كل عام وهونداي الحراميه في مصيبه

كان ودي اقول وانت بخير لكن انت غير الكلمه ما يصلح اقولها :)

علشان قشعوا بموترك صاروا حراميه على فكره 
مبيعات هونداي من عام 2012 الى 2014
ثلاث اضعاف تويوتا ومواصفاتها اعلى باضعاف
حسب تقاريري ودراساتي مو شرط غلطه موظف
تحسبها على سمعة شركه كبيره زي هونداي

عموما الله يعوضك .

^^
هي أنت
والله مادرت هيونداي عنك
يلي ترفع في الشركة ومبيعات ما مبيعات

خل عنك يالشمري تويوتا الجديدة دعست على هونداي وابوها
الكورلا واليارس افضل مواصفات امان واكسسوارات 
اصبر للكامري تتغير وبتشوف كيف تمحي السوناتا 
والافالون خلقه افضل من الازيرا قديما وحديثا ونقول مستقبلا ان شاءالله

كل اللي صلحوا لي ديسلايك من المطبلين لعبدالطيف قبيح
الشاهد الله ماهمني ﻻ ﻻيك وﻻ ديسلايك اهم شي اشارك
الرجال .

من عرفت الكورلا وهي أكثر المبيعات في العالم


نفسي اعرف السر اللي فيها

الو مرحبا
الكورلا في امريكا يسمونا 
السيارة التي تكاد ان لا تتعطل..
مدري عاد هي مثل اللي عندنا اولا

تعديل.......
*يسمونها

مهما طال الزمن ولا قصر يبقى الياباني اطلق من الكوري 

ومبيعات تويوتا اكثر من مبيعات هونداي 
والسبب 

ان اغلب سيارات هونداي تجي ايرباق واحد وبدون ABS 


علاشان كذا اشتريي كورولا احسن من اشتري الانترا 
واشتري كامري احسن ممن اشتري سوناتا 

( اتــــكـــلــــم عن فئـه الاسـتانـدر) 

وصحيح تويوتا صارت تجميع تايلند واستراليا 
لكن الجودة ما اختلفت تويوتا كورولا 2008 للحين نشوفها 
بالشوراع وبعضها ماشية فوق 400 الف ويازينها 
والكامري 2007 للحين نشوفها بالشوراع ومن احسن مايكون
وانا شخصيا اعرف واحد معه2008 ويمسك خطوط 
عليها وواجهيتها ملعوب فيها من السافي وماشية 467 الف
ومشاءالله عليها يا زينها 


والهايلكس 2006 يكد ومابه خلاف 




سيارات تويوتا الحين جودتها مثل جودت سيارات تويوتا 
القديمة لكن لان عليها طلب كثيرر والمصنع عليه ضغط 
سؤو لهم مصنع بتايلند ومصنع في استراليا وكثرت 
العيوب المصنعية 

كل 1000 سيارة تحصل 50 سيارة فيها عيوب مصنعية 






نرجع للكوري 

اولا الكوري ماهو مرغوب لان جودته ضعيفة وماله قطع غيار
الحين 3 وكلاء للسيارات الكورية والقطع متوفرة 
ف بدا الكوري ينتشر 


ويوم اقول الكوري ماياصل مواصل الياباني 
ما اقصد ان الكوري مرره ابو كلب 

بس الياباني يكد معك 20 سنه 
والكوري اذا حافظت عليه يصبر عليك 7 ولا 8 سنين 



والعذر والسموحة طولت عليكم 

اجل نسيتوا حمله خلوها تصدي ههههههههههههههه
نفاق والعياذ بالله فئه تعشق حراميها واللي يسرقها 

أنتم ليش معصبين مل واحد يمدح السياره ألي تعجبه ويرتاح فيها.
كانت معايه كامري 2005 والآن سوناتا 2012 وكلها ما يحتاج ما شاء الله. 

يازين كل السيارات من الصيني الى المايباخ 

اوص يا ويلك تسب هونداي 
هههههههههههههههه
و الله ان الوكالات عندنا كلها نصب 
على قوله الكويتين : 
من هالشق الى هالشق 
بس اهم شيء الواحد لا يقيس ب مكيالين 
و يعظم هونداي ! 

بشر وش صار في موضوعك

يازين التاهو بس :) 

ياخي اللي يسمعكم على حكيكم ذا يقول اليوم الظهر بتودع في حساباتكم مكافأة عشانك مدحت الشركة الفلانية

ياحبيبي انت وياه اصحى هونداي وتويوتا مادرت عن منتداك ، ولا طقت لك خبر

وبعدين حبيت ارد على اخطاء بعض الشباب ، اللي يقول لك ان هونداي تجي بارباق واحد وبدون ABS انا اقول له ذم الوكيل لاتذم هونداي بنفسها لأنك لو جربت هونداي امريكا سوناتا ازيرا الخ ... كان ماقلت هالحكي

واللي له تجربه مع المواتر الامريكية يأكد كلامي يعرف ان ذا اللي عندكم تويوتا ولا هونداي سلق بيض

وبعدين هم يقيسون على مبيعات امريكا مادروا عنكم

وكل الوكلاء فيهم حقهم ، هذا يشلح مواصفات ويركب اشياء صينية ويشلخك في السعر وهذا في فئة الاستاندر يطلبها بدون ABS وارباق واحد ، طيب ليه ما اروح اشتري لي خليجي يجيني بكامل المواصفات

ولا اشتري وارد امريكا اذا انا باخذ مستخدم ، انا كانت معي سوناتا 2006 امريكية والرفاعي 33 اكيد له تجربة مع الكامري الامريكية والله يا ذا المواتر انها تسوى ذا اللي وافقه في الوكالة بقراطيسها آمان بعد الله 8 ارباقات ثبات الكتروني وفيها رساوة مهيب موجودة حتى في السوناتا الجديدة واللي جربها يأكد كلامي

الخلاصة لايعمكيم التعصب وتصير تمدح وبس

بيعطوني تعويض 40 الف وقلت لهم بصلحها انا لاستلمت التعويض لانها وصلت وزارة واقسام 
وطالبتهم بالسكرتي ماعلموني اسمه وسالتهم 40 كيلو وين مشت فيها ولا يدرون منهو الطرف الثاني 

لاتروحون للامريكي ولا شي يكفيك السوناتا الخليجيه كم ايرباق فيها :( وترا يوم اقول هونداي اقصد الوعلان مخرج 18 

والي يقول غلط موظف ذا سكرتي من وين جاب مفتاح السيارة ولا له صلاحيه يسوقها 
ووين راحت في 40 كيلو ووش صدم والمدير ليه مايعلم وواحد من الموظفين قلي 
شغال هناك هو في مخرج 18 يقول السيارة من دخلتها يوم السبت قبل صلاة العصر 
لين يوم الثلاثاء الظهر كانت برا الوكالة مع السكرتي ويوم جيتهم الاربعاء قالوا حادث 
صار بالوكالة ويوم رحت اشوفه مافي شي يسبب عفطه بالكبوت ويكسر الصدام
ويعدم الرفرفين والاسطبات الا حادث وانا وش يضمني ان ماصار عليها مصيبه
سواء تفحيط صدم وهروب او شي كذا ويوم كلمت الدوريات وجو قالوا السكرتي 
بس فصلناه قلت ذا بينكم وبين الشركه حقت السكرتي انا ابي سيارتي زي مادخلت 
تجيني قالوا مانقدر قلت جيبولي جديده جبتها لكم مافيها دقه ولا كملت معي 5 شهور 

من باب الامانه وكلمة الحق الوكالات جميعها اذا جاء لها مجال راح تلعب وتغشك والسبب تهاون النظام واذا حصلت ثغرة او عذر في تقليل التكاليف مباشرة تسوويه لانها عارفه مافيه نظام يحكم واذا صادوهم مخالفة ماتتعدى 5000 ريال . سيارات امريكا تختلف بالمواصفات والاكسورات والسبب ؟ الحكومة شديدة جدا من ناحية العيوب المصنعية واحتمال توصل لمنع الوكالة من البيع هذا هو الفرق ..... انا جربت الفورد ووكالته وجربت هونداي سوناتا وجربت عبداللطيف جميل مارتحت لهم خاصة بالصيانة والا اذا فيه مشكلة وعلى الضمان انشب لهم... يعتبر عبداللطيف جميل من افضل الوكالات السيئة عندنا ولا قد مر علي واحد يمدح وكالة سيارته الا اذا سيارتك ضمان شامل ذهبي نفس المرسيدس وتحصله بعد يسبها بعد مايخلص الضمان ...