أضف سؤال أو موضوع جديد          

وش العذر وش الفايده .....ما غير اللقافه الزايده

up 46 down 6
حكيم المعاني 10322
قبل 5 سنه و 10 شهر



السلام عليكم ورحمه الله وبركاته

احييكم جميعا بعد غياب 

حبيت اشارككم اليوم بموضوع يؤلمني والله كل ما رأيته في شوارعنا


الا وهو :

((التجمهر على الحوادث))


والله انه اكبر مصيبه يخاف منها الشخص المصاب

لانه لا يستطيع ان يشرح وقتها وهو مصاب للمتجمهر انك تؤذيني اكثر من ان تساعدني


والله اعرف شخص توفى ( الله يرحمه) بسبب ان المتجمهرين اعاقوا وصول الاسعاف له والدفاع المدني 

وكانت سياراتهم واقفه بالشارع


والله لو وقفنا مع انفسنا للحظات ووضعنا انفسنا مكان المصاب ( لا سمح الله) والله لتمنينا ان الشارع فاضي 

والمصيبه ادهى واطم يوم يكون الحادث فيه عوايل 

تتمنى انت المصاب ان لا احد يكون واقف بالحادث


فكيف ترضاها على غيرك ؟؟؟؟؟؟؟؟\


وهناك من يتجمهر للفضول

وهناك من يتجمهر للسرقه

وهناك من يتجمهر للمساعده ولكن بالخطأ ( وهنا بعضهم يجيب العيد)

قصه قصيره### 

انا اعمل بالمجال الصحي (فني تمريض) ولدي دورات في الكوارث والانعاش

وفي مره كنت ببزورتي وزوجتي بالطريق وفجأه حصل حادث لسياره امامي 

فتوقفت مباشره بعد ان ابعدت سيارتي في مكان آمن

وعند وصولي للسياره وكنت اول الواصلين خرج الولد لا يتجاوز العشرين من العمر يترنح ويسألني وين اغراضه


جلسته على الرصيف وطلبت منه ان يبقى في وضع الاستلقاء

مررت يدي على جسمه كامل عشان اشوف فيه كسور او لا


وفجأه الولد بدأ يطلب مويه 


وهنا الكارثه ....ما دام طلب مويه هذا احتمال انه عنده نزيف

قعدت اقوله بنجيب لك مويه بعد شوي

عشان أأخر الوقت لحد ما يوصل الاسعاف

واتفاجأ بشخص يقول خذ مويه خذ مويه

حاولت لكن الولد كان عطشان

سحبت المويه منه 
وحاولت افك التجمهر ولكن دون فايده

كلمت العسكري بعد ما وصل وقعد العسكري يتكلم بالمكرفون والله انهم يسحبون رجولهم زي اللي ما 
يبغون يروحون 

لا فكروا في حياه الرجال ولا في ظروفه 

تواصلت مع اخوه بعد يومين لان الولد دق من جوالي اول ما وصلت له


افادني اخوه انه جاله نزيف بالكلى وسوو له عمليه وشالوها


تخيل والاخ المتجمهر بيعطيه مويه ؟؟؟؟؟؟


الحمد لله على كل حال


اسف على الاطاله 
ولكن عندي اقتراح بسيط

انه في كل حادث عند حضور المرور او نجم 
يكون هناك عسكري مسؤول عن تصوير لوحات السيارات المتجمهره فقط

يمشي ويصور بس 

والله يتوبون هالمتطفلين 


واسف على الاطاله مره اخرى


ولا نستغني عن ارائكم في مثل هكذا مواضيع









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا مو تجمهر هذا تطفل اللي متجمعين متطفلين


up 2 down 0
الشرقية ماركت 144
قبل 5 سنه و 10 شهر



ʟɪᴋᴇتســــــــــــــــــــتـاهلʟɪᴋᴇ


up 1 down 0
hofo 227
قبل 5 سنه و شهر