صراف الراجحي اخذ مني 400 ريال بدون وجه حق

اتصل ع الهاتف المصرفي وبلغهم ورايح يبين عند الموظف ع الجهاز المبلغ اللي طلع من الصراف بالضبط 

ويقدر يسوي لك طلب بس اعتقد يأخذ وقت حدود اسبوع 

اعمل مطالبة عن طريق الهاتف المصرفي وترجع لك

حصلت معي سابقا واتصلت قال لي خطأ في النظام ورجعناها لك ولما دخلت المباشر لقيتها راجعة

المطالبة عن طريق بنك الراجحي من خلال الفرع فقط ..
راجعهم بكره وتاخذ تقريباً اسبوعين وترجع إن شاء الله

الله يعينك والله مالهم داعي يغلطو يعني الواحد حتا لو جاه يصرف مايتهنى! غير تجبولو الهم والوسااوس وتدخلو ف مرمطه علشان يرجع حقه أتمنى انها ترجع من حالها والله يصبرك

كلمت رقم هاتف مصرف الراجحي
وقالولي اذا مارجعت خلال 24 ساعة
رح قدم مطالبة من اقرب فرع لك

ترجع من بكرا واحيانا يومين اذا حسابك في بنك غير البنك الي سحبت من صرافته 

كثير تصير لي خصوصا صرافات بنك الرياض والبنك الهولندي 
صرافة الرياض قد سحبت 500 منها وما طلعت وانخصمت من حسابي

دقيت عليهم وقالوا لي اوتوماتيكيا خلال يومين ترجع واذا ما رجعت مر اي فرع 

وفعلا رجعت بعد يومين 

صارت معي في بنك الاهلي 
اقولك كان في حسابي 2000 ريال طلبوني البنك رحت فالولي اسمك مختلف 
اسمك في الكمبيوتر الثﻻثي وعندنا اسمك الرباعي مع اسم الجد روح عدل اسمك 
مدري وين وقفلوا حسابي واخذو 2000 ريال 
ﻻكن وراهم وراهم 

اي شي يصير معك على البنوك بلغ مؤسسة النقد يبي يجاوبونك بإذن الله

اذا ما رجعت خلال يومين روح البنك
وعشان ما تتعب قبل تمر البنك روح الصرافة اللي سحبت منها 
وتلقى عليها رقم خذه معك عشان بيسئلونك عنه

صارت معي مره
حسابي سحبت من صراف ساب 1500 وطلع لي 1000 وخصم مني 1500 كلمت البنك وقالوا اسبوعين انتظرت اسبوعين ردو علي قالوا العمليه صحيحه رجعت اشتكيت لمؤسسة النقد وردو علي ان البنك والله تعبت اطارد وراهم وانا وراي شغل مب فاضي اصلا تركتها وقلت في ذمتهم اخها منهم يوم الحساب ماعاد بقي لي حيله

انا حسابي ببنك ساب
ورحت صرافة الاهلي وسحبت ٥٠٠٠ طلعت ٢٥٠٠ بس
وبقي ٢٥٠٠ 
كلمتهم قالولي ٢٤ ساعه مارجعت لحالها
اقرب فرع بنك اهلي وقدم مطالبه
وانتظرت ٤٨ ساعه ومارجعت
قدمت مطالبه وقالولي ١٤ يوم
و١٤ بالضبط  رجعت ٢٥٠٠ للحساب

لا تشغل بالك   24 ساعة  او 48 ساعة وتجيك رسالة تم اضافة مبلغ 400 ريال الى حسابك 
لوما جتك رسالة  راجعهم  واسبوع ان طارت وتنزل بحسابك 
انا قد صارة معي   خصم مني  1800 ريال  بلعتها  الصرافة  

كلمهم وخلال 24 ساعه ترجع دراهمك 

صارت لي، معي صرافة الرياض سحبت ألف ريال من ساب طلع لي 500 .. ورجعت بعد يومين ... 

قريب لي شغال في أحد البنوك ـ نصحني ــ قالي أفضل شي إنك تسحب من نفس صرافتك من نوع بطاقتك ... 


(خاصة أيام نزول الرواتب) بسبب ضغط الصرافات ومدري ايش ــ ان شاء الله تفيدكم المعلومة ــ موفقين جميع