أضف سؤال أو موضوع جديد          

هل هناك حل بديل عن الوكاله...؟؟؟

up 5 down 4
الهوكاجي000 156
قبل 7 سنه و 6 شهر



السلام عليكم ورحمة الله تعالى وبركاته...
اخواني الكرام...
طبعا لي موضوع سابق عن سيارتي الفولفو ومع الاسف ما وجدة لها حل..وبعتها بتراب الفلوس...
وبعدها صرت ادورلي سياره بديله بمبلغ بسيط...لقيت كوريلا 2007 بسعر خرافي بس مشكلتها ان ايرباقاتها طالعه...
توجهت للوكاله حتى اسال عن اصلاحها من جديد وكانت الصدمه...
قالي باختصار تكلف قرابة 20 الف ريال...؟؟؟؟؟؟؟؟؟؟؟!!!!!!!!!!!
كيف يعني 20 الف...؟؟
يعني ربع قيمة السياره جديده تقريبا عشان ايرباق..؟؟؟
وبعدها توجهت للصناعيات اسال عن محلات تصلحها...ومالقيت اي احد...من الصبح وحتى الساعه 6 قبل المغرب...
وانا ادور على محل اصلاح بديل بسعر مناسب...
طبعا لقيت شخص دلني على محل يسويها...وارتحت والله ما صدقت ورحتله على طول...
قالي تكلف كامله 2500...قلت لحظه يا معلم...الوكاله تقول 20 الف...وانت تقول 2500...؟؟؟!!!اكيد غير معقول...
قالي انا ما اصلحها...انا ارقع الطاره والطبلون...محل الايرباق المشقوق واخفيها باحترافيه وكان ما طلعت من قبل...
قلتله انا ابي ايرباقات مش طبطب وليس يطلع كويس...قالي اجل روح الوكاله...
والله يا اخوان عفت السياره والغيت الشراء...
وتفاجئت يا اخوان ان بعض السيارات تطلع ايرباقاتها من مطب او من طعس بالبر...والوكاله ترفض تعويض اصحابها...
السؤال هنا....(معقول مافي غير الوكاله تسويها؟؟؟)
(معقول تكلفتها 20 الف ريال...)
(مقول ربع قيمة السياره ايرباق؟؟؟؟)اجل اش خلو للمكينه والقير والشاصي والبودي..؟؟وغيرها من القطع..؟؟
(معقول لو شريت قطع سياره من الوكاله كامله...بيكون سعرها اغلى من السياره الجاهزه بثلاثه اضعاف..؟؟؟)
اتمنى المشاركه لحل هذي المشكله الحقيقيه...وشكرا...








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سبق وقلت لك ان لك عضوية ثانيه وانكرت هالشيء

ولكن اكتشفت ان لك 4 عضويات ومتأكد انه انت

سبحان الله كلكم من الجنسية المصرية وكلكم فولفو 2002 حجم S80 و 5 سلندر

وكلكم فيها مشكله بالقير يعلق على الثاني 

ولكم المشكله حاصله بنفس الوقت 

وكلكم بمكه 

وكلكم فيها اسطب خلفي مكسور

ولكنك انكرت هذا الشيء 

هذا اللي خلاني ما عاد اتواصل معك واحاول اساعدك بالقير وبالاخير رجعت بعتها

اصدق مع الناس يرزقك الله


up 10 down 12
ابراهيم التركـي 1067
قبل 7 سنه و 6 شهر



اخ ابراهيم شاكر لك مرورك اولا...
ثانيا انا سعودي ولست من الجاليه المصريه...
ثالثا وللمره الثانيه اقسم بمن خلق السماوات السبع والاراضين السبع اني لا املك الا حساب واحد فقط...وكان لدي حساب اخر بنفس الاسم قبل 4 سنوات واغلقته...
وعلى العموم اخي الكريم...زيارتك لموضوعي شرف كبير لي...
واتمنالك التوفيق والسداد...


up 11 down 4
الهوكاجي000 156
قبل 7 سنه و 6 شهر



ابراهيم حتى انت لك اكثر من نك ؟ تتحشر الرجال يعني ؟ واهل مصر اخواننا وماقصروا معنا هل هذا جزاء الاحسان 

بالنسبه للارباقات هذا سعرها للاسف الشديد وفوق هذا الوكيل ذالنا مايجيب ارباقات جانبيه 

الظاهر لو يجيب ارباقات اماميه وجانبي وسواتر وللركب بيطلع التصليح 80000 الف 

الحل انك تغض النظر عن السياره وبقيمة التصليح دور لك موتر نظيف

حتى لو ركبت الارباقات وكاله بتعاني من مسحيه وحذفه وتهريبات ومشاكل كثيره 


up 7 down 6
منخشق 673
قبل 7 سنه و 6 شهر



بارك الله فيك اخ MNKASHEG ههههههه..اسمك ازين بالانقلش...
شرفني مرورك يالغالي...وفعلا يالغالي اشهد بالله انها مذله..يعني الي تنفك عليه الايرباقات لو بالغلط..خلاص..يخسر السياره.؟!!!
وبالنسه للاخ ابراهيم له عندي كل احترام وتقدير ولا فيه زعل من الموضوع...



up 1 down 1
الهوكاجي000 156
قبل 7 سنه و 6 شهر



ترجيع الارباق مايكلف 500 ريال للطبلون والطاره وش 2500 ولا كورلا و 2007 بعد ؟؟

ارباق الفورد ب 700 ريال والطاره كامله بالارباق و الازرار ب 1500 ريال وهالقطعه انا مسعرها لفورد 2009




up 1 down 0
ابو يزيد 000 8712
قبل 7 سنه و 6 شهر



اخ ابو يزيد...يشمل برمجة الكمبيوتر واصلاح الحزام مثل ماقلي صاحب المحل..؟؟؟
لان احس انو كان بينلعب علي..؟!!!
لكن الطلب اصلحها لتعمل من جديد...وليس للمنظر فقط...
عموما شاكر لك مرورك...يالغالي...


up 0 down 0
الهوكاجي000 156
قبل 7 سنه و 6 شهر



 وعليكم السلام ورحمة الله وبركاته 

اخوي طيب ما دورت ارباقات من التشاليح

اكيد السعر ارخص 



up 0 down 0
اريد تاهو 94
قبل 7 سنه و 6 شهر



اليوم مصلح ايرباق الجمس

دركسون وفك أحزمة ب 300 ريال الرياض


up 0 down 0
محمد فورد 507
قبل 7 سنه و 6 شهر



أتوقع تكلفة إصلاح الإيرباق بشكل سليم غالية



و السبب هو
يوجد أجهزة أو علب انفجار و هي التي تقوم بنفخ الإيرباق. يعني اتوقع كل الاخوان اللي قالوا صلحناه لو يصير حادث ما تنفك




up 1 down 0
الفارس المميز 2654
قبل 7 سنه و 6 شهر



طيب وش المانع انك تستخدم سياره طالع ارباقها

اذا بالاساس حنا شعب مانربط الحزام تبي ارباق ياقاك من الخطر

يعني لو ماتربط حزام وانت مسرع وطلع واحد بوجهك مع قوة الضربه احتمال كبير تطلع من القزاز

نتكلم بواقعيه اذا سواقتك راكده ماعليك ضرر

شوف السيارات القديمه الونيتات مافيها ارباقات والامور طيبه

حتى فراملها لك عليه

ماهو اني اقول هل الكلام ان الواحد يدور الكمال اكيد

بس اذا حدتني الضروف والموتر جايزلي ومابه مشاكل وخلاف

من وجهة نظري اوكل الله واستخدم وامشي اموري وموتر يشيل رجلي

الين الله يرزقني باللي ازين منه

المواتر الحديثه ان كد 6 سنوات ومافق فمه زين


up 1 down 0
amear 1347
قبل 7 سنه و 6 شهر



^^^   ^^^   ^^^
كان هذا رأيي قبل أوصل نهاية الردود
لكن الأخ (amear) سبقني للرأي نفسه .. يعني :
(إذا حدتني الظروف والموتر جايز لي ومابه مشاكل وخلاف
أوكل الله واستخدمه وأمشي أموري) .
ولكن مجرد الترميم بـ2500 ريال كثير ، وأظن 1000 بالكثير .. تكفي .


up 3 down 0
جاسم الدوحة 187
قبل 7 سنه و 6 شهر



جاسم اهنيك على البيت اللي كملته هذا يدل ان عندك بلاغه 



up 0 down 2
i6rb_ 160
قبل 7 سنه و 6 شهر



اذا ما تربط الحزام فكل مشوار ماله داعي الايرباق من دون حزام لانه يتفك بسرعة 200كم\س تقريبا يعني يضر ما يفيد من غير حزام


up 1 down 0
shadowz33 1098
قبل 7 سنه و 6 شهر



حبيبي خذ الايرباق سليم من التشليح بسعر حلو تحصله وبعدين برمجه ويكون سليم واموره طيبه


up 0 down 0
chevrolet -33
قبل 7 سنه و 6 شهر



هذا ايرباق مستخدم من امريكا شوف كم سعره
http://store2.up-00.com/2015-05/1431113063911.jpg
ابحث بالنت والله بتلاقي كثييير وبتوفر على نفسك الله يفرج همك يارب
اذا احتجت اي مساعدة ابشر


up 0 down 0
elias_aqar 8
قبل 7 سنه و 6 شهر



المعذرة اخوي لخبطت بين موضوع الفولفو S80 والكورلا انلخمت ههههههههههههه المعذرة منك


up 0 down 0
elias_aqar 8
قبل 7 سنه و 6 شهر



http://store1.up-00.com/2015-05/1431114245181.jpg
هذي رابط مجموعة تطلع بألف وشوي واسف مدري ليه ما انكتب ردي كامل
اذا احتجت اي شي ابشر


up 0 down 0
elias_aqar 8
قبل 7 سنه و 6 شهر



تدري انا منلخم توي استوعب السيارة كنسلت بيعها رجعت قريت وربي ٥ مرات لين فهمت النوم يلعب ياخوك ههههههههههههههههههههههه
بالنسبة لي كل قطع غياري مستحيل اخذها من الوكالة لأن السعر غالي حتى فلتر زيت المكينة اخذه من موقعها الاصلي


up 0 down 0
elias_aqar 8
قبل 7 سنه و 6 شهر