عندما يصنع المعروف في غير اهله

9 1

لايمكنك التصويت حتى الحصول على 20 نقطة على الأقل
إضغط هنا للإخفاء

just you2014 253
قبل 9 سنه و 5 شهر

السلام عليكم ورحمة الله وبركاته

محتاج مشورتكم وش هالسواة ؟؟!!

قصتي مع صديق وزميل لي ارسل لي رساله يطلب فيها الفزعه وانه بحاجة الى المال من اجل اجراء عملية الى والدته هالكلام كان العام الماضي المبلغ 5000 الاف ريال

اعتذرت له ويعلم الله ان المبلغ لم يكن بحوزتي اشرت عليه باخذ قسسط تايد او سوا وقيمته 4500 وسداده 7000 ريال قال فكرت فيها لكن من يكفلني !!

قلت انا اكفلك وبحكم انني في منطقة وهو في منطقة اخذت له قسسط سوا بدون كفالة لثقت الرجل صاحب المكتب بي وووضعت عليها من جيبي الخاص 500 ريال لكي يكتمل المبلغ 5000

وارسلت له المبلغ وارسلت له حساب الرجال وقال لي باخر كل شهر وهن بحسابك كثر الله خيرك وماراح انسى جميلك ,,,

بعد 3 اشهر واجهت صاحب المكتب اللي اخذت منه القسسط وقلت كيف الرجال معك وفي قال ماعطاني ولا قسسط !!

قلت طيب ليه ماخبرتني قال انحرجت منك وعارف انهن مايضيعن ..

كلمت الرجل وقال صار لي ظرف قلت طيب خبرني مو تترك الرجل 3 اشهر وتحرجني معه !!

المهم اعطاني بعد عدة مكالمات 3 الاف ريال من شهر 1 الى 6 وارسل لي يبي 3 الاف ريال عرس اخوه ,, وقال اوعدك اسبوع يكونن ال3 الاف بحسابك وفوقهن باقي القسسط 4000 ريال اعتذرت منه وجا شهر 7 وارسلت له ولا رد علي وجا 8 و9 وسحب اتصلت فييه ولا عاد رد ارسلت له عدة رسائل ولا فييه فائده ,,

كان لدي موعد في القصيم ومريت على شقته لقيته مغير السكن !! وجوالاته كلها مقفله حصلت رقم جوال المكتب اللي كان مستأجر منه الشقه وكلمته اطلب عنوانه او رقم جوال ورفض يعطيني بحجة انه قريبه !!! مع العلم ان راتبه حوالي 13000

والله ياجماعة الخير قعدت اسدد الرجال من جيبي المهم من شهر 9 تركته لين شهر 5 المااضي يعني 8 اشهر جربت ادق على جواله وكان مفتوح مارضى يرد وارسلت له رسالة عتاب واني صديقه وفزعت له واللي يسويه مايليق فييه ,,

رد علي انا رجل اخاف الله ... واخر الشهر وهن بحسابك يقصد شهر 5 ولا ارسل ولا رد كالعاده ارسلت له والله ياشباب ارسل لي يقول انا ما انكرت ولو ابي انكرك ماعندك شي يثبت ,,, صدمت من كلامه ,,, الى الان ولم يطرئ عليه السداد مع اني سددت المبلغ من زمان ,,,

ياجماعة المبلغ مايستاهل كله 4000 الاف ريال لكن اللي يغبن انه انكرني ويقول ماعندك شي يثبت ,, هل هذي جزاة المعروف !!! وربي كذا الناس تبطل تسوي خير ,,

هل استطيع انه ارفع فييه شكوى مع العلم انه معلم حكومي وانا لا اعرف مقر عمله لكن اعرف الادارة اللتي يتبع لها واعرف اسمه بالكامل ولدي رسائل من جواله وهو يثبت صحة كلامي !!!

إبلاغ

الردود