أضف سؤال أو موضوع جديد          

قصتي مع مقص الدوريات

up 10 down 4
moathyaseen 1393
قبل 6 سنه و 6 شهر



السلام عليكم جميعا
قبل 3 اشهر تقريبا كنت بالطريق ومستعجل
المهم طلعت عالكبري وابي اخذ شمال
لكن اول مرة اشوف زحمة على الكبري هذا
الطريق ييجي مسربين بعد ما تطلع على الكبري
مسرب الي المفروض اني امشي منه ، ومسرب للي جاي من الطريق الثاني
طبعا المنطقة عبارة عن منطقة مستودعات
فقليل تشوف سيارات فيها
المهم بعد ما طلعت على الكبري جيت باخذ شمال
وتعرفون زحمة
وكان قدامي سيارة فورتشنر ، الا واشوفه مشى وعكس بالطريق الخطأ
قلت هالحين يكون فيه حادث واجلس ساعة انتظر
خلاص امشي ورى الرجال وخلاص
المهم وفعلا امشي وراه وصارت كل السيارات عاكسة مثلنا
وما انتبهت الا ودورية التفتيش عالجهة المقابلة الي المفروض نمشي من هذالك المسرب
المهم صاحبنا راعي الفورتشنر مشى وعدى
لكن المشكلة فصاحبكم الي تورط
الا واشوف العسكري جاييني من الجهة الثانية ويأشرلي عشان اوقف
انا ساعتها صار قلبي في المنطقة الي انتم تعرفوها ,................................
المهم انا اشوفه جاييني ويأشرلي وادززززز بالسيارة
لين وصلت قدام الدورية واخذت يمين واعطيت فلشر واستنى اشوف العسكري ييجيني او لا
لانه لو اخذ رقم اللوحة وبلغ عني مصيبة
المهم انا واقف واناظر المرايات واشوف السيارات الي لحقتنا انا وراعي الفورتشنر كلها واقفة عند التفتيش
يعني نكبناهم ، الله يسامحنا بس
وقفت ما يقارب دقيقتين اناظر في المرايا اشوف اذا واحد من الدوريات ييجيني او انهم ما انتبهولي
وفعلا بعد انتظار مشيت ولا واحد انتبهلي
ومن يومها مستحييييييييل اسوي مثل الي سويته
حتى لو كنت مستعجل
فانتبهو يا شباب من الموضوع هذا حتى لو كنت بمنطقة صناعية او داخل الحواري
والله الواحد ما يضمن ، يمكن تطلعله سيارة فجأة او دورية مثل ما صار معي او انسان يقطع الشارع يكون يناظر للجهة المقابلة
وانت جاييه من الجهة الثانية وتدعسه لا سمح الله
فالواحد يمشي بالسليم افضله

واعتذر للاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يهديك ويهدينا 
+1


up 2 down 0
ahmed195 1821
قبل 6 سنه و 6 شهر



قصه ممتعه.     


up 2 down 0
رابح 337 105
قبل 6 سنه و 6 شهر



انتو لحقتو تقرأوها
ههههههههههه



up 4 down 0
moathyaseen 1393
قبل 6 سنه و 6 شهر



موضوع راائع, والحمدلله على السلامه وتحيااتي للجميع نك نك... :)


up 1 down 0
شليويح الرشيدي 59
قبل 6 سنه و 6 شهر



هههههههههه
حظك عسل أخوي



up 2 down 0
أبو حسين 0540204345 339
قبل 6 سنه و 6 شهر



ههههههههههههههه عدت على خيير العكس مشكله متمشكله تتفرع منها عدة مشاكل من اشكلها انك تقبع وجه بوجه 


up 0 down 0
bandara 1134
قبل 6 سنه و 6 شهر



قبل سنتين تقريبا , كنت طالع من الاحساء للدمام , المهم بعد ماتعديت شركة الاسمنت ب 15 كيلو تقريبا كنت ماشي 180 وماسك المسار الايسر 





فيه راعي جيب لاندكروزر طلع من الخط الثاني وجاء لعندي المسار الايسر وانا استلمته تكبيس من بعيد .. طبعا الكلام هذا بالليل 



وانا لازلت صامل اكشح له من بعيد ابغاه يوخر لاني قربت عنده .. فتح لي الخط وبعد ماتعديته دعس وراي ودق الفلشر وخلاني اوقف ع جنب 



مرمط فيني مرمطه مايعلم فيها غير الله اخرني ربع ساعه سرعه وتظليل كنت توي مضللها كاتم كامل السياره طلعها من عيوني هههههههههههه 


up 0 down 0
ابو سعود629 4708
قبل 6 سنه و 6 شهر



لو مكانك أحط رجلي وادعس اللي نوى يخالف مايوقف يدز بالعقل كيف بجيب لوحتك وهو بالسايد  الثاني ليه عيونه  ليزر يمدحون الحواري بس


up 0 down 1
benz lover -79
قبل 6 سنه و 6 شهر



انا مرة كنت راجع البيت من الحارة وكان في وايت موية مقفل الطريق

وأعكس الخط الثاني عشان أرجع وأنا في نص الطريق إلا واحصل وايت الموية حرك وقدامي دورية تسوي يوتيرن 

وانا اسوي مجنون وأصف السيارة وأسوي نفسي انه هنا بيتي وكذا ههههههههههههههه

والله وقتها منجد صار قلبي بين رجولي ههههههههه


up 0 down 0
ابو ياسر ammar 322
قبل 6 سنه و 6 شهر



ابو سعود ليه يمرمطك وهو عاكس 


up 0 down 0
blakman 2
قبل 6 سنه و 6 شهر



انتبه المره ثانيه مو كل مره تسلم الجره والحظ اسعفك 


up 1 down 0
selvstr 2
قبل 6 سنه و 6 شهر