عطل سيارتي وتلاعب الاسعار من الوكاله والورش

6 4

لايمكنك التصويت حتى الحصول على 20 نقطة على الأقل
إضغط هنا للإخفاء

ابوسلطان الزهراني 580
قبل 9 سنه و 7 شهر

السلام عليكم ورحمه الله وبركاته
صبحكم/مساكم  الله بالخير يالربع

موقف صار لي حبيت اشاركم فيه
مع فرحه خبر الراتب المكرمه طار النوم من عيني وطلعت اخلص كم شغله من الصبح بدري
قلت خلني اغير زيت السياره كامري 2005 اوتوماتيك بس وقفت السياره والا اشوف زيت القير يهرب وانا الي احقد ماصدقت جاء ذا الراتب ابي اخلص به التزامات علي لاكن السياره ضيقت الخاطر
لاكن الحمدلله طلعت المشكله بسيطه وصاحب البشر اول من بغى يلعب علي قالي روح غير صوفه قير وجيب فلتر قير وتعال اغير لك الزيت ب 350!!! قلت له ايه طيب افلقني ههههههه


المهم خليت السياره لليل ومريت قطع الغيار الي في الكعكيه في مكه ماحصلت صوفه قير وقالي صاحب محل القطع سعرها 40 ريال قلت مالها الا الوكاله وانا الي اروح الوكاله واقوله كم سعر الصوفه قال ب38 ريال 
على طول جاء في بالي عبداللطيف نزل الاسعار المهم طلب اغراض تغيير الزيت وجه كارتير وزيت قير وفلتر دون ماسئله عن السعر طبع الفاتوره وقال روح للمحاسب حاسب واستلم قطع الغيار المهم قبل اصل للمحاسب والا اقراء الفاتوره والا الاسعار الخياليه بحكم معرفتي باسعار تغير زيت القير لاني مو اول مره اغيره
وانا الي ارجع عنده قلت الغى كل شي وخلي الصوفه بس قال ليش قلت باخذها من برى

حسب علي القطع
فلتر القير ب 265 وسعرها في محلات قطع الغيار وكيل معتمد ب140 ريال 
وزيت القير ب165 وسعره 100
ووجه القير ب40 وسعره 25

يعني شي يقهر فرق كبير واستغلال للمواطن

وعاد الورش موضوع ثاني كل واحد يعطي سعر الي يقول ب400 والي ب350 وسعرها المفروض 100 لتركيب الصوفه و100 لزيت القير مع اني قد غيرته ب80 شغل يد

يه صح مريت وكاله مازدا فرع الكعكيه قلت خلني اشوف المازدا يمكن يكون في نصيب واشتريها المهم دخلت الوكاله ماحصلت ولا حبه من مازدا 6 عاد جيت للموظف وسئلته مافي مازدا قال مافي الحين كلها محجوزه وتوصل بعد شهر والحين موقف الحجز مافي الا بعد مايستلمون الي حجزوا وسئلته قلت في نظام تاجير قال مافي على مازدا 6 اما السيارات الاخرى فيه نظام تاجير 




وهذا الموضوع وسلامتكم 

إبلاغ

الردود