل سياره لها ميزه وعيوب

يقال والله اعلم

أنه بعد كم سنة بتنقطع قطع غياره لنه وقف تصنيعه

كلام الاخ شاقح صحيح 100%
بالنسبه للقطع 
الشركه ملتزمه بتصنيع القطع الى 2015 يعني انسى تنقطع قطع الغيار
بالنسبه للسعر هذاك اول تطيح الان الفورد ماسك سعره 
السياره راسيه من موديل 2006 وفوق 2005 وتحت السياره خفيفه 

اضاقه حلوه من باقي الاخوان واما حكاية القطع فالمصدر هو القيل والقال

المميزات = لاتوجد

العيوب = غثيثه وكريهه وودك تصدمها اذا صارت قدامك الله من ثقل الدم

صراحه العيوب مثل ماذكر اخوي شاقح ونادر تصير للي يستخدم استخدام حشمه هادي ورايق بسواقته اما تبي تقاوم فيه او تسوقه بشوارعنا الحلوه كنه ونيت اي سياره بتشيب راسك بالنسبه لرساوه من 2006 صار افضل وتركب عامود توازن خلفي يرسا اكثر لنه الامريكي مافيه والجديده عامه وانا مركبه عندي اختلاف كبير عن اول في الرساوه المشكله يجيك واحد كان درباوي ومعاه ونيت وياخذ فورد وفرحان ويجلس يقاوم فيه ولعن خيره ودعس مع فتح الاشارات والحفر وبعدا ينهلك يقولك سياره ماتنفع ياكثر خرباتها والله الي يبي راحه بلد وخط وسواقته رايقه ياخذ فورد 

بالنسبه لعطل المكيف هو الاكتروني فقط الي يتغير ويصير يوزع الهوا فوق وتحت وله طريقتين وماتكلف وتصلح وينتهي المشكله

فكوا هالرابط وبتحصلون كل صغيرة وكبيرة عن الفورد
http://www.haraj.com.sa/11489743/%D8%AD%D9%84_%D8%AC%D9%85%D9%8A%D8%B9_%D9%85%D8%B4%D8%A7%D9%83%D9%84_%D8%A7%D9%84%D9%81%D9%88%D8%B1%D8%AF/

هههههههههههههههه فكيته وش الاعطال ولا فيه شي اكثرهم المكيف وهو معروف الاكتروني فيه مشكله عادي تتصلحه ب50 ريال ويشتغل زي الحلاوه او طريقة اخوي شاقح تغيير الجلد الاعطال الثانيه ماشفناه جيبها لي هنا كلهم الي معاه 97 ولا 99 مافيه شي جديد جايته اعطال كلهم النور ضعيف ولا دفرنس فيه صوت وهاذي تكلمنا فيها انت طيب جيب العطال الي تقول عليها اسردها لنا هنا شرط تكون من موديل 2004 وفوق لاتجيب لي ابو 97 له اكثر من 10 سنوات ماتبيه يخرب الكرسيدا وهي الي ندم عليها تايوتا انه وردها تخرب بعد 10 سنوات اما الموديلات الجديده فما شفت احد يشتكي من مشكله كبير زي ما انت تقول انه كله مشاكل
شطحه واحد مقهور لاف على كل مواضيعي وحاط دسلايك مدري ليه هههههه كان كتب حرف حرفين رد على الاقل نعرف منهو هو ههه الحقد ومايفعل  

لاحول ولاقوة الا بالله ات الحين وش تبي الرابط للناس اللي تبي تعرف اكثر عن الفورد وانت وش حارق رزك الحين حسستني انك صاحب شركة فورد يابن الحلال روح نام اريح لك وانا عطيت الناس رابط اصحاب الفورد ومجربينه هم من يسرد العيوب والمميزات وساكت ولا قلت شي ولا ابي اقول لان الرابط يتكلم ويعبر مثل الصورة وبعدين مين انت علشان اتعب نفسي وراك واحط لك ديسلايك يارجال مادريت عنك ولو ابي احط ديسلايك يمديني قايلك بوجهك باحط مو من ورى ظهرك

اثنين من اخواني معاهم ماركيز 
واقسم بالله اذا استخدامك كرف وخطوط مو حق تعديل وهجوله اعلم انه بيخدمك 
اللي مع اخوي٢٠٠٦
ماشي ٢٠٠ الف كيلو
اقسم بالله من اعرفه نفض بطن السياره مره واحده ب ١٥٠٠ ونفضها بطره والسياره 
ماكانن تشكي من شي والى يومك ماشاء الله تبارك الرحمن يغير بش الزيت + البنزين
وعندنا واحد ثاني ٢٠٠٢ غيرنا في اشياء لليييل
جوزات ومقصات وجلب وجلود واشياء غيرررها كثير
ماكلفت حول ال ٢٠٠٠ ريال
وفيها مشكله الفوردين مثل ماقال الاخ شاقح
الهواء يتيغر دفعه والحمدلله حصلت مره ف كل من الثنين وصلحناها وغيره والله مانشتكي

ايوه واللمبات كمانه تعبانه 

+ الرسساوه حلوةةه وعزل الهواء كمان
وانا اتكلم من باي تجربه
وكل سيارتنا عند الباب الحمدلله امريكي وكلها حقت كررررف

بااااب**


غلط نحوي

من ناحية ألراحه
مافيه اي سياره من فئتها تقارن فيها

اخوي بقولك العلم الوكاد 




والله انه موتر كرف خطوط رسمي شباب 




وبنسبه للمشاكل اللي واجهتني من خذيت موتري مركيز ٢٠٠٧  




١ مكيف الالكتروني صار يطلع هواء من فوق ومن صلحته ابدا معاد شكيت




٢ مشيت  في عج ولعت عندي لمبه بطارية وطلع من دينموا قالي الكهربائي يتصلح  
بس شريته جديد طناخه هههههه 




٣ بواليين هيدروليك وبدلتها بـ ٦٧ دينار = ٨٧٠ ريال 




٤ الانوار مالك حل الا تركب عدسات 




٥ بدلت بطاريه 




٦ بدلت مروحه لانها وقفت فجاه ماادري وش فيها وسعرها اتوقع ٤٠٠ ريال تقريبا




٧ السلف يبيله كل فتره تنظيف خاصه اذا تمشي بعج لانه يطلع صوت وقت التشغيل
ومحد ينتبه له الا الموسوسين اللي مثلي او تقدر تقول حريصين زياده ع اللزووم

هذي اللي صارت معاي من اخذته من ٣ سنوات تقريبا 

طبعا استخدام يومي مشوار دوام ١٨٠ كم رايح جاي 

والعصر اطلع مشوار يوميا ٨٠ كم رايح جاي

والله كانت النيه يوم شريته اني ابيع لاني ماخذه من شايب كويتي وماشي قليل وسعره حلووو 

بس يوم مسكت عليه خط ١٦٠٠ كم للجنوب والله ارتحت له بالحيل

< تقول قصة حياتك انت

الشباب كلهم ماقصروا و ماطلع منكم كلام عيب و لا غلط 

كان معي فورد كراون فكتوريا موديله 98 و الحين معاي ماركيز 2010 

طبعا الفرق بينهم للي يبي الفرق بين القديم والجديد 

القديم ...

الموتر اريح و ولا ينقز و مع الحفر انعم ((للاستخدام الامريكي الي انا مجربة)) لكن مو راسي بالمنعطفات وانت 
على سرعه..

الجديد مريح لكن مو راحة القديم اكيد ..

طبعا البعض يقول ان الفورد بطة ومدري ايش لانو 8 سلندر و عدد احصنته تقريبا حدود ال245 حصان 
ان ماخاب ظني ... السيارة مصنوعه مثل ماقالوا الشباب للراحة و رفاهية و خطوط سفر و عايلة 
ماهي حقة مقاومات و لا تفحيط و غيرها ((صح انه يطرب مع الدرفت و الزرزرة )) لكن تحمل مايجيك 

بس ميزته (( للي مستخدم حشمة و مهتم بزيوته و سوايله و استهلاكياته)) لايمكن يشتكي من شي واكبر دليل 

شوف الي بالشوارع الحين اقدم المواتر اغبها فرود و كوابرس موديلاتها بال20 سنة قديمة وماشية بس
في امك خير هايط عليهم و رب البيت تروح غلطه عالسيارات الجديده تشليح علطول و هو بس يسوي تلميع 
مكان الصدمه هههههههههه..

المهم ولا اطول عليكم بعد ماطولت عليكم :)) الموتر حق خطوط و راحة ويتحمممل حمار مكده صرااحة ((اشطح به شويتين زرة خفيفه
وسع صدرك شوي لكن بحدود )) السوائل اهتم بها 


والاهم من كذا اني قاعد اكتب الرد والموضوع له سنة و زيادة لكن والله ماامسحها ههههههههههههههه

يعطيكم العافية و سلاام