انتبهو من مراكز صيانة يلوهات وريد كاب
43
13
إضغط هنا للإخفاء
السلام عليكم وبختصر عليكم وبدخل فالموضوع
قبل فتره تهاوشت مع موظفين ريد كاب اللي عند كبري الخليج
الموقف اللي صار اني جيت بغير زيت القير وطبعا انا شاري الزيوت من الوكاله بس ابي اغيرها
وقلت شكل المحل فخم وخلني اشوف شكل شغلهم نظيف
يوم دخلت ابغير الا اشوف واحد معاه ماركيز 2010 وقاعدين يغيرون الزيت له وبصراحه خربت عليهم ههههههههههه
طبعا قلت لصاحب الماركيز ترى نوع زيت القير لسيارتك MICRON LV
والاخوان حطو له زيت TYPE M
الرجال تشحطت عيونه وانتفخت اذانيه وعصب وقال انت وش عرفك !!!
قلت ماراح اتفلسف عليك هات عصى مقياس زيت القير واقرى وش مكتوب عليه !!!
راح شيك على العصى ولقي مكتوب بالانجليزي >>> استخدم زيت MICRON LV
راح تهاوش معاهم ولعن سابع جدهم وطلع الرجال بطل قال ابيكم تحطون الزيت المخصص له
قالوا معندنا وهذه الزيت القديم ماياثر !! عادي
جاكم شاقح يفزع قلت ماعليك منهم ترى الحاج حسين قدامنا فالجهه الثانيه قريب والحين فاتحين تبينا ننقز انا وانت نروح نجيب الزيت المخصص
وفعلا رحنا شرينا الزيت ورجعنا للمحل وراحو نزلو الزيت القديم وحطو له الزيت المطلوب
طبعا فالاخير جاني المشرف هندي يقولي انت وش دخلك فالموضوع احنا خسرنا قيمة الزيت اللي غيرنا !!!
قلت توكل على الله بس لا اعطيك على وجهك الحين جالسين تستخدمون زيوت قديمه وماخرب سيارات العالم الا انتم خايف على قيمة الزيت
اللي راح خساره ولا انت خايف على سيارت الناس !!!!!
اليوم قلت بغير وبروح محل ثاني وفعلا رحت لمركز ( يلو هات ) وغيرته عدهم ودخلت جوه اسئل عن زيت القير وطلعوا نفس الحكايه !!
يستخدمون زيت ابو قديم لانه رخيص وماضربو حساب للذمه والضمير
ولا بعد شغلهم زي وجيههم
وقفت على راس الفلبيني وهو يشتغل وكل شوي يقولي روح اجلس اشرب شاهي انا خلص شغل بعدين انت يجي
قلت ملاك علاقه انا مرتاح كذه وكمل شغل والنهايه بعد تركيب الفلتر ويوم جى بيركب الكارتر واشيك على داخل الكارتر الرجال منظفه كويس
لكن قطعة المغناطيس اللي تجمع الرايش مافكها من مكانها فقط رش عليها وتركها
ويوم جيت سحبت المغناطيس من مكانها الا لقيت تحته وسخ ورايش بالهبل !!!
شبيت عليه وخليت ينظفه مره ثانيه
يعني لو ماجلست على راسه الظاهر بيخرب الدنيا وممكن يركب الكارتر بدون لاينظف الوسخ والرايش ويمكن بعد ينسى يركب الفلتر
لانه يبي يخلص بسرعه وراه زباين ويبون فلوس
المهم نصيحه قبل ماتغير اي قطعه خذها برقم الشاص وتاكد من نوع الزيت المطلوب زيوت القير للفوردات تختلف من مديل لمديل
لايغركم انه الشكل ماتغير خلاص السياره نفسها !!!
ولايغركم المراكز المتخصصه والفخمه
إبلاغ
الردود
بس الواحد لو يصير حريص شويتين يريح نفسه من مشاكل في غنى عنها
1
0
ارجو أخي العزيز أن تحتسب في كل خبرة او راي تقدمه حتى تنال الاجر من الله
قبل 11 سنه و 8 شهر