اقل نسبة فائدة تمويل في البنوك ماهي

اولا المبلغ على حسب راتبك 
وكل بنك له نسبة بالفايدة 
وفيه بعض البنوك يعطون نسب خاصة على حسب القطاع اللي تعمل فيه 

أنصحك بالبنك العربي عن تجربة،
قمت بشراء سيارة ٢٠١٠ والفائدة كانت ٢.٧٪ فقط بدون دفعة أولى، ورسوم إدارية الف ريال على ٤ سنوات

تبي نصيحة اخ لأخوه
لا تاخذ قرض من البنوك والله مافيه بركة 
اتسلف او خذ سيارة تقسيط مافي مشكله
لكن تاخذ قرض لا 
والله يبارك فيك 

اي بنك في المملكة يقبلك بغض النظر عن مقر عملك أو سكنك ..
الاهم الحصول على إخلاء الطرف من بنكك الحالي .
الفائدة الان في جميع البنوك لا تتجاوز ١.٥٪ في حالة التمويل الجديد المشكلة لا بغيت إعادة تمويل بعد فترة و انت مجبور عليهم يطلبون فايدة كبيره مقارنة بالفايدة الحاليه .

انا علي حالياً قسط للاهلي 663 ريال . والراتب 11 وزارة التعليم ... وعلى حسب كلام بنك الرياض يعطوني 205 ويشترون مديونتي من الاهلي ، لكن جالس ادور على اقل فوائد لانه يوم ماخذ من الاهلي كان 6.30 % وماابي نفس الغلطه ...

اخوي توماهوك لو باخذ اقساط من شركة او بنك الفائدة دبل فالقرض افضل حل غير كذا القرض نصه لسيارة والنص الباقي ان شاء الله لموضوع في ربح ان شاء الله

شوف البلاد عندهم عرض ما ادري خلص او لا النسبة عندهم 99. ويشترون مديونيتك لحق عليهم

شوف تمويل الخير من بنك سامبا مااعرف تفاصيله لكن ممكن يناسبك

تبي الزبدة كل البنوك تعطي اقل الفوائد , اذا تتداقشت معهم وطلبت اخلاء طرف لتنقل على بنك اخر , يقومو يتفاوضو معك

عن تجربة لأكثر من شخص

اقل نسبة فائدة في التمويل بنك الجزيره والاهلي ياخذون هامش 1.99% تقريبا اواقل لكن ماانصحك خذفي الراجحي افضل لان لواحتجة قرض تكميلي بيعطيك على طول وتبداء تسدد الاقساط بعداربع سنين!!! لكن الامر موثابت طبعا تختلف من موظف الى موظف حسب الراتب

انااخوي اخذ من بنك البلاد 200الف حسبوها عليه 217الف

يعني زياده فقط17الف مقارنة بالمبلغ يابلاش وموظف مثل الاخ معلم راتبه فوق 10 وشويه

2000 الف اذا بتسددها 15 الى 17 الف هذا اقل شي
شف بنك الانماء و الجزيرة و الاستثمار
مسوين عرض للمدرسين

قصدي 200 الف و تسددها 215 او 217 الف

بنك البلاد عنده عرض
1% شوفهم

اهم شئ تأكد ان لايكون قرض  ربوي
تأكد من نوع السلعة قبل الإتفاق 
وقراء العقد قبل النوقيع ممكن يكون فيه نقاط تضرك
(وتأكد انهم يبحثون عن مصلحتهم قبل مصلحتك)

اتفق العرب على ان لايتفقو 
كل واحد له رأي 
ولو سألت وش اسوء بنك كل واحد حط اسم بنك من راسه 

كل البنوك زينه وكل البنوك سيئه 
تلقا واحد دخل بنك ولقاه زحمه يقول انحاش مايصلح 
تلقى الثاني لقى معامله لك عليها من موظف قال اترك هالبنك مايصلح 

انا أخذت من السعودي للاستثمار قرض نازل صافي لي ٣٤٨الف والسداد طال عمرك٣٧٠ الف تقريبا وقسط ٦١٣٠ ريال خمس سنوات والعرض كان السنه الاولى بدون فائدة

البﻻد عرضهم بيخلص تأكد

نصيحه شف لك بنك اسلامي يبارك لك رب العالمين في مالك لاتطلع من الانماء والبلاد والجزيرة والراجحي وكلهم بيعطونك مادام راتبك حر تدلع على كيفك 
بس نصيحه من اخو لاخوه اذا انت مابعد تزوجت لاتحط فلوسك في حديد محتاج سيارة قسط من اي شركه او ادخل جمعية بمبلغ جامد واشتر سيارة كاش على قد فلوسك 
الحلول قدامك حكم عقلك واستخر ربك 
بالتوفيق 

نصيحه شف لك بنك اسلامي يبارك لك رب العالمين في مالك لاتطلع من الانماء والبلاد والجزيرة والراجحي وكلهم بيعطونك مادام راتبك حر تدلع على كيفك
بس نصيحه من اخو لاخوه اذا انت مابعد تزوجت لاتحط فلوسك في حديد محتاج سيارة قسط من اي شركه او ادخل جمعية بمبلغ جامد واشتر سيارة كاش على قد فلوسك
الحلول قدامك حكم عقلك واستخر ربك
بالتوفيق


لله درك يا بريق الرياض
نصيحة تسطر من ذهب بارك الله فيك ..
افتقدنا في عصرنا الحالي الناصح الصادق بين الأخوان حتى ولو لم يكن لهم صلة ببعض ..

أعجبتني نصيحتك لأخونا فأحببت ان اشكرك