أضف سؤال أو موضوع جديد          

مساعدة بخصوص العازل الحراري

up 1 down 1
k1nder 170
قبل 10 سنه



السلام عليكم ورحمة الله وبركاته


شريت عازل من موقع tintzoom

طبعاً العازل ماركة لومار

وسبب الشراء التوفير وهو نفس اللي هنا لكن ارخص

وتوهقت بالتركيب انا بالرياض وابي محل يركب لي العازل

هل اروح لمحلات التظليل ويركبونه ولا له طريقة معينة ومعقدة

ولو في محلات بشرق الرياض تركب لي العازل تفيدوني فيها واكون لكم من الشاكرين







إبلاغ إبلاغ



الردود


ايه رح به الى محلات التضليل وهم يركبونه لك

بس رح محل نظيف من شكله والتركيب ما يكلف 50 ريال ويعطيك ضمان بعد انه ما يطلع بقع فيه مثل الفقعات فيه

انا ركبت عازل حراري في محل اسمه سمر كول ( بالانقليزي ) شغلهم حلو ونظيف وله معي 7 شهور وما شاء الله ماطلع في شغلهم عيب لحد الان 

انا ضللت من عندهم عازل حراري امريكي وركبت حامي وجه الماني وكلهم ضمان سنه ب 450 ريال شامل كل شيء , يعني اتوقع التضليل كلفني 200 ريال والوجهه 250

يعني التركيب عندهم بالكثير 50 ريال 


up 1 down 0
ابو يزيد 000 8715
قبل 10 سنه



طبعا بالغرابي والعماله من باكستان اتوقع لكن يعرفون شغلهم 


up 0 down 0
ابو يزيد 000 8715
قبل 10 سنه



ماقصرت يابو زيد المشكلة محلات التضليل وحقين العوازل مايركبون لك عشان مايخسرون يبونك تركب منهم عشان كذا استفسرت ابي محل مضمون ويركب لي

سالت محل حق تلميع رفض يقول اشتر من عندنا ونركب لك ههههه


up 0 down 0
k1nder 170
قبل 10 سنه



انزل الغرابي ان قالك الاول ما اركب فيه غيره 100 محل لكن شوف محلات تحس عندها زباين ونظيفه ماهو شغل مش حالك

التضليل الكوري لكامل السياره 70 ريال ( تضليل وتركيب ) لكامل السياره

يعني التركيب ما يكلف كثير لكن نقول 50 ريال لانه راح يشتغله زين لانه اصلي


up 0 down 0
ابو يزيد 000 8715
قبل 10 سنه



كم كلفك العازل اخوي وكم درجة عزله


فيه المحلات الي على خريص وشارع الامام محمد بن سعود وسعر التركيب من250الى300ريال لاتنسى انها مقصوصه كمبيوتر

يعني لما يضلل اشرط عليه يكون على   نفس القص اما ابو 50 شغله مش حالك عن سابق تجربة


up 0 down 0
ابوعابد15 20
قبل 10 سنه