انا مجرد معلن... مقبولة اوغير مقبولة

انا مجرد معلن تعتبر فكرة غبية و غير مقبولة

للأسف كثيييييير يسوونها 

وكأنك تشحذه ميت على سلعته

هذا اشوى من اللي يعلن وويقول اللي يبي معلومات واتس 
طيب ليش اجيك واتس ليش ماتكتب المواصفات وش ابي فيك اجيك واتس
مثل واحد سمت سياراته وقال كلمني واتس ارسلت وين موقعك مارد يعني يبي واتس مو جاي يبيع 
المهم الاشكال هذي كثيره واكثرها مايبي يبع ولاعنده حتى سيكل بس طقطقه وقلة ادب

الهدف منها انه يبغاك تتصل 

احترم وجهة نظرك لكن أخالفك في الرأي 

لما يكتب ابشخص انا مجرد معلن مو ضروري يكون شريطي او ملقوف ..  إلخ

بالعكس أنا أشوفه برأ ذمته لما يقلك انا معلن و الاتصال علی رقم صاحب السيارة 

في البعض يكون يبغا يبيع سيارته لكن ماله بالمواقع و النت بشكل عام 

فيوكل اي احد سواء من اصحابه او اقرباؤه و يقله حط رقمي

بعدين انت تقول اعلان ناقص لما يكتب انا معلن

انت الي يهمك تاخذ فكرة عامة من الاعلان واذا كنت صامل تتصل مباشرة 

علی صاحب السيارة تستفسر منه علی التفاصيل واكيد ما حتكتفي بالمكتوب في الاعلان 

و بنفس الوقت حتشوف السيارة وحتفحص 

هذا رأيي الشخصي و مقتنع فيه 

كلامك صحيح      ولكن :

من الممكن ان صاحب السيارة كبير في السن وغير قادر على استعمال النت فيطلب من احد جيرانه او من اقاربه انهم يعلنو عنها 


وطبعا فيه كثير من الاعذار ... ولازم نحسن الظن 

ولكن انا اشوفها انها طريقة مستفزة  وخاصة اللي يقلك راجع اعلاني السابق وتقوم تدخل ويقلك اللي قبله واللي قبله الين ما توصل للاعلان ويقلك الاعلان قديم وتم حذفه 

بكل بساطة
مقبولة اذا كانت صدق
و غير مقبولة 
ان كانت كذب

يارجال كبير السن .. مايعرف اللى البرحه بلا نت بلا كلام .. الغالب والله . انه غير مهتم بعرض السلعة او من باب المجاملة خدمه اني اعلانت لك ,, ياحبيبي اكتب المعلومات الاساسية .. نوع السيارة ولونها وموديلها بعدين الزبون يتصل يأخذ التفاصيل كم العداد كم الملاك هل سبق حوادث .. لو الدعوى اتصال لكل معلن شف فاتورتك اخر الشهر

انا الصحيح مره واحد كلمني اسوي له اعلان
وزبطت له اعلان بالكامل مواصفات وعيوب والممشى والحد
وكتبت انا مجرد معلن وكتبت رقم الجوال
يعني باختصار خليت اللي بيدق يبي يشتري بس لاني كتبت كل شيئ

لاكن القهر اللي يحط لك صورة السياره ويكتب مجرد معلن

الي يقول لك انا بس مجرد معلن ... 
هذا شريطي متخفي انحش عنه وعن سلعته وعن اعلانه ... 

لقيت اعلان عن لكزس ويقول انا مجرد معلن واخرتها طلع يمني 
يتسدح في المعارض وياخذ نسبة من كل شريطي متسدح  ويهايط بجلسة 
شريطية ..

لعنة الله على كل شريطي فاسد مفسد .. والله انهم اخبث من اليهود

كله كوم واللي يجي يسال وش الموديل وكم ماشي وكم مسيوم
والمعلن موضح كل شي باالااعلان ياخي احس احيان
ان فيه رد الي من الموقع
بس احسن شي انك تلغي خاصية الردود وتحط جوال
واللي جازم بيتصل فيك

وسلامتكم

كل واحد حسب نيته
بس صدق كثير منالناس مالها بالنت وما تعرفله ( صعب التصديق بزمنا ) بس من جد فيه كثير
لمن يقلك مجرد معلن لازم على الأقل يكون عنده شوية معلومات بسيطة عن السيارة ويذكر تفاصيل السيارة ما يقلك سيارة كذا للبيع وبس
صارت معاي عرضت سيارتين لاصحابي اخذت منهم المعلومات الاساسية والتفاصيل وحطيتها وقلت اللي يبغا اكثر يكلم صاحب السيارة

صراحة انا مسويها في اعلاناتي لان السلعة اللي عارضها ماهي لي 

واللي جاد ويبي السلعة يتصل على راعيها ويستفسر زي ما يبغى لانه كل ما طلب شيء على الموقع 

لازم اروح اتصل على صاحبها واقول له والله الرجال سال هل فيها كذا وكذا ماهو معقول 

بس للعلم انا حاط بعض المعلومات اللي اعرفها مثل الممشى وبعض الرشوش وبعض المواصفات 

فماهو معقول كل ما طلبت شيء اروح اكلم راعيها وبعض الناس يسأل لقافة ولا هو جاد بالشراء فاللي يبعى السيارة يتصل على راعيها ويستفسر زي ما يبي 

احسنو الضن الله يصلحكم 

الواحد يستفز اذا كان صح الاعلان مو كامل وكاتب لتفاصيل الاتصال او واتس بكذا يجيني مدري ايش نفسي احرقه 


انا شخص كلمني عمره يمكن 60 صاحب ابوي وتعب يروح المعارض وفهمته بموقع حراج وقلت ياخذو نسبه1 %
وخلي واحد من اولادك يشترك ويعلن لك مسكني من عند اذني وقال ماعليك من اولادي اعلن لي ولك 3 % 
واخذت كل التفاصيل مو ناقص حرف 
والحمد لله انباعت ب اول يوم 

وكاتب انا معلن لشايب والي يبي يفحص يراسلني على رقمي انا 

ف احسنو الضن

ما أظن انها صعبة او مستحيلة انو المعلن ياخذ المعلومات الاساسية كاملة من صاحب السيارة ويينزلها في الاعلان دام هو اتكفل انو يعلن 
 وبعدين ينزل تلفون راعيها للتواصل 

لنفترض انه كبير بالسن او ماله بالنت الغلط على الشخص الي نزل الاعلان يجب يكتب كافة معلومات السيارة
 والتفاصيل  بالاعلان مو بس يحط صورة السيارة وبدون اي تفاصيل 

مقبولة اذا كان الاعلان كامل والاتصال لمجرد الاتفاق على السعر

غير مقبولة اذا صورة واتصل على صاحبها ... اعتبرهـ سرقة محترمة

يقولك انا مجرد معلن والي اشد من كذا يقولك ( السياره انسامت عن طريق الجوال ) هههههه طيب حنا ما نعلم الغيب ايش دراما انك صادق  وغير كذا انسامت في الموقع هنا وش دخلنا بلجوال هههخخ الله يهديهم