ساعدوني مشكلتي مع اليسر للتقسيط

الله يعينك ارفع موضوعك لموسسة النقد وقلهم القصه كلها بالاثبات

اخوي الاثباتات مثل ايش ...اللهم امين

ماعندي معلومه عن مشكلتك ولكن حبيت انصح الشباب مره اخرى 

لا تزنق نفسك في الايجار المنتهي بالتمليك لو ايش 

خذلك موتر كاش على قد فلوسك وبالطقاق في الناس وخلهم يقولون اللي يقولون

هذا اللي رازقني الله به ولا اقدر اطلع سياره جديده

خذلك سياره كاش على قد فلوسك مثلي ب 20 الف فورد نظيف ويخدمك بعيونه

ولا تقعد في هالفساد والسرقه والنهب 

ياخذون عليك نسبة عاليه جدا ولا جاء حادث صغير خلوها تالف وراحت كل فلوسك اللي دفعته حتى لو انك دافع 95 الف وبقي 5 الاف وخلاص تكيشها

يخلونها تالف وصدمته بسيطه ومثل اخوي راعي الاعلان يطالبونك بعد بملغ 

هذا والخطأ ماهو عليك , اجل لو عليك وش يسير 

حسبي الله عليهم ونعم الوكيل

سرقه ونسب عاليه جدا جدا

لا تزنقون نفوسكم وخذلك موتر على قد حالك وعش حياتك 

وش فيها الفورد وش فيها السوناتا 2010 على 25 الف وشفيها الالتيما 2010 على 30 الف 

مواتر كفو وتخدم

لكن عندنا الشباب تحب المظاهر و تخاف من كلام الناس , ابوهم من الناس ان كانوا بيمشوني على كيفهم , اخذلي موتر من حر مالي ولا بكره اطيح في مرمطه 

والدين مذله في النهار وهم بالليل مثل ما قال الرسول

موفقين وعسا الله يعوضك خير

الايجار المنتهي بالتمليك حرام ومافيه بركة 

اصدقائي اعرفهم طلعوا تاجير منهي بالتمليك وانواع الحوادث وعندما كانوا كاش ماقد سمعت ان احد صدم منهم

الخلاصة : مد رجليك على قد لحافك 
سيارة تمشي حالتك فيها مو لازم جديدة وغالية افضل من التاجير والخساير 

جزاك الله خير ياخوي فعلا كلام صحيح 
انا الحمدلله قادر اني اخذها كاش 
لكن السيارة اللي خلصت اقساطها ماخذها من ٣ سنين وماشي 
معاهم زي العسل ولاعمر صارت لي معهم مشكلة

فاقلت بدل ماحط فلوسي فيها خليني اخذها اقساط واستفيد من التلمين
كانت كاش ب ١٤٠ حسبوها لي ب ١٥٥ سعر طيب مع تامين شامل
لكن بعد ماقدر الله وصار الحادث بان خبثهم 

انا من رائي مر اقرب مكتب محامي وقل ابي استشاره بس
وخذ معك صور العقد والايصالات وكل شي
ويعلمك ان شاء الله بالحل واذا بغيته هو اللي يمشي بالعامله ياخذ منك قيمة اتعاب

اول شي عقد السيارة الثانية ليس له علاقة بالاولى التي تم عليها الحادث، تستطيع ترفع عليهم في مؤسسة النقد على السيارة الاولي فقط التي انتهت اقساطها.

بعد ذلك طال عمرك اقر العقد المتعلق بالسيارة التي عليها الحادث وراحت تالف، انا متأكد -ولو اني لم اقرا العقد- انه في حالة حدوث الحادث يوجد نسبة معينة. هذي مشكلتنا مانقرا قبل التوقيع.
ياناس ترا شركات التأمين واجد فاوضهم قبل ماتوقع لأن اغلبهم للأسف يستغل جهل الناس بالنظام ويضع مسميات في العقد لا يعلم المعنى الحقيقي منها في الغالب إلا الشخص المتطلع على قضايا التأمين.

الله ييسر أمرك مع شركة العسر
 

شليطيح
وانا اعرف ناس طلعوا سيارات من حر مالهم كاش وصار عليهم حوادث
واعرف ناس طلعوا تاجير منتهي بالتمليك وماصار لهم حوادث

والعكس صحيح

وليد الاحمد 
اذا هم رفضوا قلهم هل فيه اتفاقيه موقع عليها انا على هذا الامر او لا
اذا انت موقع على اتفاقيه بالنظام اللي فضوه عليك
فتحمل نتيجة توقيعك على اوراق بدون لاتطلع على بنودها

اذا مافيه شي فالعقد ينص على الشي اللي فرضوه عليك فانت تقدر تحاجهم وترفع عليهم شكوى وتاخذ حقك

طيب الحين وين راح التامين الشامل اللي على السيارة ؟؟؟
يوم انهم يطلبون تسدد مخالصة 
الحين بدال ما يرجعون لك الدفعة الاولى 
والاقساط تعتبر اجار 
يقولون ادفع ؟؟؟؟


ارجع للعقد واقره كويس 
ونصيحة خذ العقد ورح محامي وراح يبين معك كل شي 


وفيه حل انك تسحب على الموظفين الصغار وتحاول تدخل على احد المسؤليين الكبار عندهم 

الحل عند وزارة التجارة

كون انهم يدخلون عقدين في عقد و يعطلون نقل الملكية هذه مشكلتهم تعدي على القانون و الشرع

اما عن الحادث الأولى مو من حقهم يطلبون منك و لا ريال واحد بل انت يفترض تطلب منهم تعويض لأنك دافع فلوس تأمين زيادة وهذا يخالف قوانين وزارة التجارة و أيضا يخالف الشرع

والقارا لك ..اما هم مايقدرون يشتكون عليك بشيء

حقك واضح زي عين الشمس وش تنتظر ...

السيارة الاولى يشيلها التأمين او الطرف الاخر في الحادث و ترجع لك الدفعه الاولى ...
السيارة الثانية تنتقل بإسمك غصب عليهم ...

اشتكيهم على :-
مؤسسة النقد 8001256666
وزارة التجارة 8001241616
الشرطه ..
المرور ..

يا أخي لا تخلي دايرة حكوميه ما تشتكيهم فيها ....

انت ليش مطولها وهي قصيره 
روح لمؤسسة النقد واطرح لهم موضوعك وشوف وش يقولو لك 
انا اتوقع انهم يرجعو لك مبلغ السياره الأولى كاااامل 
والمفروض من ذيك الايام 
اخويه حصلت له نفس حادثك وقسم بالله طلع من الشركه بحول ٤٥ الف ريال 
وبالنظام اخذها ولا بغو ياخذوها عليه

عشان كده الواحد يشتري علي قد فلوسه زي ما قالوا الشباب او خذلك قرض من البنك نسبة قليله وسيارة باسمك

الله يعينك 
بس عندك وزارة التجارة والنقد قدم شكوئ

قدم شكوى الأن من مكانك وأنت منسدح ومرتاح  

http://www.sama.gov.sa/ar-sa/ConsumerProtection/Pages/Complaint.aspx

موفق 

جزاكم الله خير ي اخوان وبيض الله وجيهكم 
باذن الله برفع شكوى الى مؤسسة النقد 

يا ليتكك عندي بالطايف بس معروض من الامير بندر بن خالد يهزهمم هز

الي اعرفه نسبة تحمل 2500 حقت التامين اول اوراق العقد مكتوب فيها وش لك وش عليك 
لاصار حادث لاقدر الله غير كذا مايقدرون يطالبونك بشي من 26 الى 13 السالفه فيها تلاعب