مشورتكم ياخوان؟

والله شوف لو التخصص ببالك ومرتاح اتوكل على الله ترى اهم شي تخصص تبدع فيه مو ناس يقولون لك وتخشه واخر شي ماترتاح فيه ولا تكمل

ماهو لازم مدرس يا اخي المتخرج من كليه البدنيه مدري وشسمها يتوظف في الملاعب وحقت الشباب مدرب مدري وشنهي المهم انت ابحث شوف في يعمل وتشوف حاجات غير المدرس 

اذا تبغا تدخل تخصص مالك رغبه فيه تدخل عشاان الناس مدحته لك وقالو مرغووب وكذا

عز الله انك بتضيع تعبك على الفاضي وبتروح السنين وفي الاخير بتندم ويتقول ياليت ماسمعت

كلام الناس شوف ياحبيبي لاتدخل تخصص الاونت تبغاه مو الناس هم اللي يحددون رغبتك

بكذا انت الخسران والله اني اكلمك وانا مجرب ها الشي

الاغلب دخل تخصص لاجل الوظيفة ... وانا منهم وانا اشوف انك تفصل الهواية عن الحاجة للعمل .. عليك بتخصص متوفره فيه الوظائف تتعب وسهر واختبارات وبالاخير عاطل ... التخصصات كثيره ولاخاب من استشار

اذا تخصص انت ترغبة وتلقى نفسك فيه اتوكل على الله بعد الاستخارة بس بشرط انك تكمل دراساتك فيه وبإذن الله راح تتوفق

الاخوان ما قصروا ونصحوك وانا بحكم تجربتي المريره بانصحك بان تنظر الى رغبتك قبل اي اعتبار اخر.ولانسبه للتوظيف ممكن يكون الايام ذي مطلوب تخصص معين وبعد ٥ سنوات يصبح غير مطلوب.والعكس صحيح .وبالتوفيق اخوي

انحش عن التدريييييييس و بس
تشتغل عند اهلك بقطاع خاص و راتب قليل
و لا تتعين مدرس اول سنة 500 كم عن اهلك
يبي لك مصاريف تنقل سيارة و ايجارات
و النقل بالقطاره انت و حظك كل منطقة ادارة تعليمها تتفلسف
غير انه بيطبق الحضور بالبصمه خلال السنوات القادمه
يعني تداوم من الطابور الى 1 الظهر
و الخميس بتطلع لاهلك تمسك خط متى توصل اذا مشيت متأخرِ

أنا مدرس E ثانوي و هذي رابع سنه
اول سنه تعينت مسافه 500 كم
ثاني سنه 250 كم و اداوم يومي
من العام اداوم مسافه 180 يومي
و ارقام النقل الخارجي تتقدم ببطء
السنه هذي تقدمت 6 ارقام و رقمي على اول رغبة نقل 197 !!!!!
كيف التخصصات الاخرى
اعرف واحد متخرج ممتاز تربية خاصة و نجح بالقياس كفايات المعلمين
و لا تعين بحجة انه ما في احتياج للتخصص فل !!!!

ادايم انصح طلابي بثالث بالقطاع الصحي او الخاص او العسكريه حل اخير

نصيحه شوفلك ارامكو او شركه الكهرباء تدريب منتهي بتوظيف 
الا لو كان ميولك عسكريه تقدر بعد الجامعه تدخل عسكريه برتبه رقيب