هل هي ممتازه ام لا

خذلك كورولا مدامك تبي سياره تعيش فوق 5 سنين عادي لو ستاندر

بقيمتها كمل عليها وخذاكسنت لواستندر بتعيش معك خمس سنين بالراحه ماللك ومال الصيني والله سمعت ناس تقولي قطعها غاليه زي الياباني طيب ليش دام كذا خذكوري على الاقل جوده طيبه وسعرمعقول ويعتبر الاختيارالثاني بعد الياباني

انا عندي ec7 والحمد لله السياره جداً ممتازه ومافيها مشاكل حالياً عندي 3 سنوات الحمد لله من 2012 

لكن يا أخوي عندي ملاحظة احس سعر ec8 الفل كامل مبالغ فيه لو إنك بتاخذ الاستاندر اقولك ممكن لكن بالنسبه 
للفل الكامل اشوف انه فيه خيارات افضل مثل المازدا 6 

بخصوص الاخ الي يقارن اكسنت بجيلي ec8 شكله ما يعرف الجيلي واسعار قطعها ارخص من هيونداي 
وال ec8 ي عزيزي اكبر من الالنترا كيف تقارنها مع الاكسنت 

شوف يا الغالي لو كنت بمكانك ما راح اشتريها 
لانها صيني انا لو ابشتري ساعة ولا جوال ولقيت صيني 
ماراح ادفع فلوس فيه لانه صيني والصيني معروف ماهو زين بالحيل 
فما بالك بسيارة صينية يعني دركسون صيني مسجل صيني 
مقاعد صيني كمبروسر صيني جنوط صيني ابواب صيني 
كل شي صيني 

المكينة والقير مدري صيني ولا لا 
لاكن ال2012 يقولون مكينة وقير من مستبوشي مدري مستبيشي

المهم انهه صناعه يابان 

الي تفكر فيها مدري عنها لكن اذا مكينة صيني لا تاخذها ابد 
شوف لك الانترا ولا كورولا افضل 

انا جربت جيلي ec7 فل الفل وسافرت عليها جدة طائف مرة جدة مدينه 3 مرات
راسيه بالخط لحد جيد نسبيا قطعها رخيصه 
لكن عمرها الافتراضي قصير نسبة الى الامريكي و الياباني ممكن تقول مثل الكوري تقريبا يعني لا تخاف الي دفعته بتاخذو
اي سياره تحافظ عليها تغير زيت وكاله و صيانه وكاله تصليح حوادث وكاله تعيش معاك 5 سنين براحه
ولا تقرب الصناعيه ابد

لازم نمدح الصيني عشان الناس ترضى !!!

نهايتها بتكون مثل البروتون اول مانزلت مدحوها والحين اختفت هي ووكيلها 

وكيليها الحاج حسين على رضا وين يختفي !!!
وماسك وكالة : مازدا و بيجو و شاحنات مان و استون مارتن و سلسله مطاعم ماكدونالدز
واعتقد كان ماسك الرنج و انتلقت للناغي

لكن اسعارها غليت ها اليومين سعر الفل ec8 وصل 60 الف ريال كثير عليها
يعني زود 10 الاف واخذ سوناتا او كيا اوبتيما او توسان او سبورتاج او كامري او راف4 كلها حدود 70 الف
قير عادي ستاندر 46 الف و اوتوماتيك ستاندر 50 الف
نفس سعر الجيب الي عندهم

واذا اخطأت في شيء سامحوني

انا اللي اعجبني من الجيلي
الجيب الصغير x7
فل كامل ب64 مكينه 2.4    164 حصان
قير 6 نمر و فتحة و مثبت و شاشه لكنه دفع امامي
مع نسيبي واحد و مبسوط عليه استخدام وسط المدينه
و سفرات للقريه رايح جاي 300 كم و عنده 5 اولاد تنفعه الشنطه
قسطه 800 و دفعه اظن 5 او 10 الاف
في السياحي منه لكن مكينه 2.0 ضعيفه شوي

ابو حسين البيجو تبع اليمني هي و السوبارو

ما اعرف مصداقية هالكلام لكن قريب لي كان يفكر بجيب الصيني ويعرف مدير الوكالة قاله انحش عنها ما تسوى
زميلي بالعمل كان معاه جيلي 7 استخدمها 7 شهور كدها سفر وما اشتكت من شي
بس مكيفها بالصيف لك عليها تعبان
بالاخر لا تسئل غير اللي اشترها وجربها واستخير
ولا تشتري الا اللي مقتنع فيه
انتا اللي بتدفع وانتا اللي بتركب
الله يختارلك اللي فيه الخير

http://www.peugeot.hha.com.sa/models/

الاخ شادوز 33
الحاج حسين استلمها من بالبيد
ومازال اليمني وكيلها لكن وكيلها الحصري الحاج حسين على رضا شف الرابط بالاعلى
وشكرا

* الاستخـدام له دور كبير في عمر الســيارة.

شويخ انت تعرف ان الحاج حسين علي رضا سجله التجاري رقم واحد في المملكه !! واقدمها ؟؟

وين يختفي الله يسعدك 

وجيلي شركه راح تستمر وبقوه إن شاء الله الشركه ما دخلت السوق عشان تطلع منه وبتتذكر كلامي 

كيف سعر الفل من ec8  حدود ال 60000
أخوي شاري الفل 74000 ريال
والنصف فل 66000

والاستاندر قير عادي الحين 53000
والقير الاوتو 57000
وكلها مكاين 2.0
اما الفل والنصف فل
مكينة 2.4

ونسيت ما اولك يصاحب الموضع
الجيلي جودته زي الكوري يعني جودة متوسطة
وأنا امتلك سوناتا واخوي يمتلك ec8
والله أن الرساوة والعزل في ec8
أفضل م السوناتا حقي بمراحل
والامان افضل بس الكوري والصيني
يبيله محافظة اذا نت قاسي على السيارة
وتناقز بها فالافضل ان تبتعد عن لكوري والصيني
وتشوفلك سيارة ثانية