لماذا ينصح كبير مهندسي المركبات باستخدام زيوت تخليقيه خفيفة

فيه ناس تنصح بالزيت الثقيل 20w50
بعد ما يتعدى ممشى السيارة 100 الف بالسيارات الجديدة وهذا خطأ فادح يستوجب التوضيب في وقت لاحق ليس ببعيد واكبر مدمر لمكينة السيارة هو : زيت غسيل المكينة من الداخل هذا السائل القاتل لجميع المكاين على حسب مدة تشغيل المكينه والسائل بداخلها

يارحال انا سيارتي من يوم اشتريتها على ٢٠w50 خربت عندي الطرمبه وغيرتها واستمريت على نفس الزيت ايش رايك في ناس تقول سيارتك تعودت على الثقيل خليك عليه ادا عندك كلام عن تجربه علمني احول خفيف او لا

النزهه.. زيت 20w50 لا بأس به لكنه يختلف من شركه لشركه مثل سوبر شل بلستيك احمر لزوجته أثقل بكثير من كاسترول GTX وبأمكانك تجربة ذالك
اما الناس اللي تقول سيارتك تتعود فالرد راح يكون بان المكينه اجزاء صلبة متحركة بنسق موحد وهنا مستحيل انها تتعود على وضع معين سوى في فترة التليين ( التمرين للجديدة )
هالاجزاء الصلبه عند حركتها تسبب احتكاك والزيت الثقيل صحيح انه يخفف الاحتكاك لكن طرمبة الزيت راح تواجة صعوبة في توصيل الزيت لجميع اجزاء المحرك
والدليل تشغيل السيارة في الصباح بالزيت الثقيل راح تبين طقطقة تختفي بمجرد تسخين السيارة لانخفاظ كثافة الزيت بسبب الحرارة او تحويل الزيت الى اخف واسف على الاطاله

اخوي شف كتلوج السياره موجود فيه رقم الزيت . 

انا كنت استخدم لزوجة 10w30 حتى ظهرت فجأة لمبة الزيت في الطبلون . 
وكانت السيارة ماشية 120 الف كيلو . وكنت خيف من طرمبة الزيت وما قصروا الشباب بالمنتدى
نصحوني اغير الزيت ل 20w50 . الحمد لله مباشرة اختفت اللمبه والسيارة الان ماشية 137 الف وما فيها الا العافية .

اللحين يوم اجيب قدر طبخ واطبخ عليه كل يوم رز 
ويوم بغيت اطبخ عليه اي شيء ثاني .. القدر يقولي لا لو سمحت لاتطبخ فيني غير رز 

هذا حال كثير من الدلوخ اللي يقولك المكينة تعودت على زيت معين 
انا اتحدى اي شخص مكينته نظيفة ويغير من زيت لزيت وتجيه مشكله 
الا اذا مكينته معدومه ورايحه فيها ذا شيء ثاني وماتوقع انه الزيت عامل رئيسي 

يا  fx2y ياليت تعطينا من خبرتك انت وقدر الرز هههه

كيف اذا مكينته معدومه 

ياجماعة الخير صلو على النبي ....

السيارات انواع واشكال والشركات مختلفه عن بعض اللي يبي يعرف ايش الزيت المناسب 

لسيارته يقرأ (( الكاتلوج حق السياره )) بلا فلسفة المهندسين والخبراء اللي صنع سيارتك 

ادرى من الخبراء والمهندسين السيارات مختلفه مثل المواليد الصغار الحين ورعان الغرب

لو يجيبون واحد ويحطونه عندك انت تدري وش يشرب من حليب الحليبات انواع واشكال

وش الللزوجه المناسبه له قصدي نوع الحليب اللي مناسب له لو كان ولدك تدري وش يشرب

وتعرف عنه الصغيره والكبيره وكل شي تعرفه لانه ولدك لاكن اولاد الناس وش دراني وش يشرب

يمكن تعطيه الحليب اللي يشربه ولدك ومايناسبه يمكن يموت عندك لانه مايناسبه بضبط مثل السيارات 

اللي مكاينها وصناعتها تختلف عن بعض الحين مثل سيارات تويوتا مكتوب في الكتلوج استخدم 20w50

هونداي الكاتلوج مكتوب ابتعد عن الزيوت الثقيله واستخدم الخفيف ليش لانها تختلف فيه ناس معها 

هونداي واستخدمت الزيوت الثقيله خبطة مكاينها وناس عندها تيوتا استخدمت الخفيف وخبطت انشعر السلندر

لانه خفيف عند اخوي سوناتا وعندي كامري مره قلت ابجرب زيته خفيف صدقت كلام الخبراء اللي يقولون 

الزيوت الثقيله تعدم الطرمبه المهم جربت زيته انواع الاصوات والقربعه وماكملت 500 الى وزيت ناقص 

رجعت على الزيت اللي استخدمه والسياره رجعت تمام وهو لو يحط الزيت الثقيل اللي استخدمه يمكن مكينته 

تخبط كل سياره ولها نوع وكميه ولزوجه تناسبها السيارات مختلفه ( اقر الكاتلوج ) وابن امه يتفلسف عليك

لانك الحين عرفت وش اللي يناسب سيارتك لايجيك واحد ويقلك تعدم الطرمبه و الكاتلوج يقول استخدم الثقيل

اذا سمعت كلامه ونت عارف اش يقول الكاتلوج خل مكينتك تخبط وتستاهل ماجاك وخل كلام الناس ينفعك 

مااينفعك اللى كاتلوجك يابعدي لافلسفة ولا كلام فاضي اللي تخبط مكاينهم مايعترف بشي اسمه كاتلوج سياره !!!!

انا عندي كامري وجربت كل الزيوت عليها ٢٠-٥٠و١٠-٣٠ والحين ٣٠-٥ طلع افضل زيت ٣٠-٥ بس الحمد لله ماصار معي شي 

انا مثلك يالسفير اول ما شريت السيارة كنت اغير فوكالة الناغي وطلع الوكالة وموظفينها من جننننننبها، بعدها بفترة رحت اسالهم وش احط زيت يقولي 20w 50, ومشيت على كلامهم حسبي الله الين الله فتح بصيرتي على الكتالوج ومن بعدهاا امشي عليه ما احتاج لا وكالة ولا منتدى كل شي فيه اطبقه وحمد لله صوت المكينة ناعم وصرفيه بنزين اقل وعزم خفيف 

وكالة الناغي كل شي عندهم كاسترول كاسترول وهو مكرر بس خلاص يبغون يمشونه على حسابنا