أضف سؤال أو موضوع جديد          

سعودي يشتغل في محل كوفي

up 46 down 16
talalutd 50
قبل 6 سنه



السلام عليكم ورحمة الله وبركاته

قبل 3 أيام تقريبا كنت فاضي وقلت أطلع اتمنشى شوي واذا حصلت مكان كويس نزلت فيه ..

المهم ولقيت كوفي توو فاتح وقلت ادخل اتكي شوي واضيع وقتي ودخلته وبصراحه جدا شغل نظيف وديكورات روعه طبعا نظامه جلسات فرديه وبالنص حاطين جلسات على كراسي بس كله داخل المحل

المهم جاني عامل وقال تفضل اجلس واطلب المهم تفاجأت انه سعودي المهم طلبت واثار استغرابي قلت اول مره سعودي اشوفه يشتغل بكوفي ويباشر الزباين

عاد اثار فضولي وقلت بسأله المهم واسولف معه وقلت ياخي ماشاء الله موظف بكوفي اخبر السعوديين يعيبون هالوظايف

المهم والرجال يقول لا والله ماني موظف ولا شي هذا محلي تو فتحته مالي الا شهر تقريبا وكلفني 270 الف ريال مع شريكي ولد عمي وحطيته باسمه لأنه عاطل وانا موظف مدني لكن الرااتب مايدوم

قلت اجرب حظي وقعدت اساله قلت طيب كيف دخل المحل .. وقال والله خلال شهر تقريبا طلعنا 60 الف ريال تخيلواا

ماشاء الله تبارك الله يعني مع انه تووه ماجاب عمال مايشتغل فيه الا 2 سعوديين اعمارهم 23 سنه

بعد هالسالفه انا فعلا قررت ادخل التجاره ولو بمحل بسيط لكن هذا مثال فعلا حي واستفدت منه كثير

الشاهد من هالسالفه : ان الراتب مايدوم لك لو وصل 20 الف طالما ان مافي ارباح والديره هذي والله مليانه رزق لكن شعبنا نايمين اغلبهم وهمه وظيفه مدنيه بس واكثر المواضيع اللي تقهرني اللي يبي يدفع 100 الف ريال مقابل وظيفه مدنيه راتبها مايزيد عن 6000 ريال

وفي النهايه اتمنى موضوعي يفيدكم ولو بالشيء القليل 

وحقيت الديسلايك والله طالما الموضوع ماراح ينحذف خذوا راحاتكم الاهم ان اكبر شريحه من الناس تشوفه

والسلام عليكم ورحمة الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الشغل زين والتجارة زينه
لكن للاسف هنا تعقيد لشاب السعودي بشكل ما تتخيل
فاتح محل ولي شهر ما استخرجت الرخصه
وللاسف ثلاث فروع بلديه كلهم من الجنسيه اليمنية
المهم
كل أسبوع الموظف يطّلع لك تعقيد بالمحل او اللوحه
ويلزمك بطريقه غير مباشره ان تدفع رشوه ان أردت الإنجاز

الله يعين ويسهل امر الشاب السعودي ويعينهم على الخير
وفعلا بلد خير

بالمناسبه انا على قيد العمل لأفتتاح محل كوفي شوب وألعاب وانترنت
بجده
وممكن الافتتاح بعد شهر

طلب بسيط
اللي عنده متابعين كثير بتويتر او انستقرام يفيدني بالنشر والدعاية
او اي طريقه دعائية يبلغني عنها


ما كتبت هذا إلا بعد ما شفتكم داعمين لشاب السعودي بمشروعه


up 4 down 1
الغربيه0 3
قبل 6 سنه



من أسباب الرزق كثرة الاستغفار 


قال تعالى  ﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾ [نوح: 10-12]


up 3 down 0
ahmedhotmail 304
قبل 6 سنه