من 120 ريال إلى 30 ريال و تكسبني زبون؟ السيارات الفاخرة
28
8
إضغط هنا للإخفاء
السلام عليكم و رحمة الله
، حصلت لي قصة غريبة مع أحد بائعي الجح بالرياض، حيث إستبدلت سيارتي الكابرس مؤقتا مع سيارة أحد الأصدقاء و هي من نوع بورش باناميرا 2012 ، و وقفت عند أحد الباعة و موه الطفل للأب عند رؤيتي أو بالأحرى رؤية السيارة و هم من جنسية عربية معروفة ، و قام بالسلام بكل إحترام قلت أريد حجم متوسط و أنا أعرف أن السعر عادة لا يتجاوز 25 ريال، و فعلا جابها و حطها بالسيارة قلت كم قال 120!! أنا حقيقة صعقت هنا ، قلت لا غالية خلاص توقعت أسعارها عادية قال لا هذا من جح الخرج، قلت حتى لو ما يوصل هالسعر شكرا لك و خذها ، قال خلاص نبي نكسبك زبون خذها ب 80 ريال قلت يا عزيزي المسألة ماهي تنزل عشرين أو ثلاثين ، المسألة عن مستوى الاسعار عندك مرتفع بشوف غيرك، قال يالله عشانك ب 50!! قلت لا شكرا قال كم تبيها قلت هذي أسعارها إن راحت 25 قال خلاص خذها 30 قلت الحين من 120 إلى 30 قال نبي نكسبك زبون؟!!!!! قلت تخسر 100 ريال تقريبا عشان تكسبني زبون و المهم رفضت أخذها و قلت ماعاد أبي جح شكرا لك و تركته
وش رايكم باللي حدث ، و هل أصحاب السيارات الفاخرة يدفعون ثمن مثل هالأمور؟
شكرا لكم و عذرا على الدمج بين الفصحى و العامية
إبلاغ
الردود
طبعًا كل هذا بسبب أننا ندفع ولا نسأل عن الأسعار
1
0
بدل مايرفع السعر بدون فائدة واحسن شي انك مشيت وخليته عشان يتعلم يرفع السعر
قال 120 قال جح ذهب هو ههههههههههههه
قبل 9 سنه و 8 شهر