----------

بنك الراجحي مثل الي مربي لحية على شان يضحك على خلق الله ..
البنك مثله .. 

صدقت اخوي 

الله يكفي المسلمين من شرة

يا كثر ما سمعنا عن مشاكل تكافل الراجحي
والظلم اللي حاصل على ناس كثير
والمشكلة الأكبر ماحد يحاسبهم

صدقت اخي ابوحاتم

وبعد كل هذا يجي واحد يقول بنك الراجحي اسلامي

طيب وش المشكله
البنك قلك انا نظامي ماعندي فيه تنازل وتاميني هذي طريقته

عندك العقد اذا تبي السياره من عندنا وقع وخذ السياره
واذا ماعجبك لاتوقع محد جابرك

لكن حاكية انه المواطن يجي يوقع العقد وبعدين يقول نصبو علي
فهذي اسمحلي فيها

من نصب على العميل هو نفسه العميل وليس البنك

البنك معطيك اوراق عقد اتفاق بينك وبينه عبجك خذه ماعجبك اتركه وشوف غيره
وعلى فكره مو بس بنك الراجحي اللي ماعنده نظام استرجاع

حتى انا مطلع اكسنت من الناغي وماعنده نظام استرجاع واعتقد بعد فيه بنوك ثانيه

المشكله ماهي فالبنوك او شركات التمويل

المشكله فالناس اللي ماتقرى ولاتفهم ايش اللي لها او عليها وتجي بعدين تعابط مع البنك 

بعدين اللي يقول نظام استرجاع
انت ماخذ السياره عشان تستخدمها فتره وترميها ولا عشان تخلص قسطها وتمتلكها

اذا عشان تستخدمها فتره وتمريها فخذلك اي سياره ايجار ولاتنشب نفسك مع البنوك

اتمنى يسون احصائيه للمشاكل اللي صارت مع بنوك وشركات التاجير
راح تطلع بنسبة 90 بالميه الغلط من العميل نفسه

يعترض على انظمة الشركه وهو موقع العقد 
واللي مايقرى ولايفهم هذي مشكلته القانون مايحميه بيكون ضده

يابو حاتم
اي ظلم تتكلم عنه 
وكيف تبيهم يحاسبون تكافل الراجحي
البنك عطاك اوراق وضوحلك نظامهم من طقطق لسلام عليكم
سواء كان نظامه خايس او محترم القرار يبقى للعميل هل يقبل فيه او لا

مدري يحسون فيه هالناس
يرضخون لانظمة الشركه ونظامها وبعد ماتصير مشكله يقولون نصابي
وش اللي خلاك توقع وتتفق معاهم طيب  !!!

يا شاقح 
السلام عليكم
وصاحب الموضوع ومن رد عليه، بيحذرو الناس منه. يعني بيقولو في خيارات اخرى. ليه زعلان من تحذير الناس. الراجحي يخلط الخبيث بالطيب. يعني يقول اسلاي وشروطه وعمله مخالف للاسلام منحيث تاخير المعاملات على الاقل

الراجحي ماجبر احد

وكل البنوك على نفس المنهج
مر اي شركات تامين وشوف معاناة المواطنين
سيارتي قبل فتره صار لها دقه بسيطه وبلشت مع شركة التامين لين ماصلحوها وتحملت وصبرت لاني عارف النتيجه 

لكن هذي تبقى مشكلة هالشخص وليس البنك
واذا عنده شكوى صحيحه ومؤكده يروح يقدمها للجهات المسؤله ويتابعها 
اللي خلاه ينلطع كل هالشهرو يخليه ينتظر الرد على شكواه

انا احاول اخذ سياره بقسط مناسب لراتبي مالقيت الا الراجحي قسط قليل وفائده قليله 
ولكن مااقدر لازم يكون راتبي محول على الراجحي
احمد ربك انت وياه الراجحي افضل بنك بتمويل السيارات 
اذا ماعجبك تقدر تروح للاهلي يعطيك بدون تحويل راتب وتأمين شامل 
او خذ قرض واشتر السياره الي تبيها