تجربتي في التضليل drive7
إضغط هنا للإخفاء
السلام عليكم ورحمة الله وبركاته
أسعد الله أوقاتكم بكل خير
مثل ماذكرت في عنواني
( تجربتي في drive7 )
للي مايعرف drive7
هذي وكالة أمريكية للاعتناء بالسيارة
بسم الله نبدأ
الحمدلله شريت مازدا CX9
وتعرفون الواحد لين شراء موتر جديد
يبدأ يفكر وش يسوي فيها عشان يحافظ عليها
المهم
لفيت على أغلب الشركات مثل 3M و لومار وووو ... اغلب الشركات ومنها drive7
بعد اللفه هذي سألت وبحثت في النت ورحت سويت تجارب بنفسي بصراحه
أكثر مكان أقنعني هو drive7 لما يمتلكه من تقنيات تثبت
وبعض الشركات ملزق التضليله في القزاز حق الشارع ويقول يله شف وأحكم !!!
أقولكم أولاً عن انطباعي الأول عن drive7 :
- صالة عمل مهيئة تهيئة كامله للعمل , تريح العميل وتحسسه أنهم مهتمين فيه .
- عمالة مدربه وفاهمين , يعني ماتحس أنهم جايين من محل السباكه للتضليل < مع كامل احترامي هذا المنظر شفته في بعض الوكالات .
- استقبال جميل ومرتب برضوه , ومثل ماذكرت لكم يجرون التجارب وتحس أنهم فاهمين .
نجي الآن وش سويت في موتري
المواد اللي اخترتها :
- ماده شمعيه توضع على الجلد .
- حماية أمامية للسيارة .
- تضليل عازل حراري .
بالنسبة للمادة الشمعية جميله جداً بحيث أنها تمنع الاتساخ لوجود الطبقة فوق المراتب , وإن حصل اتساخ ينظف بسهوله كما حصل معي بالمنديل .
بالنسبة لحامي الوجهيه : طبعاً الكل أتفق أن أفضل من يقدم هالخدمة هو drive7 وفعلاً كلامهم صحيح , قص المادة بالكمبيوتر يعني دقه مابعدها دقه ماشاء الله تبارك الله .
نجي للتضليل والعازل وهو الأهم فالموضوع :
فالبداية ماحسيت فيه لأن وقتها كان الجوا غبار شوي ويحجب الشمس نوعاً ما , والكلام الآن بعد ماطلعت الشمس وصرت أوقف السيارة فالشمس عشان أبي أشوف كيف العزل ,
بصراحه ماتوقعته كذا
شي جميل ومريح أنك تركب السيارة ومراتبك ماتحرك , شي جميل تركب ومايلسعك الدركسون من الحرارة , نهائياً ماتوقعته كذا
نسبة عزل تعتبر ممتازة وتستاهل أنك تركبها وأنصح بها وبقوة .
ملاحظات :-
ميزة وكالة drive7 أنها الوكالة الأم ولا لها وكيل مثل بقية الوكالات , مثلاً تلقى لوحة كبيرة مكتوب فيها 3M وتحت فالزاوية مكتوب مؤسسة فلان بن علان للتجارة !!!
.
- عمالة يتم تدريبهم على الأقل 6 شهور ومن ثم يزاول العمل فالوكالة , وهذا عكس بعض الشركات اللي ماخذه وكاله لبيع منتجات الوكالة الأم , خذ وكالة وأفتح المحل وجبلك عماله حيا الله .
- استقبال وتعريف بالمنتجات ممتاز ومقنع .
فالنهاية أتمنى أني أفدتكم باللي أقدر عليه وشفته وأي سؤال أو استفسار أنا حاضر وتحت أمركم ^_^
إبلاغ
سيارات للبيع
الردود
0 0
0 0
قبل 6 سنه و 3 شهر