اخذ قرض او ايجار منتهي بالتمليك؟

ان اشووف انك تشوف احد والديك او اخوانك او اقربك يسلفونك لو مبلغ بسيط تاخد في اي سياره تمشي حالك فيه مو شرط تكون غاليه او جديده اهم شي موتر يقضي الحاجه لين مالله يفتحها عليك وتاخد الموتر الى تبي وبالتوفيق اخوي

تعتمد على راتبك كم هو وعلى جهة عملك هل هي معتمده عند البنوك او لا اشوف القرض الافضل خيار لانه اقل نسبه والسياره ملكك وكل شهر يخصم من راتبك مو مثل التاجير المنتهي بالتمليك السياره باسم الشركه وكل شهر لازم انت تسدد وتجيك اوقات تنزنق وتسحب عليهم وتتراكم عليك الاقساطواخرتها توقع معاهم فمشكله

مابي موتر يقضي الحاجة،والله اخوي لو انها ماتقصمهي وقطعها وخرباتها الظهر كان م سالت 

شكراً لك 

اخ شاقح ادنى راتب اذا عندك علم، كم؟ 

بن جديد اكيد انت تبحث عن موتر تقدر تسافر فيه ويغنيك عن الورش لان المستعمل وضعه زفت تجلس شهور تدور سياره ويمكن تطيح لك فسياره مضروبه تجلس طول الوقت مداوم فالورش وتخسر على الفاضي مافي مثل الجديد تسافر وين ماتبي وانت ضمانه باذن الله 4 سنوات اقل شي بدون اعطال واشتر راحتك النفسيه

كم يعني ادنى راتب مثلا 1200 !!! هذي لها حسبه لازم ترجع لبنكك اللي ينزل عليه راتبك هو يعطيك الحسبه كم يطلع لك قرض قسطه 1000 ريال لازم ترجع للبنك بخصوص العمر والله مدري بس لازم ترجع للبنك اتوقع قسط 1000 ريال يعطونك قرض فحدود 55 الف يعني تجيبلك كورولا او النترا جديده

قرض اكيد افضل لك

مشكور اخ شاقح، 

ابو خالد ممكن تعطيني الاسباب 

شف وانا خوك , اذا انت معزم على شراء السيارة من الوكالة ,

 فرح طق لك قرض بالمبلغ اللي تبيه من البنك واترك عنك مصيدة الوكالات (الايجار المنتهي بالفشخ)

واخذ فلوسك واشتر كاش من الوكالة , لانك مجبور تقصد شهريا فالبنك ارحم!!


باقول لك الاسباب:
1- قيمة نسبة البنك اقل بكثير من نسبة الوكالة ,

 وبيجيك واحد بيقول طيب والتأمين الشامل مدة خمس سنوات , فاقول له طيب ياغالي اذا تبي تأمين شامل وهذا مطلوب رح الله لايهينك وأمن شامل بنفسك كل سنة ولمدة خمس سنوات , ومع اضافة مبلغ التأمين الشامل لقيمة القرض مع الفائدة برضو بتطلع اقل من كلفة الايجار المنتهي بالتمليك , واحسبها بنفسك لاني قد حسبتها بالريال لواحد من اخوياي يبي يطلع تاهو وفعلا طلعت ارخص بمبلغ وقدره 
2- مابتخاف من احد ياخذ سيارتك وانت ماتدري اذا تأخرت قصودك

لعلمك ان السبب الوحيد اللي يخلي الناس الفاهمه والواعية (ماأقصد الجهله اللي ينفلت على اي شيء ومايدري)

 تنجبر وتأخذ تقصيد من الوكالة اهو انه يبي يطلع قرض كاش من البنك لشراء ارض او غيره

تحياتي لك 

لاتاخذ وكاله اخذ سياره على قد فلوسك ليما ربك يفرجها
ياليت يااخوان لايكات ابي انزل موضوع

أنا بعطيك نصيحتي

أول شيء ابعد عن تأجير الوكالات

إذا ناوي تاخذ جديد طلع قرض بقيمة السيارة وقسط للبنك على الأقل السيارة باسمك ولو صار عندك أي ظرف تبيعها وتسدد البنك أو تبيعها وتفك أزمة

أنا أنصحك تطلع قرض من البنك وتشتري مستخدم 2013 أو 2014 والسبب أن الموديل الحديث ممكن تلاقي شيء نظيف وممشى قليل وتوفر على نفسك مبلغ وبعطيك مثال بسيط

الكامري الفل 2015 عند عبد اللطيف جميل سعرها 96 ألف وموديل 2013 نظيف جداً وممشى قليل ما يوصل 70 ألف - توفير 26 ألف أنت أولى بها

والله الموفق

قرض ثم قرض ثم قرض

الاقساط اقل شي ياخذون منك 25 الف

والبنك خويي قبل 4 شهور اخذ قرض 100 الف والفايدة 10 الاف فقط....انت تاخذ 80 الف الفايدة 8 الاف...

وخذلك كامري اقل فئة...

القرض ع حسب راتبك مثلا راتبك الاساسي ٣٠٠٠ +٣٠٠ مواصلات و ٧٠٠ بدل سكن يصير ٤٠٠٠ يعطونك تقريبا ٦٤٠٠٠ انا اخذتها قبل في البنك الفرنسي حسبوها علي كذا قال كم تبي الحد الاعلى قلت لا ابي ٥٤٠٠٠ الف كم القسط طلع القسط ١٠٥٠ ويوم اخذت تكلمي يعني اللي باقي من ٦٤٠٠٠ اللي عشره حسبوها علي ١٢٥٣ مع ان خويي اخذ بس ٤٠ وطلع عليه القسط ٧٥٠ هذا في البنك الفرنسي 

ي اخوان ليش تحطون عدم اعجاب، جاني تحذير و كاني ادخل اشتم ف خلق الله واخرج :(


شكرا ع الافادة ي غالين وصراحة اقتنعت بالقرض، وجاتني فكرة اخذ لي قرض وسيارة مستعملة نظيفة وممشى قليل مثل ماذكر بعض الاخوان جزاهم الله خير 


عطوني لايك والله ان الواحد مايستغني عنكم :(

البنك يعطيك قرض على حسب راتبك والقسط يكون 30% من راتبك 

تبي تعرف كم يعطونك اضرب راتبك بـ20 ويطلع لك اجمالي القرض وفيه بعض البنوك يعطونك 18 راتب وبعضهم يعطونك 22

القرض افضل من الايجار لان نسبته اقل والسياره تكون باسمك 

ايضًا القرض تستلم الفلوس كاش وانت حر تشتري اي سياره تبيها عكس التاجير اللي لازم تكون جديده او معارض عندهم مندوبين من البنكك

ميزة التاجير ان اذا تبي سياره غاليه وطلع القسط كثير تقدر تخلي ربعها او ثلثها دفعه اخيره مع دفعه اولى ويكون قسطها شوي لكن فيه شيوخ حرموها

البنوك اللي ماتاخذ نسبه كثيره عندك الانماء والبلاد والاستثمار والعربي

أخيرًا دامك ماخذ قرض اخذ وكاله افضل احسن من مستعمل حتى لو شبه جديده ماتضمنها

موفق ،،

تعتمد على كم راتبك وش الجهة اللي انت تشتغل فيها هل هي جهة قوية ومعتمدة ومتعاقدة مع البنوك او مالها الا بنك او بنكين شركات صغاار

يعني اولاً لازم تسأل في دوامك وش البنوك المعتمدة عندهم وتروح لهم بنك بنك وشتوف اقلهم نسبة فائدة واكثرهم قيمة قرض بعضهم يعطيك 16 راتب بعضهم 17 راتب وعلى هالموال

وبعدها يعطيك كم قصدك الشهري والمدة


وبناء عليه تحدد الموتر اللي بهالقيمة لكن ما انصحك تظغط نفسك وتبدأ حياتك بديون ترى اقصاها سيارة ، انا ما عشت معك ولا ادري عن حالتك المادية او كيف وضعك لكن اذا فيه طريقة تفتك من الاقصاد لا تترد في الذهاب اليها
بالتوفيق