أضف سؤال أو موضوع جديد          

لاتحكم على صوت الصدمة -- انزل وشوف لا يصير لك مثلي

up 6 down 4
YASSER505 4165
قبل 3 سنه و 11 شهر



السلام عليكم ,,

امس كنت مواعد واحد بشارع معروف بانه يتجمعون فيه الشباب وكذا

وشوي الا تجي دوريتين مرور وتسكر الشارع الجانبي وانا ماشي بطريقي وينحاشون سيارات تقول صراصير راش عليهم فليت ,, ويطلع واحد من الصراصير قصدي السيارات يقص الشارع بوجهي ويحكني حكة خفيييفة مررره والحقه ويأشر يقول تعال
مابي منه شي لكن تقهرني الحركة انه يمشي ويخليك ,, وشوي يوقف ويفتح الباب وينزل هو ويقول المعذرة ودوريات وتعرف وطبوا علينا و و و ويمسح الرفرف ويقول بسيطة بسيطة ,, وانا قلت ماطلع صوت قوي اكيد بسيطة
واواجه خويي وانزل اشوف الحكة ... الا هي خفس تقول فوهة بركان بالرفرف والكفر حقه حاس الصدام حوووس وطير بويته

انا ماخلاني انزل الا انه مليون تدقني سيارة ويطلع صوت يرووع وانزل مافيه شي وقلت على هذي بما انها بدون صوت ماصار شي واكلتها

توني مغير الرفرف والصدام قبل اقل من شهرين

وفضلاً الي يدلني على تعديل بارد بالرياض اكون شاكر له مابي اغير الرفرف مره الثانية :( :(







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ايه والله مثلك 

كنت عند مواقف فيها ظل وجاء واحد يبي يخرج وانا راكب في السيارة 

وهو خارج حسيت بالحكة في الصدام الامامي وكان فيه ناس في نفس اللحظة 

يقولو بسيطة بسيطة ومن ذا الكلام طنشت الموضوع ورجعت البيت اقسم بالله شفت السيارة انفجعت 

خرج الصدام من مكانه والشمعة الجانبية انكسرت وحالة ﻻ يعلم فيها اﻻ الله .. لدرجة قعدت افكر انو يمكن انصدمت مرة ثانية 

الحمد لله على كل حال 


up 5 down 0
الصمت كبرياء 327
قبل 3 سنه و 11 شهر



ياخي الغلط عليك تروح للاماكن هذي وتقعد تصيح سيارتي انصدمت سيارتي انصدمت حلو بس انه معاك صاحبك لانهم يسون حركه يصدمك وتنزل تشوف وش صار ويسرقون موترك يهجولون فيه


up 5 down 14
فيـfaisalـصل 24
قبل 3 سنه و 11 شهر



شوف الاعلان هذا يعدل الصدمات وشغله حلو لكن الاسعار اتوقع غالي هذا رقم الاعلان 7507861 


up 2 down 0
كنق الددسن 239
قبل 3 سنه و 11 شهر



ياخي يعني الكسل وصل للدرجة هذي
تسوي حادث وحتى ما تكلف نفسك تنزل تشوف الصدمة ؟؟؟؟
والله قمة الاستهتار .


up 7 down 7
moathyaseen 1382
قبل 3 سنه و 11 شهر



اخ فيصل وش تعريفك للغلط ؟؟؟

الشارع ملك للجميع ولازم امر منه عشان اروح لخويي وللأسف صادفت انهم منحاشين بوقت مروري به والحمد لله لاني مسوي غلط ولا شي وهو الي اعترضني


وللرد الي يقول كسل ,, لحقت وراه لين مادخل حارة وما نزلت لان سبق وان صار لي غدرة يحبها قلبك بحارة ههههههه

وبنفس الوقت صوت الصدمة خفيف والوضع حسب الصوت مايستدعي هالشي واعتذار الرجال فوق كل شي بالاخير




up 2 down 1
YASSER505 4165
قبل 3 سنه و 11 شهر



وللمعلومية ماعطيتك ديسلايك عشان ماتقول انا :)


up 2 down 1
YASSER505 4165
قبل 3 سنه و 11 شهر



يا رجال عادي الدسلايك

وصحيح بعض الاحيان الواحد يخاف تنسرق السيارة

عفطة صغيرة بالسيارة ولا تروح السيارة كلها


up 1 down 1
moathyaseen 1382
قبل 3 سنه و 11 شهر



الله يعينك ويعوضك 


مره وانا رايح للدوام فهيت على الجوال وخليت الموتر بالدي وقبعت باللي قدامي

الصوت اللي سمعته توقعت اني بغير كبوت ورفرف يوم نزلت اشوف ادور حكه ادور شي مالقيت 


up 0 down 0
bandara 1134
قبل 3 سنه و 11 شهر



يارجال خليها على الله الحديد يروح ويجي عوافي وانا طفشت كل ما ازبط شيء في السياره يحكوه ليا 
انقهر دور لك على واحد شغله نظيف واتوكل على الله 


up 0 down 0
صالح باسنبل 239
قبل 3 سنه و 11 شهر



يارجال ذحين ما ينفع الا ونيييت وبويه بيضه وكل ما احد قبعك ولا حكك تعدلها بنفسك وانتهينا
موضوع انك تشتري سياره وتستخدمها كل يوم وتبغاها وكاله مثل ما هي ما ينفع ذي الايم للآسف

أنا ناوي لي على ونيت مستقبلاً بس خليني ارتب اموري الماليه هههههههههههههههه طفشت من السيارات الصغيره 




up 2 down 1



اناعندي قاعده الي يروح اماكن التفحيط اوالتجمعات اوالمقاومات لويصير له شي ماله ديه ولاله حق يطالب أي تعويضات لسيارته انت رجللك جابتك للمحل ذا وعارف انه ملم سلق وهمج تجي تصيح وتقول سيارتي لاحبيبي كلكم في الهوا سواء انحكت قل الحمدلله على السلامه وتوكل لتحمللك الدوريه انت وسيارتك والمعذره اذا ردي شوي قاسي


up 5 down 4
عقاب الخيل. -62
قبل 3 سنه و 11 شهر