أضف سؤال أو موضوع جديد          

للناس اللي تسرع اثناء القيادة فيديو يجعلك تراجع نفسك

up 10 down 1
k1nder 170
قبل 10 سنه



السلام عليكم ورحمة الله وبركاته


كثير مانشوف ناس تسرع وتمشي بسرعات عالية 200 او 240 او 180 هذا فيديو لتجربة حادث بسرعة 200 كيلو متر بالساعة تقريباً

https://www.youtube.com/watch?v=R7dG9UlzeFM&feature=youtu.be

لمن يريد الاختصار يشاهد من دقيقة 3:00

قودوا بأمان وحذر.

الله يحفظنا وإياكم







إبلاغ إبلاغ



الردود


وعليكم السلام ورحمة الله وبركاته

معليش صادم بجسم ثابت تماما حتى لو تمشي 120 وتصدم بجسم ثابت بشكل مباشر راح يكون اثر كبير

ولكن تمشي 200 وتصدم جسم متحرك راح تحوص فيك السياره وتنقلب اوشي بيكون اثر اقل

بعدين انا جلست فترة مسوي عاقل اسافر تقول شايب اثبت على 120 من جدة للرياض او القصيم

1000 كيلو قسم بالله ضيعت نص عمري بالطريق مسوي نظامي ومسوي عاقل

ولكن ما توصل لدرجة الجنون امشي طبلونها يعني صرت اثبت على 180 واشوفها معقوله

لو الخط فاضي وكفراتك زينه السياره راسيه

اخرها على الاكسبديشن امس راجع من القصيم امشي 180 حتى وصلت فرق كبير

اللي يقولك ربع ساعه هذي تفرق لو المشوار 80 او 90 كيلو

ولكن 1000 كيلو لو تمشي 120 مع الوقفات تفتيش او بنزين بتاخذها بـ10 ساعات

ولكن تمشي 180 تاخذها بـ6 ساعات فرق كبير


لا انا ما اقولك خلك نظامي مرة بعض العالم يمشي بالدائري 200 والدائري يوقف ويمشي فلو وقف وهو على 200 اللي بيحصل بيدخل بشنطة اللي قدامة واللي هي جسم ثابت تقريباً

او ممكن يمشي هالسرعة في خط رايح جاي وتخيل وجة بوجة وكلهم مسرعين .

بالنسبة لي اشوف اقصى سرعة الواحد يوصلها اذا ضامن الطريق وكفراته ويكون بنهار 160


up 1 down 0
k1nder 170
قبل 10 سنه



انا بين مكه وجدة اثبت السرعة على 120 لانك اصلا لو ما فيه ساهر ولا امن طرق ولا شيء

لو بتسرع بتضايق الناس لان الخط مليان وحتى لو الفجر بيكون حدك 140 اكثر من كذا مضايقه للناس

انا اتكلم بطريق السفر لو كان فاضي وانا لا وراي عيال يدرسون ولا شيء واغلب سفرياتي وقت دراسه 

وتكون وسط الاسبوع يعني الخط من جدة للمدينه الى القصيم كله فاضي كل 4 او 5 كيلو تقابل سياره 

عشان كذا امشي 180 مافيه مضايقه لأحد ابدا

ولكن لو اسافر نهاية الاسبوع راح تكون سرعتي حسب زحمة الخط وبالغالب بتكون 140


وعليكم السلام ورحمة الله وبركاته 

فعلاً السرعة مافيها خير  
والله يكفينا شر الحديد , جزاك الله خير 


up 1 down 0
starting 1043
قبل 10 سنه



اخواني حاب اقول نقطه فقـط 

الاصطدام وجـه لوجـه هو اشنع الحوادث حتى لو ماكنت تسرع واتقي الله في الناس ولاتعدمهم بالنور العالي خاصة الزينون 

اذا صدمت سياره وسرعتك 100 وهو 100 تعتبر انك صادم جسم ثابت بسرعه 200 

السرعه اللي اراها مناسبه  140 في حال كنت عارف الخط ودايم تمشي معه 

اذا ماتعرف الخط لاتسـرع احيانا يجيك طريق بنهايه مسدوده يمين او يسار وانت تروح فيهاااا

السيارات الجيوب مين فيه عاقل يمشي فيها 180 ؟؟ 

احرصكم فقط عن السرعه خصوصا اهل الهيلوكسات اعوذ بالله مدري ليه طايرين زعم يعلمونا ان القير العادي يهيض 


up 5 down 2
منخشق 673
قبل 10 سنه



على فكره السياره اللي في الفيديو اخذت اسؤا اختبار في الاصطدام 
السرعه ما وراها خير يعني اذا الخط فاضي و انت مصحصح و خط طويل 140 اشوفها طيبه
و انا من مرتادي خط مكة مرورا بالطائف الى الباحة اتضايق من اصحاب الهيلوكسات شطف و مطارحات و اذو الخلق يعني سياره غماره و خفيفه هو تمشي فيها الطبلون و تضر نفسك و مرتادي الطريق و اغلبهم من صغار السن الله يهديهم  


up 1 down 1
rraammooss 965
قبل 10 سنه



الأخ ابراهيم مع احترامي ذكرت الفرق بين 10 ساعات و6 ساعات انه كبير اقول لك لا ليس كبيرا وإنما لايذكر إذا كان الثمن حياة قائد المركبة أن تصل متأخر خير من أن لاتصل ومن صفات المؤمنين انهم يمشون على الأرض هونا وفي التأني السلامة وفي العجلة الندامة 


up 3 down 1



الله يكفينا وياكم شر الحوادث


up 0 down 0
توسان 2011 1930
قبل 10 سنه