كل من حصلت معاه مشاكل في الاكسبدشن يكتبها وطريقة اصلاحها

وعليكم السلام ورحمة الله وبركاته 

شوف وانا اخوك المشاكل كثيرة واغلب المشاكل تكون تغيير قطع استهلاكيه 

من ناحية الكرف والاستخدام معروفه شركة فورد من هالناحية 

العيوب المصنعيه هي اللي تعتبر مشاكل اما التصلحيات الدوريه للسياره فهذي لا تعتبر مشاكل 

مثال ---- سياره لها 10 سنين تمشي فطبيعي بتجي فيها بعض التصليحات اللي تعتبر استهلاكيه 

لكن المشاكل مثل سياره من يوم تشتريها وهي فيها عيوب مصنعيه مثل زوايا الرؤيه تكون سيئه 

مثل نظام التبريد في السيارة يكون سيء 

مثل طريقة نظام المساعدات ومدى تحملها وهذا يعتبر عيب في الاكسبديشن سريعة التعطل

من موديلات 2009 وفوق على حسب كلام المستخدمين 

هذي تسمى مشاكل او عيوب مصنعيه 

اما التصليحات الطبيعيه مثل فحمات بواجي الخ هذي لا تعتبر مشاكل هذي يحددها المستخدم وطريقة استخدامه 

بالتوفيق

وعليكم السلام ورحمة الله وبركاته
عندي تجربه لااكسبديشن وضحت فيها المميزات
والعيوب مديل2006 اضغط علي اسمي ويطلع لك 

كان عندي اكسبديشن ٢٠٠٣ وارد توكيلات الجزيرة ونظيف ما شاء الله
يوم من الايام ركبت فيها سيستم صوتي قوي
٤ امبليفايرات اكاي بقوة ١٢٠٠ واط لكل جهاز
٨ سماعات كينود هاي كواليتي ٣٢٠ واط لكل سماعه
و ٤ تويترات بايونير ٢٠٠ واط لكل تويتر
وشاشتين امامية وخلفيه وانوار ليد
وبواري باخرة 
المهم رحت الدوام وانا خارج من الدوام اشغل السيارة ما تشتغل ويطلعلي صوت تحت الطبلون كل ماادق سلف صوت تك تك تك
واشيل السيارة بسطحة على ورشه في الصناعية
كشف عليها المهندس يقولي لازم تغير علبة الفيوزات الداخلية لانها ضاربة عندك بسبب السستم الصوتي
ومن غلطتي قلتله اشتريها مستعملة من الشعيبي تبع قطع غيار فورد مستعمله المهم الكهربائي ماارتحتله وارسلت خويي يروح الورشه ويشوف وش الي ييصير
المهم خويي يتصل عليا وهو متهاوش مع الكهربائي وقال تراهم بينصبون عليك تعال الورشه واتفرج
المهم رحت الورشة طلع الكهربائي كذاب ما غير علبة الفيوزات يبي مني ١٢٠٠ ريال  قيمة العلبه مع التركيب والبرمجة
وش عمل صلح علبة الفيوزات عند محل الكترونيات ب ٥٠ ريال
والحمد لله انه ماانضحك علي واعطيته ٣٠٠ ريال وهو والله ما يستاهلها لانه نصاب