استفسار عن مخالفات التعديل و مخالفات صوت السيارة

اذا شد بلد الموتر ما يعطون

كان معي دينالي مكينته 6200 سي سي 

لا شغلته ما شاء الله اسمع صوت الطرب

ولا دعست له شف الصوت

والله لا كومارو ولا تشارجر ولا تشالجر معدل يجي مثل صوت دبة الوكاله ما شاء الله

تقول سيارة سباق وصوتها جميل ماهو صغير , تحسه متوحش

وابد ما احد يتكلم ولا يقول شيء

لكن يعطون مخالفه للي يحط دبات صوت مزعجه

خصوصا لا دخلت من تحت نفق البعض يتفنن في الازعاج و يحب الناس تدعي عليه

يجي معدل موتره ومركبه اشياء واصوات

ويدخل في نفق ويزعج خلق الله

وش ذنب اللي عنده مكيف خربان وفاتح القزاز

وش ذنبه تصم اذنه :)

ابو يزيد ما قصرت شكراً .

انت جبت نقطة حلوة ، "يعطون مخالفه للي يحط دبات صوت مزعجه" .. طيب الي يحط دبة صوتها اعلى من الوكالة لكن مب مزعجة ، اللهم ان تعطي صوت قوي اذا دعست هل هذه عليها مخالفة؟

يعني يتفاهمون المرور ولا لا ههههههه

والله شوف دامها اعلى من الوكاله لكن ماهي مزعجه

على حسب اللي بيوقفك , ان كانه مايفهم كثير بيمشيك , لكن ان كانه واحد فاهم بالتعديل بيستقعد لك

لكن انت لا مريت من جنب مرور ولا شيء لا تدعس ولا شيء خلك هادي

وان مشيت خلك هادي وان تعديتهم اطربهم هههههههه امزح امزح لا تزعجنا :) ههه

اهم شيء الصوت غير مزعج وقبل تفكر بالمرور فكر في الناس , لان بعضهم بدون مكيف ويفتح القزاز و راح تزعجهم

لكن اذا انت واثق وعارف ان الصوت ماهو مزعج حطه وعش حياتك

موفق يا غالي

يعطيك العافية .


بالنسبة للناس، صدقني منب مزعجهم اصلا انا مستحيل ارضى ازعج جيراني (بالذات لأن دوامي يبدا الفجر).

دامها كذا

توكل على الله و متع نفسك على الشوارع الوسيعه وانطرب بعيد عن الناس والزحام :)

+1

و الله شف زي ما تفضل اخوي ابو يزيد على حسب اللي يوقفك انا مرهه كنت ماشي بحال سبيلي معي كابرس و كنت معدلها و راش الجنوط و هوائيات و كت باك و قرابيع واجد طحتلي تفتيش مريت عند العسكري قالي وقف على جمب قلت طيب و شوي كذا و يجيني قالي فض القير قلت ليش قالي لا تكثر كلام فض القير و ادعس و وقتها كنت مبرمج و باك فاير و تقطع و ادعس و اسمع الطرب قالي مشاء الله وش عليها دبات بورلا؟ قلت لا اكس فورس قالي تطقطق انت سطحه يله و اترجاهه يا ابن الحلال و من ذا الكلام ما رضى و حجزها و نفس السالفة بالدمام و الدنيا كذا وسع صدرك و اللي براسك سوهه

تعديل السيارة ماعليه مخالفه
لكن الصوت العالي عليه مخالفه
وابو يزيد نفسي اتقابل معك واوريك صوت السوبرا مع باك فاير من الخلف ههههه
وراح تعرف الاسبور لما يتعدل وش يصير فيه

يلا بروح اعدل سيارتي دام الوضع كذا هههههههههه

معي كابرس واضفت ليه هدرز وفلتر وكت باك وبرمجه لكن الصوت طرب مع الدعسه وباك فاير لكن اذا شفت تفتيش او مرور واقف عند الاشاره ابعد عن الشر واغنيله والدنيا ماشيه لكن الاصوات المزعجه جدا مثل الجيوب والدداسن مفروض يوقفونهم ويعزمونهم على العشى بالتوقيف عشان الازعاج ههههههههههه