أضف سؤال أو موضوع جديد          

مشكلة مع التامينات

up 4 down 3
11234 75
قبل 7 سنه



بسم الله الرحمن الرحيم 
يااخوان انا قدر الله علية وصارلي حادث في ينبع نسبة الخطا علية 25%
ونسبة الخطا على الطرف الثاني 75% طبعا اخذت التامين حق الرجال
وراجعت التامينات في جدة وقالوا لي انتضر 15 يوم عشان نصرف لك الشيك
طبعا سيارتي فورد 2003 وطلعت التقديرات من شيخ الورش
13800 قطع غيار واصلاح وقدرها شيخ المعارض ب 18 الف قبل الحادث 
وبعد الحادث 15 الف الفرق 3 الاف بين قبل الحادث وبعد الحادث 
اليوم رحت التامينات ع اساس اني بااخذ الشيك تفاجات انهم معطيني الشيك
بقيمة الفين ريال فقط سالتهم حقت ايش قالوا حنا ناخذ اقل قيمة
وعوضناك بالفارق اللي بين السيارة كم تسوى قبل الحادث وبعد الحادث
اللي هيه 3 الاف وخصموا حق 25 % انا رفضت الشيك 
طبعا وقت ماانا اتناقش معاهم جاني واحد منهم شغال معهم قال 
هذا نضام كل شركات التامين وماعندنا غير كذا الا اذا بترجع للمرور 
وتجيب لنا ورقة تسعيرة باصلاح المركبة فقط ماهي تالف نعوضك
المهم سحبت اوراقي ومااخذت الشيك 
اللي يعرف في النظام يعلمني وش اسوي ؟
انا كان فبالي اول حاجة اسويها اراجع المرور زبطوها كان بها مازبطت
بااشتكيهم ف وزارة التجارة 
هل هذا فعلا نظام التامينات يدورون للبخس جوف جحر الضب
يعني مو معقول سيارة تكلف اصلاحاتها 13 الف ومااعطوني حتى حق القطع
 ارجوو الافادة بااسرع وقت 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انت ليش تعمل لها تقديرين 
شيخ معارض ووورش ؟؟
وكان عطيتهم حقت الورش بدون المعارض 


up 2 down 0



تقدر تشتكيهم عند موؤسسة النقد تخش على الموقع وتروح الى الشكاوي 


up 1 down 1
sadiq al madan
قبل 7 سنه



اخوي الله يهديك اذا ما قال شيخ الورش تالف 

تاخذ تقديره ويعوضوك قيمة الاصلاح 




الحمدلله على السلامة اولا و اخيرا

اليوم مر اقرب محل يبيع نعناع وخذلك كمية تكفيك لشهر والله يكون بعونك

الشركات تختار الوسط من بين تقديرات الورش

وطالما ان الامر وصل لشيخ المعارض فقراره ملزم لكل الاطراف لا يلعبون عليك

ما يحق لهم تجاوز قرار شيخ المعارض و الرجوع لتقدير الورش حتى لو يبون يختارون اعلى تقدير 

وياليت تذكر نوع تامينك و تامين الطرف الاخر و حالة السيارة تالف ام غير تالف حتى نقدر نساعدك بشكل اكبر

ونصيحة للعموم الشيء الي تاخذه بالطيب افضل و اسهل و اسرع بكثير من الشكاوي 

هد شوي وشوف الوضع معهم كيف ولو ما تجاوب روح و اشكي


up 1 down 0



و ان كات تسألك عن طريقة تقدير شيخ المعارض فـ الطريقة صحيحه

هم كذا يقدرون


up 0 down 0



اخوي كيف سياره تكلف اصلاحها 13 الف . وشيخ المعارض قدرها بـ3 الاف ريال .
الموضوع فيه كلام ثاني . ! ! !

اخوي انت فاهم انك ع حق ولكن حط نفسك مكانهم هم عندهم اوراق وتقييم من مختصيين (المعارض-الورش)
واختاروا الاصلح لهم بموجب التقديرات اللي انت جبتها .
----------------------------------------------------
موقف شركة التامين سليم 100/100 . الشركة عطوك بموجب الاوراق . وتم تسجيل ملف لمطالبتك .
و وزاره التجاره مالها دخل .
---------------------------------------------------
اذا فيه احد بخس سيارتك هو تقدر المعارض !! ؟؟
وليش ما اعترضت على صاحب المعرض يوم قدرها ؟ ! وانت موجود وتقدر ؟
-------------------------------------------------
الاجراء
اطلب اعادة تقييم من المرور وتظلم بيعطونك ورقة تقدير قدر الاصلاح وحاول ان التقدير اقل من 10 الف ريال .
اذا كان المبلغ اكثر من 10 الف تدخل المعامله لجنه . واللجنه يمكن يبحثون المطالبه القديمة .

اعرف حقوق اولا .



up 0 down 0
صبـر 257
قبل 7 سنه



هذا نظامً التامينات 
مثال سيارةً كامري صدمت 
ورحت لاشيخ المعارض وقال سعره ٣٠الف قبل الحادث
وبعد الحادث سعرها ٢٥الف ريال
هم يعطونك ٥٠٠٠الاف ريال
الطريقة الثانيةً تسوي لها تسعيرة عند ثلاث ورش
طبعا مع تكلفت قطع الغيار
برضو هم ياخذون التسعيره الوسط

وسلامتكم


up 0 down 0
باترول 2020 2623
قبل 7 سنه



الله يعينك ويعوضك 


up 0 down 0
salah.e 472
قبل 7 سنه



طبعا اللي يسال ليش قدرتها من شيخ المعارض هم طلبوا اني اقدرها المرور اللي 
طلب التقديرين والسيارة تقدرت من شيخ المعارض ب 18 الف قبل الحادث و 15 بعد الحادث
يعني الفرق بين قبل الحادث وبعد الحادث هي 3 الاف 
ان شاء الله بكرة الصباح اشتكيهم دقيت عليهم مافي دوام الا الساعه 8 لين 4 العصر 
طبعا الوسط بين التقديرات هي 13800 ريال مكتوبة في ورقة شيخ الورش سعرتها من ورشيتين 
واحد قالي 3800 ريال الاصلاح فقط والثاني 3 الاف وشيخ الورش 3500
انا تاميني التعاونية ضد الغير وتامين الطرف الثاني اكسا شامل 
صراحة اليوم ارتفع ضغطي


up 0 down 0
11234 75
قبل 7 سنه



اول مرة نسمع المرور يطلب تقدرين 
معروفة يا معارض يا ورش 

الحين انت يالغالي 
ارجع للمرور وتاكد وسوي نفسك كانه ما قدرت 
واذا قال ورش عطه الاوراق وخله يرجعك للتامين باوراق الورش بس 
واذا قال شيخ المعارض انت وقتها كلم الشرطي قله السالفة كاملة وش وش يقول 


بس موقف التامين واضح وهذا الاجراء 


up 0 down 0



معطينك شيك بالفين ريال هذا حق الفرق السياره ماقبل الحادث ومابعد الحادث عطوك مع خصم 25%
وباقي يعطونك فوق الالفين قيمت تصليح السياره لوك مقدرها من اول وجبت تقديرات الورش كان عضوك باكثر
بيجمعون بيعطونك الفرق ماقبل الحادث ومابعد الحادث الي هو 2000 ريال زائد قيمه تصليح السياره فرضا يكلف تصليح السياره 4000 +2000=6000 نعمه كريم وزينه لاتنسى ان سيارتك تسوى قبل الحادث 18الف وبعد الحادث 15 الف هذي 15 حط عليها تعويض الضمان تكون انت الكسبان 15 الف مع تعويض الضمان الي هو 6 الف =21 الف اكثر من ماكانت تسوى سيارتك قبل الحادث


up 1 down 0
Pro rare 448
قبل 7 سنه



انا اشوف انك تراجع شيخ المعارض 

شلون الورش تقيم السياره ب 13800 ريال

وشيخ المعارض ب 3000 الاف ريال 

الى اذا الصدمه بسيطة واصحاب الورش مبالغين وانت شايف سيارتك تستاهل تصليح ب 13800


up 0 down 0
ibrahime 1196
قبل 7 سنه



شيخ المعارض قيمها ب 18 الف قبل الحادث وبعد الحادث 15 الف يعني 
الفارق بين قبل وبعد الحادث هو 3 الاف ماهو مقدرها ب 3 الاف 
وبالنسبة لسيارتي لحد الان مكلفتني 8 الاف وباقي بتاكل زيادة 


up 0 down 0
11234 75
قبل 7 سنه



شيخ المعارض يقدرها لما تكون السياره مكلفة وانت سيارتك غير كذا كلمني ونشاء الله اساعدك 0556639383


up 0 down 0
ماجد هزاع
قبل 7 سنه