أضف سؤال أو موضوع جديد          

ماخاب من استشار

up 4 down 7
بريق الرياض 258
قبل 5 سنه و 11 شهر



السلام عليكم 

ودي بسيارة عائلية ومحتار بين تاهو / يوكن / سكويا / لاندكروزر/ باترول  حبيت اخذ استطلاع ونظرة الاغلبية بدون تحيز بالنسبه لي ما استخدمت غير تويوتا ونيسان 
السكويا موتر مافيه كلام بس شكلة قبيح وغير كذا البنزين وصغر التانكي ونزوله من الخلف 
اليوكن والتاهو توها جديدة واحتمال وجود اعطال 
الاندكروزر مافيه كلام بس الشنطة ماتخدم وتضطر لسله خلفيه 
الباترول كان من ضمن خياراتي واستبعدته بسبب معاناتي السابقة مع قطع الغيار 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


إذا ماتنزل بر

الامريكي ممتاز للخطوط

اليوكن اشوفه افضل خيار


up 1 down 0
ألو مرحبا 1895
قبل 5 سنه و 11 شهر



حياك الله اخوي شف كل السيارات اللي انت ذكرتها سيارات عائليه كبيره وكلها ممتازه واضيف عليها الفورد الاكسبديشن وهي على حسب استخدامك انت اللي تقرر يعني اذا ودك سياره للبر والمدينه والا سفر على حسب احتياجك بالنسبه لليوكن والتاهو اذا تبي انتظر 2016 يكونو تلافو العيوب ورخص سعرها شويه الاكسبديشن ممتاز والنيسان لا يعلا عليه وتويوتا انا مااحبها لكنها سيارات ممتازه وبالتوفيق


up 1 down 0
alramadi2008 495
قبل 5 سنه و 11 شهر



بالنسبه للبر عندي سيارة مخصصها للبر الاكسبديشن ماهضمته والجديد 6 سلندر يعني مايصلح للطريق 


up 0 down 1
بريق الرياض 258
قبل 5 سنه و 11 شهر



أخوي أنا أشوف أنك تنظر لسيارهـ الي تبيها للعائله وتراعي فيها احتياجاتك 
عدد افراد الاسرهـ كبير تأخذ لك سيارهـ كبيرهـ 
أنا مجرب الجمس بعدت موديلات يناسب عدد افراد اسرتي ومريح في السفر 
أن كنت راعي بر خذ لك جديد دبل واذا فقط تبي سفر واستخدام مشاوير للبلد 
خذ لك حجم ماكينه صغيرهـ بدون دبل مايصرف بانزين وقطعه متوسطة السعر 
وأعطاله نادرهـ حسب الاستخدامك له ومحافضتك عليه وتغير الزيت أول بأول 
وعلى قولت أخوانا السودانيين ( أكرم السيارهـ تكرمك ) 
فالك التوفيق والله يرزقك السيارهـ الزينه إن شاء الله 


up 2 down 0
ftfr999 271
قبل 5 سنه و 11 شهر



مشكورين وماقصرتو جميعا  طيب الدبل في اليوكن والتاهو سمعت انه يثقل السيارة بعكس اللي بدون دبل هالكلام صحيح ام لا 


up 0 down 0
بريق الرياض 258
قبل 5 سنه و 11 شهر



انت وش تبي من السياره اذا بر وكل شي والله مكرم عليك الباترول بدون نقاش


up 0 down 0
hehehe -17
قبل 5 سنه و 11 شهر



الباترول مافيه نقاش بس عانيت من مشكلة التكييف والحرارة وقطع الغيار اللي تتعب ماتحصلة والمشاوير للتشليح بسبب غلا بعض القطع لنيسان لذا 
مستبعد الباترول 


up 0 down 0
بريق الرياض 258
قبل 5 سنه و 11 شهر



انصحك اذا تبي سياره لك وللزمن خذ اللاندكروزر اذا تبي سياره تخدمك 5 سنين وبعدها بتطلب قطع عندك التاهو واليوكن


انا لو مكانك باخذ اللاندكروزر قطعه متوفره بكل شارع اي احد يفهم فيه اذا نويت تبيعه زبونه موجود


up 2 down 1
hehehe -17
قبل 5 سنه و 11 شهر



افضل الخيارات / التاهو & والاندكروزر كلها مواتر ماعليها كلام 

التاهو / ارخص من الاندكروزر وشكل جديد توه نزل قطع متوفره بس مي زي وفرت الاند تحصلها في كل مكان

الوكيل ماهو تمام يمشي حاله عند البيع القيمه تطيح مو زي الاند سعره فيه ونزل نزل شي بسيط 

الاندكروزر / موتر اغلى من التاهو شكله من 2007 ماتغير احتمال يتغير في 2018 قطع في كل محل متوفره جدا

الوكيل تمام وله سمعته وموفر كل شي وهو وكيل واحد لتيوتا في المملكه بخلاف السيارات الباقيه لها اكثر من وكيل وجودهم مثل عدمهم

سياره قيمتها فيها لو تبيعها بعد 5 سنوات اشوف الاند مرغوب اكثر من التاهو تحصله في كل شارع 

انا اترك القرار لك ونت اختر اللي يعجبك الناس اذواق وستخدامها مو ب سوا .

...................................................................................

لو خيروني بينها اتكلم عن نفسي ... راح اخذ الاند بدون تردد ليش موتر كل شي فيه 

يكفيك سعره فيه موتر كشخه وله سمعته العريقه قطع في كل مكان موتر يمشي في كل مكان

مافيه عيوب قويه بخلاف التاهو شفت ناس يقولون الشكل الجديد فيه عيوب ولهم مقاطع في اليوتيوب

( من الاخير الاند يتفوق على جميع السيارات المذكوره لاسباب كثيره ) ونت اهم شي فكر تمام وشف وجرب 

واستخير ربك ولاتستعجل بعدين تندم الموتر اللي يعجبك خذه بدون تردد لانه هذا حلالك ونت اللي بتستخدم

هذا وجهة نظري وكل واحد له وجهة نظر ............................. اتمنا لك التوفيق .


up 1 down 0
alsharif 515 169
قبل 5 سنه و 11 شهر



انا ارشح لك اللاند والنيسان وانت صادق بالنسبة للباترول كان معي وماخذه وكالة مشاكل المكيف والكلتش واتوقع عيب مصنعي .. لكن الجديد شيء ثاني ... اذا لك نية على اللاند البازعي او اليحيى انا اشوفهم الافضل


up 2 down 0
الفراعنه 315
قبل 5 سنه و 11 شهر



مستحيل تلاقي سيارة بدون عيوب، وخل الخيارات أعلاه ممتازة


up 1 down 0
أبو أحـــمد 2433
قبل 5 سنه و 11 شهر



دام عندك سياره للبر
أنصحك باليوكن الجديد أنا معاي واحد ماشاء الله عليه فخامه + قوه + واااسع +وسعره فيه+رساااااوه+ثبااات والفل 3شاشات كل صف شاشه وفي الخط  مايمسك سعره زي تويوتا  أن

الباترول حلو وفخم بس ماتدري عن القطع كيف ولا يمدحوه وبدأ ينتشر ويميل أكثر للبر بس ماتحتاج سياره ثانيه للبر مايمسك سعره

الاند كروزر سار شكله ممل ولافيه مواصفات فخامه وتقنيه وسعره غااالي بس يمسك سعره ^^

بس أ،ـ جاي تشتري وتستخدم مو تتاجر وتبيع


up 0 down 0
جمس2015 89
قبل 5 سنه و 11 شهر



باترول وانت مغمض


up 0 down 0
منخشق 674
قبل 5 سنه و 11 شهر



وقطع الغيار اول محتكرها الحمراني والان كل شئ  متوفر انا بتبوك ومعي باترول ومحلات القطع بكل مكان 
\
اتوقع اذا انت بمدينه كبيره بتحصل قطع ويكفيك انه بطل الدروب وانصحك تستاجره عشان تقتنع 


up 0 down 0
منخشق 674
قبل 5 سنه و 11 شهر



جزاكم الله الف خير جميعا والله يكتب لنا ولكم اللي فيه الخير والصالح 
بالنسبه للنيسان بشكل عام جربت النافارا والدداسن بمديلاتها النفارا درس لن انساه والددسن التشليح مليان اشتري منه ومن كثر ما اشوف اهل الارمادا والباترول بمديلاتها 
والالتيما شلته من راسي 


up 0 down 0
بريق الرياض 258
قبل 5 سنه و 11 شهر