أضف سؤال أو موضوع جديد          

تاكد قبل التغيير

up 17 down 3
07sbeshal 1344
قبل 10 سنه



السلام عليكم ..

كيفكم عساكم بخير ..

مالنا بطويله . .

قبل فتره خرب عندي النور الايمن للسياره المهم ما سويتها الا بعد اسبوع من وجود الخراب

لاني كنت مشغول جدا الله لا يشغلنا الا لطاعتهـ "

بعد ما فضيت قلت خلني امر محل زينه يغيرلي اللمبه لاني توقعتها محروقه

المهم بعد ما وصلت عنده قلتله اللمبه اليمين ما تشتغل شفها اذا يبيلها تغيير

فكيت له الكبوت وقالي محروقه وجاء يبي يغيرها اول ما جاب اللمبه حقته

نزلت انا وكنت مشغل الانوار وجيت عنده واول ما جاء يفكها اشتغلت اللمبه الي بسياره ..!

طلعت شغاله ولا فيها اي حاجه فقط كانت مو مشبوكه مزبوط .


طبعا بقول نصيحتين :

1- لا تعطي سيارتك لاي شخص يصلحها لك سواء كان ثقه او غير ثقه ^
2- دائما حاول تكون موجود عند السياره وتراقب بالشخص الي قاعد يشتغل على موترك ^


الى اللقاء :)







إبلاغ إبلاغ



الردود


ايه صادق احيانا معى الحفر والمطبات تنفك وتحيط وتنفصل 


up 4 down 0
صالح باسنبل 240
قبل 10 سنه



ما حك جلد مثل ظفرك .و لا احد راح يهتم بسيارتك مثلك حتى الوكالة اللي كثير من الناس مخدوعين فيهم 


up 5 down 1
khalidoo 1167
قبل 10 سنه



ذكرتني بالفورد اللي كان معي اكرفه ويكرفني .. كان تطلع فيه قربعه من قدام ونتعه بالقير
لما يركب المهندس معي تروح القربعه والقير يضبط!! كذا عناد والله يا هالموتر قد هبل فيني من تطلع فيه عله واول مايشوفها المهندس تختفي


up 4 down 0
الـرحـآآل 442
قبل 10 سنه



مره عطية اخوي السياره وقلتله  غير البطاريه ان كنت مشغول في الاختبارت مني فاضي لسياره . المهم اخوي غشيم راح اقرب محل زينه وغير البطريه و ركب بطريه اضعف من حقة الوكله . اخذت سياره شهرين بعدين انفجرت البطريه . لان دينمو يشحن البطريه شحنه زايده . 


up 4 down 3
goodiyn 35
قبل 10 سنه



بطارية في محل زينه الوكله 
اش كلام صديق مافي كويس


up 10 down 7
ابو عائض 99 22
قبل 10 سنه



قبل يومين وديت سيارتي عالمغسله والعامل جلس ينفخ هوا داخل السياره وتطيرلك 100 ريال من داخل السياره والعامل يطالعني يشوفني منتبه ولا لأ
بس وانا اقوم مثل الذيب اخذها واحطها بمخباتي.


up 4 down 0
ابو فارس10 358
قبل 10 سنه



يا رجل تغيير الشمعات او لمبات الاصطب ما يحتاج كهربائي -_- الناس صارت تغير مساعدات واقمشة فرامل وانت باقي على تغيير لمبة ما امدح نفسي لكن بالنسبة لي لازم ابعبص يمين يسار وان ما عرفت ابحث بالنت واروح لمهندس مو اي واحد من الشارع !! وابقى واقف فوق راسه واكون مثل الظل


up 4 down 7
ryyan555 702
قبل 10 سنه



اللمبة اقول يمكن فيها تعقيد على بعض الناس ما يعرف وين مكانها او الكلبس حقها صعب تركيبه او مكانه صعب مثل بعض انواع السيارات  بس للاسف الحين اشوف كثير يبنشر عليه كفر ما يعرف كيف يغيره او حتى ما يعرف يرفع سيارته بس اللي يعرف انه يدور بالشوارع  و يغير زيت او يمكن يخلي شخص غيره يغيره و يبعبي بنزين بس و اذا احد قالك غير القطعه الفلانيه غيرها باسهل ما يمكن بدون ما يسال ليش و كيف عرفت و ليش ماتكون كذا انا ما اقول خلك ميكانيكي من المستوى الثاني لكن اسياسيات بسيطة او يروح عند بنشر ويقوله حط افضل زيت عندك و بعدين يقول السيارة الفانية ما تكرف تخرب بسرعه ما تتحمل تخبط 

الله يصلح الحالة و الله البناشر وقطع الغيار و الورش يدخلون فلوس بشكل خيالي بسبب جهل كثير من الناس . 


up 3 down 0
khalidoo 1167
قبل 10 سنه



انا وحده من الكشافات انطفت ورحت عند كهربائي قال اغيرها لك قلت لا تغيرها اشبكها زين بس قال لا ممكن خربانه قلت طيب سو اللي قلت لك واذا خربانه غيرتها وكبسها زين واشتغلت

والصدام قبل ما ينطفي بيومين كنت فاكه اغير الاصطب اللي فوق   


يازين موضوعك خفيف الدسم هههههههههههههههههه صدق والله انا اكره الكلام الكثير موضوعك حلو كلام قليل اهم شي الزبدة الموضوع

خير الكلام ماقل ودل


up 4 down 0



حياكم الله نورتم كلن باسمهـ ..


السالفه مو سالفت اعرف ولا ما اعرف

انا كان في بالي انها محروقه فكنت كذا ولا كذا بمر محل عشان اشتري اللمبه ويغيرها هو بالمره الي بشتريها منه


لكن الحمدلله طلعت الشغله بسيطه و اليمني حقد لانها ضبطت بدون دفع فلوس :))


up 0 down 0
07sbeshal 1344
قبل 10 سنه



تكملة المثل ماحك جلدك مثل ظفرك
فتول أنت جميع أمرك



up 1 down 0
أبو ثامر 1982 118
قبل 10 سنه



صدقت انا مره تحرقت عقت النور المهم ركبها سوداني حسبي الله 
عليه والله ي رجال انه حاط اللمبه كذا ماركبها 
وبعد كم يوم اشم ريحة شي يحترق 
ورحت البيت فكيت النور والاقي اللمبه شاقه النور يمكن ٨ سم
تسخن وتذوب النور وخربت الشمعه كله
وكلها عشان يخلص ٢٠ سياره في ساعه 



up 0 down 0
علاوي555 542
قبل 10 سنه



وازيدك نصيحة ..

اي قطعة تغيرها خذ القطعة القديمة لأنه يمكن يحطها بسيارة غيرك ويغشه 

لو ترميها بالزبالة


up 4 down 0
شرقااااااوي 652
قبل 10 سنه



بس ابشرك فتره وترجع تخرب .. محدثك حصل لي نفس ماحصل لك كملت معي شهر واحترقت 


up 0 down 0
ابو سعود629 4707
قبل 10 سنه