أضف سؤال أو موضوع جديد          

خل عنك الدلع وخذ شي يبيض الوجه لارقيت رصيف ولا طعس ولاحفره

up 19 down 9
أنيق 17571
قبل 8 سنه و 6 شهر



مساكم الله بالخير
بدون مقدمات
شرطنا
₩وسيعين الصدر يدخلون₩ أما الي عصبي وثقيل مانيب ناقص تعبت منهم في الحياه هالعينه من المخلوقات

اليوم جيت بروح المسجد النبوي عشان التهجد
وتخبرون المواقف زحمه ومايدخلون إلا المشتركين أما المطفرين مالهم مكان هههههه
المهم شفت أن المشتركين يطلعون بطاقات الإشتراك من قزاز السيارة عشان يشوف العسكري من بعيد ويدخلك قلت مدام الدعوة كذا خلني أطلع رخصتي على أنها بطاقة اشتراك ههههه
جاء العسكري يبي يشوفها طلعت رخصتي ههههه أنقلع برا المواقف وطلعت وشفت مواقف على الجنب فاضيه ومقفله بالرصيف قلت يافوردي شدي خليني أقمز الرصيف وطلعت الرصيف وأنواع التعلق وضربات في أسفل الموتر وتقحييص وضرب الشكمان بالرصيف
المهم عاهدت نفسي أن موتري القادم يكوون من السيارات المرتفعه مثل الجمس والفورد صراحة موقف صعب جدا يعني لو معي موتر جيب ولا جمس كان طلعت بدون مشاكل
كيف لو سيارات الدلع سوناتا ولا كامري ولا بانوراما والله ماتصلح عندنا أقسم بالله ماغير فوق الزفلت وياليت مزفلت زي الناس صار جبال وسهوول
يعني بالعربي سيارات السيدان أبعدوا عنها ماتنفع ولا بريال لأن شوارعنا وزحمتنا ماتساعد يبيلك موتر دفع رباعي جمس ولا جيب ولا سييرا ...الخ
هذي معاناتي اليوم قسم بالله حزنت على فوردي صراحة خفت عليه لكن الشكوى لله الله يرزقني بفورد F150 رابتر
قولوا آميين لأن صراحة تعبت والله لكن الدنيييا زايله

عساكم استمتعتم اليوم
وكل عام وأنتم بخير
ترى فصلت علي ثوب وشريت غتره
ومريت على ذي بودي شوب لقيته للعوايل والمحاسبه مرره ههههه قلت الله ياخذكم من وين نجيب عايله لكم عشان ندخل
دخلت وخذيت لي عطر وحاسبت عليه المرره طبعا وأنا غاض البصر هههههه ماشفت إلا بعين وحده هههههه
يعني مجهز للعيد لاتخافون
وكل عام وأنتم بخيير وعساكم من عواده
تحياتي لكم
&أنيق&









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


لاتعليق ^_^ وونتي ونة عجوز بها إسهاااااااااااااال


up 4 down 16
ماكسيما 2008 6744
قبل 8 سنه و 6 شهر



هههههههههههههههههههههههه ياحبيبي حتى الجيوب والله تتفكك وتتكسر عندنا حسبي الله ونعم الوكيل من جد هالبلد مايعيش فيه الا الي معه فلوس مع انه بلد المسلمين اجل مواقف المساجد صارت بواسطه وبفلوس ومشرووع تجااري 
وبخصوص الحرمه انت متاكد انك منااظر بعين وحده هههه هااه متتاااكد  
بالتوفيق والله يرزقك f150 


up 13 down 0
lolo-ss 4515
قبل 8 سنه و 6 شهر




ههههههههههههههههههه الله يعطيك العافية
فعلا الديره هذي مايصلحلها الا بك اب او جيب  
الله يرزقنا واياك 


up 3 down 1
ابوسطاام -1
قبل 8 سنه و 6 شهر



و الله انك تعبت حالك وكسرت سيارتك ههههه فيه مواقف اذا دخلت جوا عند فنادق الحرم طبعا القريبه من الحرم تلقى موقف بالراحه و لكن اول يوم تتعب ادور بعدها خلاص بتكون عندك فكره .


up 4 down 0
wd-alharbi 638
قبل 8 سنه و 6 شهر



الصوره الاولى :الامريكي وش يحس به وهو طاير اكيد صداع بطنه هههههههه
وانت بخير يابعد القلب وشرايينه 
سوناتا النترا يطلع الرصيف ويجي يوقف يدور الكفرات والشاص بيلقها بعد ماطلعت الرصيف ههههههههههه
انت عارف وش يطلع الرصيف من السيارات بس تميلح 
بيني وبينك على الخاص ههههههههه


up 3 down 1
سعد خليل 6153
قبل 8 سنه و 6 شهر



ههههههههه وربس انك عسل
ماعلمتنا من وين اشتريت الشماغ هههههه
حبيبي انيق البه يرزقك بالسيارة الي تسرك
لاكن وجهة نظري حتي الجيوب والسييرا 
تاكل ارصفة ومدري كيف توقف و تعدمها
خذ اي سيارة وماقلك دلعها وكذ اكرف زي ماتحب 
ومعذور شوارعنا حلوة بجدة
لاكن لاتطلع ارضفة ومطبات وتحشر السيارة وتقول ماتنفع
في ناس سيارتو في الست سنوات يمشيها ٢٠٠ الف 
واكثر لاكن اول باول مع السيارة معنو كارفها
واحد في سنتين ممشيها ٧٠ ل٦٠ الف وتلقاه دمرانة
والله يانيق كلو من طريقة المحافظة


up 4 down 0
ابو امااني 2067
قبل 8 سنه و 6 شهر



مشكور على الموضوع
فعلن f150 سياره ولا اروع منها يكفيك انه امريكي


up 2 down 0
عبدالكريم الفندل 592
قبل 8 سنه و 6 شهر



وحش الرابتور والله يا انيق ياخوفي انك مو بتنقز ارصفه الا بتدرعم العالم الي بتغثك بالشارع ههههههه خاصة اصحاب ال------- وتحصله موديل قديم وكنه شبح معاه ربي يرزقك يانيق مو رابتور الا جيب لاندروفر وحرمه لجل تغض النضر وربي يسعدك وييسر جميع امورك وكل عام وانت بالف خير وصحه وسلامه 


up 1 down 0
princ 18876
قبل 8 سنه و 6 شهر



المره الجايه ريح راسك وروح مع تكسي ههههههههههه
والله يتقبل ان شاءالله منك صلاة التهجد 
بس لاتنسا تدعيلي ياكفو

امممما السيارات دفع الرباعي تراها الذواق انا بالوقت الحالي مستحيل اشتريها
يارجال لو يبنشر كفر وتبي تغيره بجديد يبيلك ٧٠٠ ريال او اكثر

موفق ان شاءالله


up 1 down 0
بشوش 5096
قبل 8 سنه و 6 شهر



ياشباب  الربتور معروف انه جبار وقوي

لكن مستحيل يستخدمونه عندنا

لانه بشكل عام الجيوب الامريكيه تكثر حساسات وتقنيتها

وتحتاج الى صيانه دقيقه ومنتظمه

عشان كذه عندنا يستخدمون الربع والشاص فالجهات الحكوميه   لانها مجرد مكينه وقير ودفرنس 

مافيها تعقيدات ولا لخبطه ولا شي

ومن المعروف كل ماتقل التعقيدات والتقنيه تقل الخرابات

هذي ميزة الربع والشاص انه حمار مكده فقط

اما فخامه مافيه ابدا


ونا وش خلاني اطق الهلي يابعدي. 

يااااااكنق. 
مبدع دائماً. ومن العايدين قبل الزحمه. 
ولا اطول علينا بمواضيعك الاكثرمن الرائعه. 

الاماقلتلي.!! وين كرتون الحمضيات ؟عسى ماخلصته. 
ههههههههه
دسلي علبه ابي افطر عليها نهار العيد. 
هههههههههه


up 2 down 0
الشمـــالي 1212
قبل 8 سنه و 6 شهر



السيارت الصغيره مريحه مع الخطوط بس لابغيت البر تصير ولا بريال 
تسلم على الموضوع يا & أنيق &


up 1 down 0
مورسدس24 3640
قبل 8 سنه و 6 شهر



عمي يوقف الددسن عند الحرم قريب بدون نقز رصيف ولاشي 


up 1 down 0
بنرات 484
قبل 8 سنه و 6 شهر