السومات الغير جادة والمبالغة في قيمة السيارة

الموقع همه الوحيد العموله فقط لاغير

المشكلة من السومات حتى اللي يبي يبيع يتضرر  اكثر من مرة اعرض سيارات للبيع و اخسر الزبون الصامل بسبب اللي يرفعون سعر السيارة فوق حقها وبعد ما تكلمه او تحاول تاخذ جواله يغير رايه او يطلع اي عيب بالسيارة لو بسيط مثل حكه او ناقصه فتحه او شاشة ويلغي السومه

7526917

شوفو الاعلان هذا 

سيارته 2014 مستخدمة والجديد منها 2015 ب165 البريمي و169 السعودي

مايقهروني الا الاعضاء اللي مثبتين مواضيعهم ومسوين زحمة فيها واسعارهم خرافية ودك تصرخ باذانه وتقله بعععععع ولا تشاور ومقفل خاصية للردود لانه عارف نفسه بيجيه انتقدات لاذعة ولا اللي يقول لا احد يسوم تحت ٥٠ والموتر كله مايجيب ٤٠ ويحذف الردود ويهاوش همسة باذن كل واحد مسوي ذيب على خلق الله مارح اخلي احد ينلعب عليه وانا ادعم الاعضاء دائما واحذرهم بالرسائل اذا شعرت ان الشخص غرقان يبيها والشريطي يسحب فيه 

وخذوها قاعدة مافي شريطي يحط مكسب تحت ١٠٠٠٠ او ٢٠٠٠٠ خصوصا المعارض 

وبعضهم يقول انا جاد وهذا جوالي والسومة غير جادة باين الرقم الخرافي يحطون رقم وهمي من راسهم ذيك المرة دقيت طلعتلي شغالة فلبينية 

لذلك انتبهو ياشباب 

كرر وانشر تُؤجر وتُشكر: 
"اللهم صلًّ وسلم على نبينا محمد" 
"من صلى عليّ صلاة صلى الله عليه بها عشرا". 
رواه مسلم

المشكله مهي باليوم المشكله اللي يعلن ويقول مسيومه مثلا ب50 تلقاها مسيومه بخمسين قبل فتره بس متعلق ب السومه ياشيخ وأحد له سبوعين يعلن عن موتره بس السومه نفسها
لو نسوم وانت صامل يزعل يبي إلا يبيع بأعلى سعر انا اشوف الموتر لآ نعرض من جديد
يبدو السوم من جديد ترا السوق كل سبوع سعر السياره يرتفع وينخفض
فيه واحد ب المعارض كل جمعه اشوفه داخل المعارض واسأله ع سعر موتره يقول واصل 57 غريبه لك شهر واقفه ع 57 لا اللي بعت ولا زاد سعرها حتی لو تقول تقول 55 يمكن يبيعك س متعلق بسومة قديمه يبي بس فرق السوم ..
أو يجيك واحد يبي يبيع موتره ماشي 300.000 نفس سعر وحده ماشيه 100.000
ترا المستعمل النظيف له سعره مو نظيف بس فيه رشوش بسيطه نظيف يعني مابه رش
يجيك كاتب بودددددي بلد وع الفحص بس الرفرف مرشوش وكبر كف اليد بطرف الكبوت
قل مصدومه زاويه ورشيت نص الكبوت وغيرت رفرف ليه تتحايل ع الناس
ولا بعضهم يقول بودي بلد والناس تسوم وتزود بعدين يقول الكبوت مرشوش ترا الناس سامت موترك ع أن مابه شي يعني لآ تتحايل يوم وصل سعره عالي قمت تعلم باللي فيه عشان تبري ذمتك وتدور فرق السومه..
لي 3 شهور كل جمعه أدخل السوق ادور موتر اشوف ناس ماباعو مواترهم والسومه ماتغيرت متمسك بسوم له 3 شهور ..
قليل اللي يبيع بيع سمح ..
موقع حراج يا تشوف سعر السياره واصل فوق حدها يا أن يكسرون سعرها بالارض

فيه شريطية متفقين ناس ترفع وناس تكبس
المفروض ماحد يسوم الا برقم جوال
ولاحد يعرض سلعة الا برقم جوال
وانا اشوف اللي يبي يبيع
بصدق يلغي الردود كلها